Perni Nani: ఇది సినిమా కాదు వైసీపీ.. అట్టుకు 10 అట్లు, వాయినానికి 10 వాయినాలు పెడతాం..!
- Follow Us :
-
-
Add as a preferred
source on google
జనసేన అధినేత పవన్ కల్యాణ్కు మరోసారి సీరియస్ వార్నింగ్ ఇచ్చారు మాజీ మంత్రి పేర్ని నాని.. విశాఖలో పవన్ పర్యటన సందర్భంగా చోటు చేసుకున్న ఘటనలు, పవన్ చేసిన కామెంట్లపై స్పందించిన ఆయన.. పవన్ కల్యాణ్ చెప్పిన విషయాలే మళ్లీ మళ్లీ వల్లేస్తున్నారు.. నీ సినిమా డైలాగులుకు, ఎవరో రాసిస్తే మాట్లాడే మాటలకు మా కార్యకర్తలు భయపడరు.. ఇది సినిమా కాదు.. ఇది వైఎస్ఆర్ కాంగ్రెస్ పార్టీ.. అట్టుకు 10 అట్లు పెడతాం… వాయినానికి పది వాయినాలు వడ్డిస్తామంటూ కౌంటర్ ఇచ్చారు.. ఇక, జనసేన ఈజ్ వెయిటింగ్ అంటూ పవన్ చేసిన వ్యాఖ్యలపై స్పందించిన పేర్నినాని.. అదే స్థాయిలో వార్నింగ్ ఇచ్చారు.. టీడీపీ, బీజేపీ, కమ్యూనిస్టులతో కలిసి రండి… వైసీపీ ఈజ్ వెయిటింగ్ అంటూ బదులిచ్చారు. మాట మార్చడంలో పవన్ ను మించిన వారు లేరన్న ఆయన.. మాట మార్చే వారికి ఐకాన్గా నిలిచారని పవన్పై సెటైర్లు వేశారు.. 2014 ఎన్నికల్లో టీడీపీకి ఓటేయాలన్న పవన్… 2019లో టీడీపీకి ఓటేయవద్దని చెప్పారని.. 2014లో బీజేపీకి ఓటేయాలన్న పవన్… 2019లో బీజేపీకి ఓటేయవద్దని చెప్పారని గుర్తుచేస్తూ కౌంటర్ ఎటాక్కు దిగారు..
Read Also: BMW Road Accident: ఘోర రోడ్డు ప్రమాదం.. 230 KMPH వేగంతో లారీని ఢీకొట్టిన కారు
Also Read
- AP Economic Regions: యువతకు లక్షలాది ఉద్యోగాలే లక్ష్యం.. మూడు ఎకనమిక్ రీజియన్లపై సీఎం చంద్రబాబు కీలక సమీక్ష
- AP Panchayat Elections: పంచాయతీ ఎన్నికల సందడి.. తుది దశ నోటిఫికేషన్ విడుదల.. పూర్తి వివరాలు..!
- Akvan Cyclone Alert: మళ్లీ ఉత్తరాంధ్ర తీరంవైపు అక్వాన్ తుఫాన్..! మరో 36 గంటలు అలర్ట్
- AP Panchayat Elections: తొలి దశలో బరిలో 21 వేల మందికి పైగా సర్పంచ్ అభ్యర్థులు.. 87 వేల వార్డు అభ్యర్థులు
ఇక, రాజధాని అమరావతిపైనా మాట మార్చడం పవన్ కు మాత్రమే చెల్లిందని ఆయన విమర్శించారు. పవన్ మాటలకు నీటి మీద రాతలకు ఏమాత్రం తేడా లేదన్న ఆయన.. విశాఖ ఎయిర్ పోర్టులో ఇద్దరు మహిళా మంత్రులు, ఇద్దరు బలహీన వర్గాలకు చెందిన మంత్రులు, ఓ దళిత మంత్రిపై దాడికి దిగిన జనసేన కార్యకర్తలను మందలించాల్సింది పోయి.. పవన్ వారిని వెనకేసుకు రావడం ఏమిటంటూ ఆగ్రహం వ్యక్తం చేశారు.. దళిత మంత్రిపై చెప్పులేయిస్తారా? మహిళా మంత్రులను అసభ్య పదజాలంతో తిట్టిస్తారా? అంటూ ఆవేదన వ్యక్తం చేశారు.. పవన్ కు స్వాగతం చెప్పేందుకు జెండా కర్రలతో రావాల్సిన జనసేన కార్యకర్తలు… దాడులు చేసే కర్రలకు జెండాలు కట్టుకుని ఎలా వచ్చారని ప్రశ్నించారు. మంత్రులపై దాడులు చేస్తుంటే… పోలీసులు చేతులు కట్టుకుని కూర్చోరు.. వారి విధులను వారు నిర్వహిస్తారన్న మాజీ మంత్రి.. తనపై ఎవరైనా విమర్శలు చేస్తే సహించలేని పవన్.. తాను మాత్రం ఇతరులపై ఏ మాటలైనా మాట్లాడవచ్చా? అంటూ నిలదీశారు..
తనపై వ్యతిరేక కథనాలు రాశారని పలు పత్రికలు, టీవీ ఛానెళ్లను నిషేధిస్తున్నానని చెప్పిన పవన్… ఇప్పుడు అవే పత్రికలు, టీవీ ఛానెళ్లు తనకు అండగా నిలవాలని ఎలా కోరతారని నిలదీశారు పేర్నినాని.. చంద్రబాబు ఏ మాట చెబితే అదే మాట్లాడుతున్నాడు.. 2019 ఎన్నికలకు ముందు అమరావతి అందరి రాజధాని కాదు అన్నాడు.. ఆయనే కాదు ఆనాడు అన్నీ రాజకీయపార్టీలు అన్నాయి.. డిక్కీ బలిసిన కోడి చికెన్ షాప్ ముందు తొడకొట్టింది.. అలానే అమరావతి యాత్ర కూడా చేస్తున్నారు అని ఎద్దేవా చేశారు. విశాఖలో రాజధాని వద్దు అంతా మాకే కావాలి అంటే వారిలో భావోద్వేగం పెరగదా? అని ప్రశ్నించారు.. అక్కడి ప్రజల ఉద్యమానికి మేం మద్దతు ఇచ్చాం.. అధికారంలో ఉన్నా నిజాయితీ ఉద్యమానికి మద్దతు ఇస్తాం అన్నారు.. ఉక్కు కార్మికులు ఉద్యమం చేస్తే దానికీ మద్దతు ఇచ్చాం.. చంద్రబాబు లా అధికారం ఉంటే ఒకలా లేకుంటే మరోలా ఉండే తత్వం మాదికాదని స్పష్టం చేశారు.
నిలకడలేని తత్వంలో నిష్ణాతుడు పవన్ కల్యాణ్ అని ఫైర్ అయిన పేర్ని.. ఒక బాధ్యతాయుతమైనా ఐపీఎస్ అధికారి గురించి బాధ్యత లేకుండా మాట్లాడుతున్నాడు.. వాటిని జెండా కర్ర అంటారా…? ఒక బీసీ మంత్రిని 20 నిమిషాలు ఇబ్బంది పెడతారా?సభ్యసమాజం కోసం అయినా నేను చింతిస్తున్నాను అన్నాడా? ఇద్దరు మహిళలు, ఒక బీసీ, ఒక దళిత మంత్రిపై దాడి చేస్తారా? ఒక దళిత మంత్రిపై చెప్పులేస్తారా…? అనుమతి తీసుకుని బహిరంగ సభ పెట్టుకో ఎవరు వద్దన్నారు…? అనుమతి లేకుండా చేసిన ర్యాలీ వల్ల ట్రాఫిక్ ఆగిపోతుంది అని చెప్పడం తప్పా? అనరాని, వినరాని మాటలు తిడతారు…కర్రలతో చంపడానికి ప్రయత్నం చేస్తారా…? కేవలం స్లోగన్స్ ఇస్తేనే తలకాయ పగిలి కుట్లు పడతాయా…? అంటూ ప్రశ్నల వర్షం కురిపించారు.. పవన్ సిగ్గు విడిచి బరితెగించి మాట్లాడుతున్నాడు.. ఒక్కోసారి ఒక్కో జిల్లాలో మీ నాన్న కానిస్టేబుల్ ఉద్యోగం ఎలా చేశాడు పవన్.. అది జిల్లా స్థాయి పోస్ట్.. .ఒక్కో సారి ఒక్కో జిల్లా చెప్తావెందుకు? ఇష్టారాజ్యంగా నోటికి వచ్చింది మాట్లాడి వ్యక్తిగతంగా మాట్లాడి ఇప్పుడు విధాన పరంగా మాట్లాడుతాను అంటాడు అని ఘాటు వ్యాఖ్యలు చేశారు మాజీ మంత్రి పేర్నినాని.
తాజావార్తలు
-
Aura Kid: ‘ఆరా కిడ్’గా ఫేమస్ అయిన రెండేళ్ల బుడతడు.. 139M వ్యూస్తో ఇన్స్టాను షేక్ చేస్తున్న వీడియో..
-
Henry Nicholls: భారత్పై పోరాటం.. భార్య పుట్టినరోజునే సెంచరీ.. హెన్రీ నికోల్స్ ఎమోషనల్ కామెంట్స్!
-
Yashasvi Jaiswal: కేకేఆర్ కొత్త కెప్టెన్గా యశస్వి జైస్వాల్..? ఆ డీల్ కుదరాలంటే ఉన్న పెద్ద చిక్కు ఇదే..
-
PM Modi: ‘‘తినడం, తాగడం, ఎంజాయ్ చేయడం’’ మన కల్చర్ కాదు.. మోడీ కీలక వ్యాఖ్యలు..
-
Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!