విలక్షణ నటుడు … శరత్ బాబు
- Follow Us :
-
-
Add as a preferred
source on google
విలక్షణమైన పాత్రల్లో, వైవిధ్యమైన అభినయంతో ఆకట్టుకుంటూ సాగారు శరత్ బాబు. మాతృభాష తెలుగులోనే కాదు, తమిళ, మళయాళ, కన్నడ చిత్రాల్లోనూ శరత్ బాబు అభినయం అలరించింది. తెలుగులో కన్నా తమిళనాట శరత్ బాబుకు మంచి ఆదరణ లభించిందని చెప్పవచ్చు. ఈ మధ్యే పవన్ కళ్యాణ్ నటించిన ‘వకీల్ సాబ్’లో ఓ అతిథి పాత్రలో కనిపించారు శరత్ బాబు. వందలాది చిత్రాలలో విభిన్నపాత్రలతో ఆకట్టుకున్న శరత్ బాబు, ఇప్పటికీ తన దరికి చేరిన పాత్రలకు న్యాయం చేయాలనే తపిస్తున్నారు. ఈ జూలై 31తో శరత్ బాబు 70 సంవత్సరాలు పూర్తి చేసుకుంటున్నారు.
శరత్ బాబు అసలు పేరు సత్యంబాబు దీక్షితులు. 1951 జూలై 31న శ్రీకాకుళం జిల్లా ఆముదాల వలసలో జన్మించారు. శరత్ బాబు తండ్రికి పెద్ద హోటల్ ఉండేది. తన తదనంతరం తనయుడు హోటల్ చూసుకుంటాడని భావించారు ఆ తండ్రి. అయితే శరత్ బాబుకు మాత్రం తాను పోలీస్ ఆఫీసర్ కావాలనే అభిలాష ఉండేది. కానీ, చదువుకొనే రోజుల్లో ‘షార్ట్ సైట్’ రావడంతో పోలీస్ ఉద్యోగానికి పనికి రానని తెలిసి పోయింది. అలాగే తండ్రి వ్యాపారం కూడా చూసుకోలేనని భావించారు. ఆ సమయంలో మిత్రులు, లెక్చరర్స్ ‘హీరోలా ఉంటావ్ … సినిమాల్లో ట్రై చేయరాదూ…’ అన్నారు. ఆ మాటలు శరత్ బాబు తల్లిని ఆకట్టుకున్నాయి. తండ్రి అంగీకరించక పోయినా, తల్లి ప్రోత్సాహంతో మద్రాసు చేరి, అవకాశాలవేట ప్రారంభించారు శరత్ బాబు. ఆ సమయంలో ‘రామవిజేత’ సంస్థ నూతననటీనటులు కావాలంటూ ఓ ప్రకటన వేసింది. దానిని పట్టుకు వెళ్ళిన శరత్ బాబుకు హీరోగానే అవకాశం లభించింది. అలా శరత్ తొలిసారి తెరపై కనిపించిన చిత్రం ‘రామరాజ్యం’. ఆ సినిమాతోనే పేరు మార్చారు. అప్పటికే ఎంతో పేరున్న చంద్రకళ ఇందులో నాయిక. ఈ సినిమాలో శరత్ తో చంద్రకళపై చిత్రీకరించిన ‘ఏమండీ లేతబుగ్గల లాయరు గారూ…’ పాట అప్పట్లో జనాన్ని భలేగా ఆకట్టుకుంది.
Also Read
- VRK Rao : పెళ్లి చేసుకున్న టాలీవుడ్ నిర్మాత మనవరాలు
- Toxic Fan Culture: అభిమానమా? ఉన్మాదమా? ఉ*గ్రవాదమా? ఎక్కడపడితే అక్కడ టచ్ చేస్తారా?
- Anaganaga Australia Lo Review: 'అనగనగా ఆస్ట్రేలియాలో' రివ్యూ!
- Pushpa 2 Special Song: 'పుష్ప-2 ది రూల్'లో మాసివ్ ''కిస్సిక్'' సాంగ్ కోసం డ్యాన్సింగ్ క్వీన్ శ్రీలీల
‘రామరాజ్యం’ చిత్రం అంతగా ఆకట్టుకోలేక పోయింది. దాంతో శరత్ బాబు దొరికిన ప్రతీ అవకాశాన్నీ సద్వినియోగం చేసుకొనే ప్రయత్నం చేశారు. ‘బంగారు మనిషి, అమెరికా అమ్మాయి, దొరలు-దొంగలు’ వంటి చిత్రాలలో నటించారు. అప్పటికే కమెడియన్ గా స్టార్ స్టేటస్ లో ఉన్న రమాప్రభతో పరిచయం ఏర్పడింది. ఆ పరిచయం కాస్తా ప్రణయంగా మారడం, తరువాత వారి పరిణయం కావడం జరిగిపోయాయి. వారిద్దరూ ఎంతో అన్యోన్యంగానే ఉన్నారు. పద్నాలుగేళ్ళ పాటు వారి కాపురం సవ్యంగా సాగింది. అప్పటికే శరత్ బాబు కూడా తెలుగు, తమిళ చిత్రాలలో బిజీ యాక్టర్ అయిపోయారు. కె.బాలచందర్ తెరకెక్కించిన ‘నిళల్ నిజమాగిరదు’ చిత్రంతో తమిళనాట శరత్ కు మంచి పేరు లభించింది. అదే సినిమాను తెలుగులో ‘ఇది కథకాదు’గా తెరకెక్కించగా, తెలుగులోనూ శరత్ నటించారు. ఈ సినిమాలతో శరత్ కేరెక్టర్ యాక్టర్ గా మంచి పేరు సంపాదించుకొని, సక్సెస్ రూటులో సాగిపోయారు. తరువాత రమాప్రభ, శరత్ మధ్య అభిప్రాయభేదాలు తలెత్తి విడిపోయారు. ప్రముఖ తమిళ నటుడు నంబియార్ కూతురు స్నేహను పెళ్ళాడారు శరత్. ఆమెతోనూ విడాకులు తీసుకున్నారు. ఇప్పటికీ తన దరికి చేరిన పాత్రలకు ప్రాణం పోయాలని తపిస్తూనే ఉన్నారు శరత్ బాబు. ఆయన మరిన్ని వసంతాలు చూస్తూ ఆనందంగా సాగిపోవాలని ఆశిద్దాం.
తాజావార్తలు
-
Srithej : శ్రీతేజ్ కుటుంబానికి అల్లు ఫ్యామిలీ భరోసా: చదువు బాధ్యత నాదేనన్న అల్లు అరవింద్!
-
Iran-US: ఇస్లామాబాద్లో మళ్లీ చర్చలు జరగబోతున్నాయా? తాజా బ్రేకింగ్ న్యూస్ ఇదే!
-
Ricky Ponting: క్యాచ్ వదిలేసిన శశాంక్ సింగ్.. పంజాబ్ కోచ్ రికీ పాంటింగ్ సంచలన వ్యాఖ్యలు..
-
DMK: కాంగ్రెస్ను నమ్మి భారీ మూల్యం చెల్లించుకున్నాము..
-
Hardik Pandya: ముంబై నుంచి హార్దిక్ పాండ్య ఔట్.. సూర్యకుమార్ సారథ్యంలో తదుపరి మ్యాచ్ లు..?
ట్రెండింగ్
-
Range Rover SV : భారత్లో లగ్జరీ కార్లకు భారీ ఊరట.. రేంజ్ రోవర్ SV ధరల్లో కోత
-
3.4K డిస్ప్లే, 13380mAh బ్యాటరీ, క్రయో-వెలాసిటీ కూలింగ్ టెక్నాలజీతో OnePlus Pad 4 లాంచ్.!
-
స్టైలిష్ కలర్స్తో iQOO Neo 10 కొత్త వేరియంట్లు లాంచ్.. ధర ఎంతంటే.?
-
స్టైల్ + టెక్.. Motorola ‘Brilliant Collection’లో సిగ్నేచర్ స్మార్ట్ ఫోన్, మోటో బడ్స్ 2.!
-
Viral Video: రైలుకింద పడ్డ చిన్నారి.. ప్రాణాలను పణంగా పెట్టి కాపాడిన తండ్రి.!