స్వరాలతో విక్రమించిన చక్రి!
- Follow Us :
-
-
Add as a preferred
source on google
సరిగమలతో సావాసం చేస్తూ, పదనిసలతో పయనించాలని చక్రి బాల్యం నుంచీ తపించారు. అందుకు తగ్గట్టుగానే తండ్రి సహకారంతో కాసింత సంగీతం నేర్చి, ఆ పై సాధనతో పట్టు సాధించారు. ఆరంభంలో ఓ ఆల్బమ్ తయారు చేసి, తన బాణీలు వినిండి అంటూ సినిమా రంగంలో తిరగసాగారు చక్రి. అప్పుడు ఈ పోరడు ఏం సంగీతం చేయగలడు అని పెదవి విరిచినవారే అధికం! అయితే ఆ పోరడు బాణీలతో ఆడుకొనే వీరుడు అని కొందరు అభిరుచిగల సినీజనం భావించారు. అలా భావించిన దర్శకుడు పూరి జగన్నాథ్ తన ‘బాచి’ సినిమాతో చక్రిని సంగీత దర్శకునిగా పరిచయం చేశారు. తొలి ప్రయత్నంలోనే చక్రి స్వరాలు జనాన్ని ఆకట్టుకున్నాయి. ఆ తరువాత వరుసగా పూరి జగన్నాథ్ చిత్రాలకు సంగీతం సమకూరుస్తూ ఒక్కోమెట్టు ఎక్కుతూ ప్రముఖ సంగీత దర్శకుడై పోయారు. చక్రి బాణీల్లో ఏదో కొత్తదనం ఉందని భావించిన వారంతా అతని సంగీతం కోసం పరుగులు తీశారు. చక్రి సైతం తన శక్తివంచన లేకుండా జనం మెచ్చే సంగీతం అందిస్తూ అలరించార
చక్రి స్వరకల్పలో కొన్ని పాత రాగాలు వినిపిస్తాయనే వారూ లేకపోలేదు. అయితేనేమి నిర్మాతలు, దర్శకులు తనపై పెట్టికున్న నమ్మకాన్ని వమ్ము చేయకుండా బాణీలు కట్టేవారు. ఆ రోజుల్లో చక్రి ఆడియోలకు కూడా మంచి మార్కెట్ ఉండేది. పూరి జగన్నాథ్ తెరకెక్కించిన “ఇట్లు శ్రావణి సుబ్రహ్మణ్యం, ఇడియట్, అమ్మా నాన్న ఓ తమిళమ్మాయి, ఆంధ్రావాలా, శివమణి, దేశముదురు” చిత్రాలకు చక్రి సమకూర్చిన సంగీతం యువతను ఉర్రూతలూగించింది. చక్రిని చూసి ఆరంభంలో పెదవి విరచిన వారంతా కోడిగుడ్డు మీద ఈకలు పెరికే ప్రయత్నం చేస్తూ, అతని బాణీలు ఆ పాటకు కాపీ, ఈ పాటకు మక్కీకి మక్కీ అంటూ ప్రచారం చేయసాగారు. చక్రి తన కార్యాలయంలో తను కూర్చునే సీటుకు ఓ వైపు ఇళయరాజా, మరో వైపు ఎ.ఆర్.రహమాన్ చిత్రపటాలు పెట్టుకొని, ఆనందించేవారు. తనను విమర్శించేవారికి తాను ఎవరి బాణీలు చూసి స్ఫూర్తి చెందుతానో జనం అర్థం చేసుకోవాలని చెప్పకనే చెప్పేవారు. కానీ, జనం ఈవేమీ పట్టించుకోకుండానే చక్రి బాణీలకు జై కొట్టారు.
Also Read
- Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
- Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
- Koti Deepotsavam 2026 Live Day-7 : కోటి దీపోత్సవం ఏడో రోజు.. నేడు త్రిశక్తి మహాపూజ, జోగులాంబ కల్యాణం
- Home Guards Recruitment : తెలంగాణలో 2 వేల హోంగార్డుల భర్తీకి కసరత్తు.. డీజీపీ కీలక సమీక్ష!
ఇతర దర్శకులు రూపొందించిన చిత్రాలకు సైతం చక్రి తనదైన బాణీలతో అలరించారు. “అమ్మాయిలు అబ్బాయిలు, సత్యం, వీడే, దేవదాస్, ఢీ, కృష్ణ, మస్కా, సింహా, దేనికైనా రెడీ, అవును వాళ్ళిద్దరూ ఇష్టపడ్డారు, వెన్నెల్లో హాయ్ హాయ్” వంటి చిత్రాల్లోనూ చక్రి స్వరకేళి జనాన్ని ఆకట్టుకుంది. చక్రి తన అభిమాన సంఘాల ద్వారా పలు సేవా కార్యక్రమాలు సైతం నిర్వహించేవారు. ఇప్పటికీ ఆయన అభిమానులు అదే పంథాలో పయనిస్తూ ఉండడం విశేషం. పిన్నవయసులోనే చక్రి లాంటి ప్రతిభావంతుడు కన్నుమూయడం తెలుగు సినిమాకు తీరని లోటే! అయితే చక్రి పలికించిన బాణీలు ఈ నాటికీ జనాన్ని పులకింప చేస్తూనే ఉండడం విశేషం. ఆయన సంగీతాన్ని తలచుకుంటూనే ఫ్యాన్స్ పరవశించి పోతున్నారు.
తాజావార్తలు
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
-
Telangana Congress : MLA రాజగోపాల్ రెడ్డి అసంతృప్తి వెనుక అసలు కారణమేంటి?
-
Tandoor Congress Rift: తాండూరు కాంగ్రెస్లో ఫ్లెక్సీ వార్.. బయటపడ్డ వర్గ విభేదాలు!
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!