Gas Cylinder Blast: పేలిన గ్యాస్‌ సిలిండర్‌.. మూడేళ్ల చిన్నారి సహా భార్యాభర్తల మృతి

Gas Cylinder Blast: గుజరాత్‌ రాష్ట్రంలో గ్యాస్‌ సిలండర్‌ పేలిన ఘటనలో ముగ్గురు ఆంధ్రప్రదేశ్ వాసులు మృతిచెందారు.. శ్రీకాకుళం జిల్లా వజ్రపుకొత్తూరు మండలం ఒంకులూరు చెందిన వలస కూలీలు గుజరాత్ రాష్ట్రం ముంద్రాలో గ్యాస్ సిలిండర్ పేలిన దుర్ఘటనలో ప్రాణాలు విడిచారు.. ఒంకులూరు గ్రామస్తులు , బంధువుల చెబుతున్న వివరాల ప్రకారం.. ముంద్రాకు బతుకు తెరువు కోసం వెళ్లిన వలస కూలీలు గ్యాస్ సిలిండర్ పేలిన ఘటనలో ఒకే కుటుంబానికి చెందినవారు దుర్మరణం పాలయ్యారు. గ్యాస్ సిలిండర్ పేలి పోవడంతో లండ రవి (38), అతని భార్య లండ కవిత (31), కుమారై లండ జాహ్నవి (3)లు మృత్యువాత పడటంతో స్వగ్రామం ఒంకులూరులో విషాద చాయలు అలుముకున్నాయి.

Read Also: Whatsapp Governance: ఏపీలో నేటి నుంచి వాట్సాప్ గవర్నెన్స్..

మంగళ వారం ఉదయం లండ రవి టీ తాగడానికి గదిలో ఉన్న గ్యాస్ పొయ్యిని వెలిగించడంతో ఒక్క సారిగా మంటలు చెలరేగాయి. భార్యభర్తలతో పాటు కుమారై మంటల్లో చిక్కుకునిపోయింది.. వెంటనే స్పందించిన స్థానికులు మంటలను ఆర్పే ప్రయత్నం చేసినప్పటికీ.. అప్పటికే తండ్రి రవి, కుమారై జహ్నవి మంటలలో వూర్తిగా కాలి అక్కడికక్కడే మృతి చెందారు. ఇక, కొన ఊపిరితో కొట్టిమిట్టాడుతున్న కవితను ఆహ్మదాబాద్ లోని అసుపత్రికి తరలించగా చికిత్స పొందుతూ బుధవారం మృతి చెందింది. ఒకే కుటుంబానికి చెందిన ముగ్గురు చనిపోవడంతో మృతుల స్వగ్రామం ఒంకులూరులో విషాదం నెలకొంది.