Arnab Cyclone Damages: అర్నబ్ తుఫాన్ దెబ్బ.. రాష్ట్రవ్యాప్తంగా 126.165 కి.మీ. రహదారులు ధ్వంసం
- Follow Us :
-
-
Add as a preferred
source on google
Arnab Cyclone Damages: ఆంధ్రప్రదేశ్ను అర్నబ్ తుఫాన్ అతలాకుతలం చేసింది.. అర్నబ్ ప్రభావంతో రాష్ట్రవ్యాప్తంగా రహదారులు, మౌలిక వసతులకు నష్టం వాటిల్లిందని ఆర్అండ్బీ శాఖ మంత్రి బీసీ జనార్దన్ రెడ్డి తెలిపారు. తుఫాన్ కారణంగా మొత్తం 126.165 కిలోమీటర్ల మేర రహదారులు దెబ్బతిన్నట్లు ప్రాథమికంగా గుర్తించామని వెల్లడించారు. దెబ్బతిన్న రహదారులు, ఇతర మౌలిక వసతులను పునరుద్ధరించేందుకు అధికారులు చర్యలు చేపట్టారని పేర్కొన్నారు.
శ్రీకాకుళం జిల్లాలో అత్యధిక నష్టం
తుఫాన్ ప్రభావంతో జిల్లాల వారీగా రహదారులకు జరిగిన నష్టాన్ని పరిశీలిస్తే శ్రీకాకుళం జిల్లాలో అత్యధికంగా 111.665 కిలోమీటర్ల మేర రహదారులు దెబ్బతిన్నాయి. తూర్పుగోదావరి జిల్లాలో 14.5 కిలోమీటర్ల మేర రహదారులకు నష్టం వాటిల్లింది. తుఫాన్ కారణంగా దెబ్బతిన్న రహదారులు, మౌలిక వసతులను పూర్తిస్థాయిలో పునరుద్ధరించేందుకు ప్రాథమికంగా రూ.59.45 కోట్లు అవసరమవుతాయని అంచనా వేసినట్లు మంత్రి తెలిపారు. అయితే, దెబ్బతిన్న రహదారులను పునరుద్ధరించేందుకు తాత్కాలిక పనులకు రూ.9.18 కోట్లు, శాశ్వత పునరుద్ధరణ పనులకు రూ.50.27 కోట్లు అవసరమవుతాయని ప్రాథమికంగా అంచనా వేశారు. జిల్లాల వారీగా చూస్తే తూర్పుగోదావరి జిల్లాలో పునరుద్ధరణ పనులకు అత్యధికంగా రూ.29.42 కోట్లు అవసరమని అంచనా వేయగా, శ్రీకాకుళం జిల్లాలో రూ.24.94 కోట్లు అవసరమవుతాయని అధికారులు గుర్తించారు. విజయనగరం జిల్లాలో రూ.4.22 కోట్లు, పార్వతీపురం మన్యం జిల్లాలో రూ.86.30 లక్షలు అవసరమవుతాయని ప్రాథమిక అంచనాలు వెల్లడించాయి.
Also Read
- Cyclone Akwan: దూసుకొస్తున్న అక్వాన్ తుఫాన్.. అధికారులకు సీఎం చంద్రబాబు కీలక ఆదేశాలు..
- ZP Chairman Elections: జెడ్పీ చైర్మన్ పదవులపై ఉత్కంఠ.. టీడీపీ, జనసేన, బీజేపీ మధ్య ఇంకా రాని క్లారిటీ..!
- CM Chandrababu Delhi Tour: మరోసారి ఏపీ సీఎం హస్తిన బాట.. కేంద్ర మంత్రులతో కీలక సమావేశాలు
- Cyclone Akwan Alert: అతి తీవ్ర తుఫాన్గా అక్వాన్.. తీర ప్రాంత ప్రజలకు హెచ్చరికలు జారీ
9 కల్వర్టులు దెబ్బతినగా.. ఆరింటి పునరుద్ధరణ పూర్తి
తుఫాన్ ప్రభావంతో రాష్ట్రవ్యాప్తంగా తొమ్మిది కల్వర్టులు దెబ్బతిన్నట్లు గుర్తించారు. వీటిలో ఆరు కల్వర్టుల పునరుద్ధరణ పనులు పూర్తయ్యాయి. మరోవైపు రెండు చోట్ల రోడ్లపై స్కౌర్లు ఏర్పడగా, ఒకచోట పునరుద్ధరణ పనులు పూర్తయ్యాయి. మిగిలిన ప్రాంతాల్లోనూ రహదారులు, కల్వర్టుల మరమ్మతులను వేగంగా పూర్తి చేసేందుకు అధికారులు చర్యలు తీసుకుంటున్నారు. మరోవైపు.. తుఫాన్ ప్రభావంతో రాష్ట్రవ్యాప్తంగా రహదారులపై 1,058 చెట్లు నేలకొరిగాయి. వీటిలో ఇప్పటికే 859 చెట్లను అధికారులు తొలగించారు. చెట్లు, ఇతర అడ్డంకుల కారణంగా 57 చోట్ల ట్రాఫిక్కు అంతరాయం ఏర్పడగా, 20 ప్రాంతాల్లో రాకపోకలను పునరుద్ధరించారు. రహదారులపై పడిపోయిన చెట్లను, ఇతర అడ్డంకులను యుద్ధప్రాతిపదికన తొలగిస్తూ వాహనాల రాకపోకలకు ఇబ్బందులు లేకుండా ఆర్అండ్బీ అధికారులు చర్యలు చేపడుతున్నారు.
అధికారులు అప్రమత్తంగా ఉండాలి
ట్రాఫిక్కు అంతరాయం ఏర్పడిన ప్రాంతాల్లో రాకపోకలను వీలైనంత వేగంగా పునరుద్ధరించాలని మంత్రి బీసీ జనార్దన్ రెడ్డి అధికారులను ఆదేశించారు. ప్రజలకు ఎలాంటి ఇబ్బందులు తలెత్తకుండా క్షేత్రస్థాయిలో పరిస్థితులను నిరంతరం పర్యవేక్షించాలని స్పష్టం చేశారు. దెబ్బతిన్న రహదారులు, కల్వర్టులు, ఇతర మౌలిక వసతుల పునరుద్ధరణకు ప్రాధాన్యమివ్వాలని సూచించారు. తుఫాన్ ప్రభావం పూర్తిగా తగ్గే వరకు ఆర్ అండ్ బీ యంత్రాంగం అప్రమత్తంగా ఉండాలని ఆదేశించారు. ప్రజల రాకపోకలకు అంతరాయం కలగకుండా అవసరమైన చర్యలు చేపట్టాలని, పునరుద్ధరణ పనులను వేగవంతం చేయాలని అధికారులకు స్పష్టం చేశారు మంత్రి బీసీ జనార్ధన్ రెడ్డి..
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
-
Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
-
Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!