Illegal Affair : నగ్న వీడియోలు బయటపెడుతానన్న ప్రియుడు.. హతమార్చిన ప్రియురాలు..

పరిచయం లేనివారితో స్నేహం చేయడం.. అన్నీ వారితో పంచుకోవడం ఎప్పటికైనా ముప్పే.. అలాంటి ఘటనే ఇది.. మీర్‌పేట్‌ ప్రశాంతి హిల్స్‌లో నివాసం ఉండే శ్వేతారెడ్డి అనే మహిళకు ఫేస్‌బుక్‌లో మల్కారం యాష్మ కుమార్ పరిచయం ఏర్పడింది. ఆ పరిచయం కాస్తా వివాహేతర సంబంధానికి దారి తీసింది. ఈ నేపథ్యంలోనే శ్వేతారెడ్డి, యాష్మకుమార్‌లు న్యూడ్‌ వీడియో కాల్స్‌ చేసుకునే వారు. అయితే ఆ సమయంతో న్యూడ్‌ కాల్స్‌ను యాష్మ కుమార్‌ రికార్డ్‌ చేశాడు. అయితే కొన్ని రోజులుగా యాష్మకుమార్‌ తనను పెళ్లి చేసుకోవాలని.. లేకుంటే నగ్న వీడియోలు మీ బంధువులకు పంపిస్తానంటూ శ్వేతారెడ్డిని వేధింపులకు గురి చేశాడు.

దీంతో.. ఎలాగైనా యాష్మకుమార్‌ను అంతమొందిచాలని నిర్ణయించుకుంది శ్వేతారెడ్డి.. ఈ క్రమంలో మరో ఇద్దరు వ్యక్తుల సహాయంతో యాష్మ కుమార్‌ను శ్వేతారెడ్డి హతమార్చింది. అంతేకాకుండా.. హత్య చేసి రోడ్డు యాక్సిడెంట్‌గా చిత్రీకరించేందుకు యత్నించారు. దీంతో రంగంలోకి దిగిన పోలీసులు వీరి ప్లాన్‌ను భగ్నం చేసి.. వారిని అరెస్ట్‌ చేసి రిమాండ్‌కు తరలించారు.