రేషన్ కార్డు దారులకు గుడ్‌ న్యూస్‌ .. ఐదు రోజులు గడువు పెంపు

తెలంగాణ రాష్ట్రంలోని రేషన్ కార్డు దారులకు కేసీఆర్ సర్కార్ గుడ్‌ న్యూస్‌ చెప్పింది. తెలంగాణ రాష్ట్రంలో బియ్యం పంపిణీ చేసే గడువును కేసీఆర్ సర్కార్ ఐదు రోజులకు పెంచింది. ప్రతి నెల ఒకటో తేదీన తెలంగాణ రాష్ట్రంలో రేషన్ పంపిణీ ప్రారంభం అవుతుంది. అలాగే రేషన్ పంపిణీ ప్రక్రియ 15 రోజుల పాటు కొనసాగుతుంది. మాములుగా అయితే అదే నెల ఒకటో తేదీన ప్రారంభమైన రేషన్ పంపిణీ ప్రక్రియ అదే నెల 15వ తేదీన ముగుస్తుంది.

Read Also: ఫీజు రీయంబర్స్‌మెంట్‌కు కేసీఆర్‌ తూట్లు పొడిచారు: బండి సంజయ్‌

అయితే ఈ జనవరి మాసంలో.. కొన్ని అనివార్య కారణాల వల్ల… రేషన్ కార్డులు పంపిణీలో జాప్యం కావడంతో, బియ్యం పంపిణీ కూడా ప్రారంభం కాలేదు. జనవరి 5వ తేదీ నుంచి బియ్యం పంపిణీ చేశారు రేషన్ అధికారులు. దీంతో… ఈనెల 20వ తేదీ వరకు రేషన్‌ పంపిణీ చేయాలని కేసీఆర్‌ సర్కార్‌ నిర్ణయం తీసుకుంది. ఈ మేరకు తెలంగాణ రాష్ట్ర పౌరసరఫరాల శాఖ కమిషనర్ అనిల్ కుమార్ ఉత్తర్వులు జారీ చేశారు.