Dengue Prevention: డెంగ్యూ బారిన పడకుండా ఉండాలంటే ఏం చేయాలి..?

వర్షాకాలంలో దోమల ద్వారా సంక్రమించే వ్యాధుల ప్రమాదం గణనీయంగా పెరుగుతుంది. ప్రతి సంవత్సరం డెంగ్యూ, మలేరియా, చికున్‌గున్యా వంటి వ్యాధుల కారణంగా పెద్ద సంఖ్యలో ప్రజలు ఆసుపత్రులలో చేరుతున్నారు. మహారాష్ట్ర, ఉత్తరప్రదేశ్.. ఢిల్లీ-ఎన్‌సిఆర్‌తో సహా అనేక రాష్ట్రాల్లో డెంగ్యూ రోగుల సంఖ్య పెరుగుతుంది. మునిసిపల్ కార్పొరేషన్ ఆఫ్ ఢిల్లీ (MCD) డేటా ప్రకారం.. ఈ సంవత్సరం జూన్ 30 వరకు 246 డెంగ్యూ కేసులు నమోదయ్యాయి. 2023లో అదే సమయంలో 122 కేసులు నమోదయ్యాయి. ఈ క్రమంలో దోమల నివారణ చర్యలపై ప్రతి ఒక్కరూ సీరియస్ గా దృష్టి సారించాలని ఆరోగ్య నిపుణులు అంటున్నారు. డెంగ్యూ నివారణ చర్యలకు సంబంధించి కేంద్ర ఆరోగ్య మంత్రిత్వ శాఖ కూడా సలహాలు ఇచ్చింది.

ఆరోగ్య నిపుణులు ఏం చెబుతున్నారు?
వర్షాలు ప్రారంభమైన వెంటనే దోమల వల్ల వచ్చే రోగాల ప్రమాదం పెరుగుతోంది. డెంగ్యూ దోమలు పరిశుభ్రమైన.. నిలకడగా ఉన్న నీటిలో వృద్ధి చెందుతాయి. పగటిపూట ఎక్కువగా కుడతాయి. డెంగ్యూ ప్రమాదం నుండి సురక్షితంగా ఉండటానికి.. దోమల పెంపకం, కుట్టకుండా నిరోధించడానికి కృషి చేయడం ముఖ్యం అని ఆరోగ్య నిపుణులు చెబుతున్నారు. డెంగ్యూ హెమరేజిక్ ఫీవర్‌కు కూడా కారణమవుతుంది.. ఇది ప్రాణాంతకం కూడా కావచ్చు అని అంటున్నారు.

ఆరోగ్య మంత్రిత్వ శాఖ సలహా ఇచ్చింది
వర్షాకాలంలో మురికివాడల్లో కుండలు, టైర్లు, పగిలిన పాత్రలు లేదా ప్లాస్టిక్ షీట్ల కింద నీరు పేరుకుపోతుందని ఆరోగ్య నిపుణులు అంటున్నారు. ఇవన్నీ దోమల వృద్ధికి అనువైన ప్రదేశాలు. నీటి కుంటలు, మూసుకుపోయిన డ్రెయిన్లలో పేరుకుపోయిన నీరు కూడా డెంగ్యూను వ్యాపింపజేసే ఏడిస్ దోమలకు తగిన సంతానోత్పత్తి కేంద్రాలుగా మారుతాయని చెబుతున్నారు. అయితే.. నీరు చేరకుండా చర్యలు తీసుకుంటే డెంగ్యూ ప్రమాదాన్ని చాలా వరకు తగ్గించడంలో సహాయపడుతుందని నిపుణులు పేర్కొంటున్నారు.

డెంగ్యూ రాకుండా ఉండాలంటే ఏం చేయాలి?
నీటి ట్యాంకులు, కంటైనర్ల మూతలను గట్టిగా మూసివేయండి.
ప్రతి వారం కూలర్‌ను శుభ్రం చేసి ఆరబెట్టండి.
పడుకునేటప్పుడు దోమతెర ఉపయోగించండి.
దోమలు కుట్టకుండా ఉండాలంటే శరీరాన్ని పూర్తిగా కప్పి ఉంచే దుస్తులను ధరించాలి.
అవసరమైతే దోమల నివారణ క్రీమ్, కాయిల్ మొదలైనవి ఉపయోగించండి.
జ్వరం వచ్చినప్పుడు కేవలం పారాసిటమాల్ మాత్రమే తీసుకుని, నీళ్లు ఎక్కువగా తాగి వైద్యులను సంప్రదించాలి.

డెంగ్యూ రాకుండా ఉండాలంటే ఏం చేయకూడదు?
మీ చుట్టూ నీరు చేరడానికి అనుమతించవద్దు.
కొబ్బరి చిప్పలు, పాత టైర్లు, కప్పులు, డబ్బాలు, సీసాలు, డబ్బాలు మొదలైన వాటిని బహిరంగంగా వేయకండి.
డెంగ్యూ జ్వరానికి నిర్దిష్ట ఔషధం లేదు.. కాబట్టి మీ స్వంతంగా మందులు తీసుకోవడం మానుకోండి.
మీకు డెంగ్యూ జ్వరం యొక్క సాధారణ లక్షణాలు కనిపిస్తే.. డాక్టర్ సలహా లేకుండా ఆసుపత్రిలో చేరొద్దు.