Reliance Trends: బట్టలు దొంగతనం చేస్తూ సీసీ కెమెరాలకు దొరికిన దొంగ
- Follow Us :
-
-
Add as a preferred
source on google
దొంగల్లో పలు రకాలు ఉంటారు. ఒకరు డబ్బులు దొంగతనం చేస్తే.. మరొకరు నగలు చోరీ చేస్తుంటారు. అయితే ఓ వ్యక్తి మాత్రం బట్టల దుకాణంలో బట్టలు దొంగతనం చేస్తూ దొరికిపోయాడు. వివరాల్లోకి వెళ్తే.. పార్వతీపురం మన్యం జిల్లా సాలూరు రిలయన్స్ ట్రెండ్స్‌లో మంగళవారం నాడు చోరీ జరిగింది. బట్టలు దొంగతనం చేస్తూ ఓ వ్యక్తి సీసీ కెమెరాకు చిక్కాడు. దీంతో రిలయన్స్ విజిలెన్స్ విభాగం అధికారులు స్థానిక పోలీసులకు ఫిర్యాదు చేశారు. చోరీకి పాల్పడిన వ్యక్తి మక్కువ మండలం గేశిలకు చెందిన గంగాడ దాస్‌గా పోలీసులు గుర్తించారు.
నిందితుడు గంగాడ దాస్ నుంచి దొంగిలించిన బట్టల సంచులు, బైక్‌ను పోలీసులు స్వాధీనం చేసుకున్నారు. ఈ మేరకు కేసు నమోదు చేసి పోలీసులు నిందితుడిని రిమాండ్‌కు తరలించారు. రిలయన్స్ ట్రెండ్స్‌లో చోరీ జరగడం ఇదే తొలిసారి కాదు. గతంలో తెలంగాణలోని సూర్యాపేట పట్టణంలోనూ రిలయన్స్ ట్రెండ్ షాప్‌లో దొంగలు పడ్డారు. 2019లో జరిగిన ఈ ఘటనలో స్టోర్‌లోని కౌంటర్‌లో ఉన్న రూ.98 వేలు నగదును దొంగలు ఎత్తుకెళ్లారు. దీంతో సీసీ కెమెరాల ఆధారంగా దొంగలను గుర్తించి పోలీసులు చర్యలు తీసుకున్నారు.