Adipurush: ‘ఆదిపురుష్‌’ రిలీజ్‌ డేట్‌ లాక్..

మహాశివరాత్రి సందర్భంగా తన ఫ్యాన్స్‌కు ‘ఆదిపురుష్‌’ రిలీజ్‌ డేట్‌ లాక్‌ చేస్తూ మంచి ట్రీట్‌ ఇచ్చారు పాన్‌ ఇండియా స్టార్‌ ప్రభాస్‌.. రామాయణం ఆధారంగా తెరకెక్కుతున్న ప్రతిష్టాత్మక మూవీ ఆదిపురుష్‌పై ఎన్నో అంచనాలున్నాయి.. బాలీవుడ్‌ దర్శకుడు ఓం రౌత్‌ దర్శకత్వంలో తెరకెక్కుతున్న ఈ మూవీ.. షెడ్యూల్‌ ప్రకారం ఈ ఏడాది రిలీజ్‌ కావాల్సి ఉన్నా… తాజాగా, ఆ డేట్‌ను ఫిక్స్‌ చేస్తూ ఓ పోస్టర్‌ను రిలీజ్‌ చేశారు మేకర్స్‌.. జనవరి 12న 2023 సినిమా విడుదల చేయనున్నట్టు చిత్ర యూనిట్‌ ప్రకటించింది. మొత్తంగా వచ్చే ఏడాది సంక్రాంతికి కనువిందు చేయబోతోంది ఈ మూవీ.. ఇక, ఈ మూవీలో రాముడిగా ప్రభాస్‌, సీతగా కృతి సనన్‌ నటిస్తుండగా.. సైఫ్‌ అలీ ఖాన్ రావణుడి పాత్ర పోషిస్తున్నారు.. ఈ చిత్రం షూటింగ్‌ ఇప్పటికే పూర్తి చేసుకుని పోస్ట్ ప్రొడక్షన్‌ పనులు జరుపుకుంటుంది.

Read Also: GDP: వృద్ధి రేటులో పురోగతి.. భారతే టాప్..!

ఇక, మహాశివరాత్రి సందర్భంగా ఈ చిత్రం నుంచి అప్‌డేట్‌ ఇవ్వబోతున్నట్టు సోమవారం రోజే తెలిపిన మేకర్స్‌.. మరోసారి ఆదిపురిష్‌ను ట్రెండింగ్‌లోకి తెచ్చారు.. మొత్తంగా ఇవాళ రిలీజ్‌ డేట్‌ను ఫిక్స్‌ చేస్తూ ఓ పోస్టర్‌ను వదిలి.. డార్లింగ్‌ ప్రభాస్‌ ఫ్యాన్స్‌కు మంచి ట్రీట్‌ ఇచ్చింది చిత్ర యూనిట్.. కాగా, ఈ చిత్రం ఆగస్టు 11న విడుదల కావాల్సి ఉండగా.. అమీర్‌ ఖాన్‌, నాగచైతన్య కీలక పాత్రలు పోషించిన లాల్‌ సింగ్‌ చద్దా చిత్రాన్ని అదే డేట్‌కి రిలీజ్‌ చేయబోతున్నట్టు ప్రకటించారు మేకర్స్‌.. ఆదిపురుష్‌తో చర్చల అనంతరం ఈ నిర్ణయం తీసుకున్నట్టు తెలిపారు.. దీంతో.. వాయిదా పడిన ఆదిపురుష్‌కి శివరాత్రి సందర్భంగా రిలీజ్‌ డేట్‌ ఫిక్స్‌ చేశారు. అయితే, ఈ మూవీలో రెబల్‌ స్టార్‌ ప్రభాస్‌ ఎలా ఉండబోతున్నారు.. ఆయన గెటప్‌ ఎలా ఉంటుంది, రాముడిగా ఎలా ఉండబోతున్నారు అనే విషయంలో మాత్రం అభిమానులు ఆసక్తికరంగా ఎదురుచూస్తున్నారు.