Abhishek Sharma: ఓ రాక్షసుడిలా చెలరేగాడు.. అంతటి విధ్వంసకర బ్యాటింగ్ ఎన్నడూ చూడలేదు!
- Follow Us :
-
-
Add as a preferred
source on google
Sadagopan Ramesh praises Abhishek Sharma: న్యూజిలాండ్తో జరిగిన మూడో టీ20లో భారత యువ సంచలనం వైభవ్ సూర్యవంశీ విధ్వంసకర బ్యాటింగ్తో ఆకట్టుకున్నాడు. రెండో టీ20లో మూడో స్థానంలో బ్యాటింగ్కు వచ్చి 8 బంతుల్లో 4 పరుగులే చేసిన వైభవ్.. మూడో మ్యాచ్లో తనకు అలవాటైన ఓపెనింగ్ స్థానంలో బరిలోకి దిగి అదరగొట్టాడు. కేవలం 19 బంతుల్లోనే 45 పరుగులు బాదాడు. బుడ్డోడి ఇన్నింగ్స్లో 4 సిక్సులు, 4 ఫోర్లు ఉండగా.. స్ట్రైక్రేట్ ఏకంగా 236.84గా నమోదైంది. టీమ్ మేనేజ్మెంట్ వైభవ్ను తిరిగి ఓపెనర్గా పంపించడం అతడికి చాక్లెట్ ఇచ్చినట్లుగా ఉందని భారత మాజీ క్రికెటర్ సదగోపన్ రమేశ్ ఆసక్తికర వ్యాఖ్యలు చేశాడు.
వైభవ్ స్వేచ్ఛగా బ్యాటింగ్ చేశాడు:
‘వైభవ్ సూర్యవంశీని తిరిగి ఓపెనర్గా పంపించడం ద్వారా టీమ్ మేనేజ్మెంట్ అతడికి ఓ చాక్లెట్ ఇచ్చినట్లయింది. మూడో టీ20లో ఓపెనర్గా బరిలోకి దిగిన వైభవ్ స్వేచ్ఛగా బ్యాటింగ్ చేశాడు. శుక్రవారం సాయంత్రం పాఠశాల నుంచి వచ్చిన చిన్న పిల్లాడికి తర్వాత రెండు రోజులు సెలవులు ఉన్నాయనే ఆలోచనతో ఎంత ఆనందంగా ఉంటుందో.. వైభవ్ కూడా అలాంటి స్వేచ్ఛతో, ఎలాంటి ఒత్తిడి లేకుండా ఆడాడు. మనసు ప్రశాంతంగా ఉంటే ఎలా ఉంటుందో బుడ్డోడు చేసి చూపించాడు. టీమ్ మేనేజ్మెంట్ నిర్ణయం వైభవ్ ఆటతీరులో స్పష్టంగా కనిపించింది. తనకు సౌకర్యంగా ఉండే స్థానంలో బ్యాటింగ్కు రావడంతో భారీ షాట్లతో న్యూజిలాండ్ బౌలర్లపై విరుచుకుపడ్డాడు. వైభవ్ అద్భుతం’ అని సదగోపన్ రమేశ్ పేర్కొన్నాడు.
Also Read
- Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
- Ind Vs NZ: వెల్లింగ్టన్ టెస్టుకు ముందు టీమిండియాకు ఎదురుదెబ్బ.. ఫీజులో 35 శాతం కోత..
- IPL 2027: KKR వాటా విక్రయానికి రంగం సిద్ధం.. 400 మిలియన్ డాలర్లకు భారీ డీల్..
- Aus Vs Eng: ఆస్ట్రేలియాను చిత్తు చేసిన ఇంగ్లాండ్.. 2-1తో వన్డే సిరీస్ కైవసం..
రాక్షసుడిలా చెలరేగాడు:
భారత ఓపెనర్ అభిషేక్ శర్మపై కూడా సదగోపన్ రమేశ్ ప్రశంసల వర్షం కురిపించాడు. ‘అభిషేక్ పేరు వింటేనే ప్రత్యర్థి బౌలర్లకు భయం కలిగేలా అతడి బ్యాటింగ్ ఉంది. మూడో టీ20లో అభిషేక్ రాక్షసుడిలా చెలరేగాడు. కేవలం ఏడు ఓవర్లలోనే 133 పరుగుల ఓపెనింగ్ భాగస్వామ్యం నమోదు చేయడం అసాధారణం. అంటే ఓవర్కు సగటున 19 పరుగుల చొప్పున సాధించడం ఎంతటి విధ్వంసకర బ్యాటింగ్ అనేది అర్థం చేసుకోవచ్చు. అంతటి విధ్వంసకర బ్యాటింగ్ నేను ఎన్నడూ చూడలేదు. దీపావళికి ఇంకా సమయం ఉన్నప్పటికీ.. భారత బ్యాటర్లు ముఖ్యంగా అభిషేక్ తమ బ్యాట్తో భారీ బాణసంచా పేల్చినట్లుగా పరుగుల వర్షం కురిపించాడు. అభిషేక్ ఆడిన షాట్లు, అతడి దూకుడు న్యూజిలాండ్ బౌలర్లను తీవ్ర ఒత్తిడిలోకి నెట్టాయి’ అని సదగోపన్ రమేశ్ చెప్పుకొచ్చాడు
కళ్లకు విందుగా:
మూడో టీ20లో అభిషేక్ శర్మ, వైభవ్ సూర్యవంశీ ఆడిన తీరుపై భారత టీ20 కెప్టెన్ శ్రేయస్ అయ్యర్ కూడా ప్రశంసలు కురిపించాడు. వారిద్దరి బ్యాటింగ్ చూడటానికి ఎంతో అద్భుతంగా ఉందని అన్నాడు. వారు ఆడిన షాట్లు కళ్లకు విందుగా ఉన్నాయని పేర్కొన్నాడు. తాను, సంజు శాంసన్ బ్యాటింగ్కు వచ్చినప్పుడు బంతి స్వింగ్ అవుతోందని.. అలాంటి పరిస్థితుల్లో కూడా అభిషేక్, వైభవ్ అంత ధాటిగా ఎలా ఆడగలిగారో అర్థం కాలేదని శ్రేయస్ ఆశ్చర్యం వ్యక్తం చేశాడు. వారి బ్యాటింగ్ నిజంగా నమ్మశక్యం కానిదని కొనియాడాడు. మూడో టీ20లో తొలుత బ్యాటింగ్ చేసిన న్యూజిలాండ్ భారత్ ముందు 199 పరుగుల లక్ష్యాన్ని ఉంచింది. ఈ లక్ష్యాన్ని టీమిండియా కేవలం 13.2 ఓవర్లలోనే నాలుగు వికెట్లు కోల్పోయి ఛేదించింది. ఇంకా 40 బంతులు మిగిలుండగానే ఆరు వికెట్ల తేడాతో ఘన విజయం సాధించింది. ఈ విజయంతో ఐదు మ్యాచ్ల సిరీస్లో భారత్ 3-0తో తిరుగులేని ఆధిక్యం సాధించి సిరీస్ను కైవసం చేసుకుంది.
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Koti Deepotsavam 2026 : కోటి దీపోత్సవంలో శ్వేతార్క గణపతి కల్యాణం.. భక్తులతో కిక్కిరిసిన ఎన్టీఆర్ స్టేడియం
-
Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
-
Dhoni Jersey: ధోనికి సీఎస్కే అరుదైన గౌరవం.. ఐకానిక్ నంబర్ 7 జెర్సీ రిటైర్..
-
Aakasamlo Oka Tara: స్టార్ హీరోయిన్లను కాదని ఆమెనే ఎందుకు తీసుకున్నామంటే? అసలు విషయం చెప్పిన పవన్ సాధినేని!
-
ఆ పుస్తకం చదివాకే Aakasamlo Oka Tara కథ పుట్టింది.. డైరెక్టర్ పవన్ సాధినేని ఆసక్తికర వ్యాఖ్యలు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..