USA: భారత సంతతి కుటుంబంలో విషాదం.. దంపతులతో పాటు ఇద్దరు పిల్లల మరణం..

USA: అమెరికాలోని న్యూజెర్సీ రాష్ట్రంలో భారత సంతతికి చెందిన కుటుంబంలో విషాదం నిండింది. దంపతులతో పాటు ఇద్దరు పిల్లలు శవమై కనిపించారు. ఈ ఘటనపై పోలీసులు దర్యాప్తు చేస్తున్నారు. తేజ్ ప్రతాప్ సింగ్(43), సోనాల్ పరిహార్(42)తోపాటు వారి 10,6 ఏళ్ల వయసున్న పిల్లలు ప్లెయిన్స్‌బోరో లోని వారి ఇంట్లో విగతజీవులుగా పడి ఉన్నారు.

Read Also: Honey Rose : పవన్ కళ్యాణ్ కు జోడిగా హనీ రోజ్?

అక్టోబర్ 4 సాయంత్రం ప్లెయిన్స్ బోరోలోని నివాసాన్ని తనిఖీ చేయాల్సిందిగా 911కి కాల్ వచ్చింది. పోలీసు అధికారులు తనిఖీ చేయడా నలుగురు చనిపోయి ఉండటాన్ని గమనించారు. ప్రస్తుతం చనిపోయిన వారికి శవపరీక్షలు జరుగుతున్నాయని, కేసు దర్యాప్తులో ఉందని ప్లెయిన్స్‌బోరో టౌన్‌షిప్ పోలీస్ డిపార్ట్మెంట్ వెల్లడించింది. ఈ ప్రాంతానికి చెందిన సమాచారం, నిఘా ఫుటేజీ ఉంటే పోలీసుల్ని సంప్రదించాలని కోరారు.

అంతకుముందు కుటుంబానికి చెందిన కొన్ని ఫోటోలను పోలీసులు స్వాధీనం చేసుకున్నారు. హోళీ పండగలో కుటుంబం మొత్తం పాల్గొన్న ఫోటోలు వైరల్ అయ్యాయి. ఈ విషాదాన్ని పోలీసులు హత్య-ఆత్మహత్యగా పరిణిస్తున్నారు. మృతుడు తేజ్ ప్రతాప్ సింగ్, అతని భార్య పరిహార్ ఐటీ, హెచ్ఆర్ ఉద్యోగాలు చేస్తున్నట్లు బంధువులు తెలిపారు.