Chaitra Vasudevan Announced Her Divorce With Husband Satya: ఈమధ్య సినీ పరిశ్రమలో విడాకుల పర్వం కొనసాగుతోంది. అన్యోన్యంగా కలిసి ఉండే జంటలు కూడా.. విడాకుల ప్రకటనతో సడెన్ షాక్ ఇస్తున్నారు. ఇప్పుడు కన్నడ ఇండస్ట్రీలో ఇన్నాళ్లూ ఆదర్శ దంపతులుగా పేరుగాంచిన ఓ జంట విడిపోయింది. తమ ఐదేళ్ల వైవాహిక జీవితానికి ముగింపు పలుకుతున్నామని.. కన్నడ నటి, యాంకర్ చైత్ర వాసుదేవన్ ఇన్స్టాగ్రామ్ వేదికగా ప్రకటించింది. దీంతో.. ఆమె అభిమానులతో పాటు సినీ వర్గాలు ఒక్కసారిగా ఖంగుతిన్నారు.
Viral Video: వర్షంలో తడుస్తూ డ్యాన్స్ చేస్తున్న లవర్స్.. ఇదేం పిచ్చి..
చైత్ర వాసుదేవన్ కన్నడ బిగ్బాస్ సీజన్ 7తో మంచి పాపులారిటీ సంపాదించాంది. యాంకర్గా, నటిగా తనదైన ముద్ర వేసిన ఈ నటి.. 2017లో ప్రముఖ వ్యాపారవేత్త సత్య నాయుడుని పెళ్లి చేసుకుంది. వీరిది పెద్దలు కుదిర్చిన వివాహం. పెళ్లైన నాటి నుంచి ఎంతో అన్యోన్యంగా ఉంటూ.. ఆదర్శ దంపతులకు ఉదాహరణగా నిలిచారు. అలాంటి ఈ జంట ఇప్పుడు విడిపోయింది. కొన్ని వ్యక్తిగత కారణాల వల్ల విడాకులు తీసుకుంది. తన విడాకులపై చైత్ర ఇన్స్టాలో పోస్ట్ పెడుతూ.. ‘‘డియర్ ఆల్, ఎన్నో నెలలు బాగా ఆలోచించాక ఈ విషయం మీకు చెప్పాలని నిర్ణయించుకున్నా. సత్య, నేను విడిపోయాం. దయచేసి మా విడాకులపై ఎవరూ అసభ్యంగా మాట్లాడొద్దు. మాలో ఎవరిపైనా ద్వేషం చూపించొద్దు. మమ్మల్ని జడ్జ్ చేయొద్దు’’ అంటూ పోస్ట్ పెట్టింది.
Kangana Ranaut: ఇలాంటి చెత్త సినిమా తీసినందుకు సిగ్గుపడాలి.. కరణ్ జోహర్పై కంగనా ఎటాక్
అంతేకాదు.. ఈ విడాకుల బాధ నుంచి బయటపడేందుకు తాను చాలా కష్టపడుతున్నానని, ఇలాంటి సమయంలో తమ విడాకులపై ఎవరైనా బ్యాడ్గా మాట్లాడితే అది తనను ఇంకా బాధిస్తుందని చైత్ర పేర్కొంది. జీవితంలో అన్నీ మర్చిపోయి ముందుకు సాగడానికి.. మనం చేసే పనే మనకు సహాయపడుతుందని తెలిపింది. తాను ఇండస్ట్రీలో పదేళ్లకుపైగా పనిచేశానని, విడాకుల అనంతరం నటిగా తన ప్రయాణం కొనసాగించాలని అనుకుంటున్నానని వెల్లడించింది.
