“ఉదయం ఆరింటికి లేచి చకచకా రెడీ అయ్యి.. స్కూల్ కి పరిగెత్తి.. సాయంత్రం స్కూల్ నుంచి తిరిగి రాగానే.. స్నాక్స్ తిని ట్యూషన్ కి వెళ్లి అక్కడి నుంచి రాత్రి ఎనిమిది తొమ్మిది గంటల మధ్య ఇంటికి తిరిగి వచ్చి.. డిన్నర్ చేసి స్కూల్, ట్యూషన్ హోంవర్క్ పూర్తి చేసి.. రాత్రి 10 నుంచి 11 గంటలకు పడుకుని మళ్లీ ఉదయం లేచి.. పరిగెత్తడం.” రోజూ మీ పిల్లలు ఇంట్లో ఇదే చేస్తున్నారా? అయితే వారి శారీరక, మానసిన ఆరోగ్యం దెబ్బతినేందుకు మీరే కారకులు.. మంచి కెరీర్ని సంపాదించుకోవడానికి, లక్షల విలువైన ప్యాకేజీని పొందడానికి రేసులో పరిగెత్తే ప్రతి బిడ్డా.. ఎదో తెలియని బాధని అనుభవిస్తున్నాడు. తల్లిదండ్రులు తమ పిల్లల ఉజ్వల భవిష్యత్తుకు బలమైన పునాదిని నిర్మించడానికి ఎల్లప్పుడూ కష్టపడుతారనేది నిజం. కానీ ఈ కఠినత మధ్య, పిల్లలకు భావోద్వేగ మద్దతు కూడా అవసరం.
యుక్తవయసులో ఆత్మహత్యలు..
పిల్లల్లో పెరుగుతున్న ఒత్తిడి కూడా ఆత్మహత్యలకు కారణంగా మారుతోంది. 25% టీనేజ్ అబ్బాయిలు, 50% నుంచి 75% కౌమార బాలికల ఆత్మహత్యలకు మానసిక ఒత్తిడి కారణమట. యుక్తవయస్కులలో ఆత్మహత్య ధోరణులలో 6% తగ్గుదల ఉంది. ఆందోళనకరమైన విషయం ఏమిటంటే, యుక్తవయస్సులో ఉన్న బాలికలలో 7% పెరుగుదల ఉంది. ఇలాంటి పరిస్థితుల్లో నేటి కాలంలో పిల్లలు ఒత్తిడికి గురై ఆత్మహత్యల దిశగా అడుగులు వేస్తున్నట్లు స్పష్టమవుతోంది.
ఇతరులతో పోల్చడం మానేయండి..
చదువు విషయంలో పిల్లలను ఇతరులతో పోల్చడం సర్వసాధారణం. తల్లిదండ్రులు, ఉపాధ్యాయులు ఇలా చేయడం వల్ల పిల్లలు ప్రేరేపితమవుతారని నమ్ముతారు. కానీ ఈ పోలిక పిల్లలను లోపలి నుంచి విచ్ఛిన్నం చేస్తుంది. మానసిక సంఘర్షణ స్థితికి వస్తారు. వారు ఒత్తిడికి లోనవుతారు. తమను తాము శక్తికి మించిన వారిగా భావించడం ప్రారంభిస్తారు. అటువంటి పరిస్థితిలో.. తల్లిదండ్రులు, ఉపాధ్యాయుల నుంచి పిల్లలపై అధిక అంచనాల ఒత్తిడి పెరుగుతుంది. ఇది వారి మానసిక ఆరోగ్యం, నిద్ర రెండింటినీ ప్రభావితం చేస్తుంది. నార్వేజియన్ అధ్యయనం ప్రకారం… ఆరోగ్యంగా ఉండటానికి దీర్ఘ, లోతైన నిద్ర చాలా ముఖ్యం. మరొక జర్మన్ అధ్యయనం ప్రకారం.. ప్రతిరోజు ఎనిమిది గంటలు తగినంత నిద్రను పొందినట్లయితే.. చురుగ్గా ఉంటారట.
నేటి కాలంలో పిల్లలపై చదువుపై ఒత్తిడి..
నేటి కాలంలో పిల్లలపై చదువుపై ఒత్తిడి, ఫెయిల్యూర్ భయం, అంచనాల భారం వారిని ఆందోళన, నిస్పృహలకు గురి చేస్తున్నాయి. నేషనల్ మెంటల్ హెల్త్ సర్వే ఆఫ్ ఇండియా ప్రకారం… డిప్రెషన్తో బాధపడుతున్న దేశంలో 40% నుంచి 90% మంది యువకులు అనేక ఇతర సమస్యలను కూడా ఎదుర్కొంటున్నారు. వారు అనేక మానసిక సవాళ్లను ఎదుర్కొంటున్నారు. ఇలాంటి సందర్భాల్లో వారు మత్తుపదార్థాలు, డ్రగ్స్ తీసుకోవడం కూడా ప్రారంభిస్తారు. ఇండియన్ కౌన్సిల్ ఆఫ్ మెడికల్ రీసెర్చ్ (ICMR) నిర్వహించిన సర్వేలో భారతదేశంలో 12 నుంచి 13% మంది విద్యార్థులు మానసిక, భావోద్వేగ, ప్రవర్తనా సమస్యలతో బాధపడుతున్నారని వెల్లడైంది. చదువుల ఒత్తిడి పెరిగే కొద్దీ ఈ పోరాటం కూడా పెరుగుతుంది. అటువంటి పరిస్థితిలో మీరు ముందే తొందరపడి ఈ విధమైన ఒత్తిడిని మీ పిల్లలపై చూపకుండా ఉంటే మంచిది.
