Viral: పోతావ్ రా అరేయ్.. కాలు జారితే కాటికే..

Viral: రోడ్లపై డ్రైవింగ్ చేస్తూ కొందరు యువకులు అత్యుత్సాహం ప్రదర్శిస్తారు. బైక్‌పై ఆర్టీసీ బస్సును వెనుక నుంచి అనుసరిస్తూ ఆర్టీసీ బస్సులో ఒంటికాలితో వెళ్తున్నారు. అక్కడక్కడ ఇలాంటి ప్రమాదకరమైన సంఘటనలు చూస్తూనే ఉన్నాం. కొంతమంది యువకులు సరదా కోసం ప్రమాదకరమైన విన్యాసాలు చేస్తుంటారు. ఆర్టీసీ బస్సులను ఉపయోగించుకుని ప్రమాదకర విన్యాసాలు చేసే యువతకు ఆర్టీసీ ఎండీ సజ్జనార్‌ వార్నింగ్‌ ఇచ్చారు. వెర్రి వేయి విధాలు అంటే ఇదే! నేమో అంటూ ట్వీట్ చేశారు. సోషల్ మీడియాలో పాపులారిటీ కోసం రోడ్లపై ఇలాంటి పిచ్చి వేషాలు వేయకండని వార్నింగ్ ఇచ్చారు. ప్రమాదాల బారినపడి మీ తల్లితండ్రులకు శోకాన్ని మిగల్చకండి అంటూ హెచ్చరించారు. ఇలాంటి ఘటనలను టీఎస్‌ఆర్‌టీసీ యాజమాన్యం పట్టించుకోవడం లేదు. చట్ట ప్రకారం చర్యలు తీసుకుంటామని సజ్జనార్ ట్విట్టర్‌లో హెచ్చరించారు.

Read also: Gold-Silver Price: నేటి బంగారం, వెండి ధరలు ఇవే..

ఈ సందర్భంగా సజ్జనార్ సోషల్ మీడియాలో ఓ వీడియోను షేర్ చేశారు. ఈ వీడియోలో స్కూటీపై వెళ్తున్న ఓ యువకుడు తన ముందు వెళ్తున్న ఆర్టీసీ బస్సుపై ఒంటికాలితో నడుపుతున్నాడు. సోషల్ మీడియాలో లైకులు, కామెంట్ల మోజులో పడి కొందరు యువకులు ఇలాంటి ఫీట్లు చేస్తూ సోషల్ మీడియాలో పోస్ట్ చేస్తున్నారు. దీంతో సోషల్ మీడియాలో ఇలాంటివి బాగా వైరల్ అవుతున్నాయి. చివరకు ఈ వీడియోలు సజ్జనార్ దృష్టికి రావడంతో ఆయన స్పందించారు. ఆర్టీసీ బస్సులను అడ్డుకుని విన్యాసాలు చేసే యువకులపై చర్యలు తీసుకుంటామని హెచ్చరించారు. అయితే యువకులు సరదా కోసం చేసే ఇలాంటి విన్యాసాలు ప్రమాదానికి దారితీస్తాయని తెలిపారు. ఇలాంటి ఘటనల వల్ల రోడ్డు ప్రమాదాలు జరిగే అవకాశం ఉందన్నారు. వాహన చోదకులే కాకుండా ఇతర రోడ్డు ప్రయాణీకులు కూడా ప్రమాదాలకు గురవుతున్నారని మండిపడ్డారు.

యువకులు ఆర్టీసీ బస్సుల్లో ఫీట్లు చేస్తుంటే ప్రమాదవశాత్తూ బైక్ అదుపు తప్పి యువకుడు బస్సు చక్రాల కింద పడిపోయే అవకాశం ఉంది. దీంతో ప్రాణనష్టం జరిగే అవకాశం ఉంది. ఇలాంటి ప్రమాదకరమైన విన్యాసాలు చేయవద్దని సజ్జనార్ హెచ్చరించారు. ఆకతాయిల రోడ్లపై వెళ్లే ఇతర వాహనదారులు ఇబ్బందులు పడే అవకాశం ఉందని సూచిస్తున్నారు. హైదరాబాద్ నగరంలో కొందరు అక్రమార్కులు తరచూ ఇలాంటి ఘటనలకు పాల్పడుతున్నారు. అలాంటి వారిపై పోలీసులు, ఆర్టీసీ అధికారులు దృష్టి సారించారు. యువకులు ప్రమాదకరమైన విన్యాసాలు చేస్తే వారిపై కేసులు నమోదు చేస్తామన్నారు. హానికరమైన పనులు చేయవద్దని తోటి వాహనదారులకు సూచించారు. కాగా, పై వైరల్ వీడియోలోని యువకుడి బైక్‌పై రూ.3 వేలకు పైగా విలువైన ట్రాపికల్ చలాన్‌లు ఉన్నాయి. ఇలాంటి విన్యాసాలు అవసరమా? పోతావ్ రా అరేయ్ కాలు జారితే నువ్వు కాటికే పోతావ్ అంటూ నెటిజన్లు సీరియస్ గా కమెంట్లు చేస్తున్నారు. ఇటువంటి వారికి కఠినంగా శిక్షించాలని కోరుతున్నారు. ఒకరిని చూసి మరొకరు చేయడానికి భయపడే విధంగా శిక్షించలు అమలు చేయాలని కోరుతున్నారు.