హేటర్స్ కు రష్మిక దిమ్మతిరిగే రియాక్షన్
- Follow Us :
-
-
Add as a preferred
source on google
యంగ్ బ్యూటీ రష్మిక మందన్న సౌత్ బిజీ హీరోయిన్లలో ఒకరు. స్టార్ హీరోయిన్ల రేసులో కొనసాగుతున్న ఈ బ్యూటీ ప్రస్తుతం టాలీవుడ్, బాలీవుడ్‌లో కలిపి 4 అద్భుతమైన ప్రాజెక్ట్‌లలో పని చేస్తోంది. దసరా పండుగ సందర్భంగా రష్మిక హీరోయిన్ గా నటించిన తెలుగు రొమాంటిక్ ఎంటర్టైనర్ “ఆడవాళ్ళూ మీకు జోహార్లు” అనే సినిమా ఫస్ట్ లుక్ పోస్టర్‌ను ఆవిష్కరించారు. ఈ పోస్టర్‌కు అభిమానుల నుండి మంచి స్పందన లభించగా, ట్విట్టర్‌లో కొంతమంది మాత్రం ట్రోలింగ్ చేశారు. అందులో ఓ నెటిజన్ రష్మికను టార్గెట్ చేస్తూ కామెంట్ చేశాడు. “ఎలా తీసుకున్నారురా దీన్ని ?” అంటూ రష్మిక ఫోటోను, నిర్మాణ సంస్థను ట్యాగ్ చేస్తూ ప్రశ్నించాడు.
Read Also : కీర్తి సురేశ్ ఇంటిపేరు ‘మహానటి’!
అయితే ఈ ట్రోల్ పై రష్మిక స్పందించిన తీరు ఆమె అభిమానులను ఫిదా చేసింది. ఆమె వాళ్ళతో వాదించాలనుకోలేదు. అలాగే కోప్పడలేదు చాలా కూల్ గా “నా యాక్టింగ్ కోసం ” అంటూ దిమ్మతిరిగే సమాధానం ఇచ్చింది. ఇంకేముంది నెటిజన్ మళ్ళీ తిరిగి స్పందించలేదు. రష్మిక స్పోర్టివ్, కాన్ఫిడెంట్ రిప్లై తో అభిమానుల హృదయాలను గెలుచుకుందని ప్రత్యేకంగా చెప్పనవసరం లేదు. అందంగా ఉన్నా, లేకపోయినా అందరూ అందరికీ నచ్చాల్సిన అవసరం లేదు కదా.