Nizamabad Ragging: తిరుమల విద్యాసంస్థలో ర్యాగింగ్.. పోలీసుల తీరుపై ఆగ్రహం

Nizamabad Ragging: నిజామాబాద్​ జిల్లా డిచ్​పల్లి మండలం బర్దిపూర్ ​శివారులోని తిరుమల ఇన్​స్టిట్యూట్​ ఆఫ్​ డెంటల్ ​సైనెన్స్ ​కాలేజీ లో ర్యాగింగ్ ​భూతం మళ్లీ పడగవిప్పింది. కాగా.. బీ ఫార్మసీ సెకండియర్​ చదువుతున్న తమను సీనియర్స్‌ ర్యాగింగ్​ పేరిట వేధిస్తున్నారని కాలేజీలో అమ్మాయిలు ఆందోళన చేశారు. కాలేజీ కి సంబంధంలేని వాళ్లు కూడా క్యాంపస్​లోకి వస్తున్నారన్నారు. మేనేజ్​మెంట్​కి ఎన్నిసార్లు చెప్పినా చర్యలు తీసుకోవడం లేదని ఆగ్రహం వ్యక్తం చేశారు. కొంతమంది తల్లిదండ్రులకు విషయం తెలియడంతో అక్కడికి వచ్చి నిరసన తెలిపారు. పోలీసులు వచ్చి స్టూడెంట్స్​ తో పాటు వారి తల్లిదండ్రులకు నచ్చజెప్పి పంపించారు. ర్యాగింగ్​ చేస్తున్న నలుగురు స్టూడెంట్స్ లను అదుపులోకి తీసుకున్నారు. గొడవలకు కారణమైన వారిపై చర్యలు తీసుకుంటామని కరస్పాండెంట్​ పద్మ తెలిపారు. ర్యాగింగ్ ఆరోపణలతో యాజమాన్యం నలుగురు సీనియర్లను 10 రోజుల పాటు సస్పెండ్ చేసింది.

Read also: Air Cooler: వేసవిలో ఎయిర్ కూలర్ కొంటున్నారా?.. అయితే ఈ విషయాలు తెలుసుకోండి

పోలీసుల తీరుపై విద్యార్థినుల ఆగ్రహం..

అయితే.. పోలీసుల తీరుపై విద్యార్థినుల ఆగ్రహం వ్యక్తం చేశారు. తిరుమల విద్యాసంస్థలో ర్యాగింగ్ చేసిన స్టూడెంట్స్ ను అదుపు తీసుకుని వదిలేయడం పట్ల అనుమానం వ్యక్తం చేస్తున్నారు. ఫార్మసీ కళాశాలలో జరిగింది ర్యాగింగ్ కాదు, గొడవ అంటూ పోలీసులు చెబుతున్నారని విద్యార్థినులు ఆగ్రహం వ్యక్తం చేస్తున్నారు. పోలీసులు మాత్రం ర్యాగింగ్ విషయంలో లిఖితపూర్వకంగా పిర్యాదు అందలేదంటున్నారు. అదుపులో తీసుకున్న సమయంలో జూనియర్ విద్యార్థినిలు సీనియర్లపై చెప్పులు, నీళ్ల బాటిళ్లు విసిరి ఆగ్రహాం వ్యక్తం చేశారని పోలీసులు తెలిపారు. అయితే సీనియర్లు ర్యాగింగ్‌ చేస్తున్నారని తెలిపిన పోలీసులు మాత్రం వారిని వదిలిపెట్టడం ఏంటని విద్యార్థినులు ఆగ్రహం వ్యక్తం చేస్తున్నారు. ఇందులో ఏదో మతలబు దాగుందని విద్యార్థినులు ఆవేదన వ్యక్తం చేస్తున్నారు. ఎందుకు వారిని వదిలేసారో చెప్పాలని డిమాండ్ చేస్తున్నారు. మరి దీనిపై తిరుమల ఇన్​స్టిట్యూట్​ ఆఫ్​ డెంటల్ ​సైనెన్స్ ​కాలేజీ యాజమాన్యం, పోలీసులు ఏం వివరన ఇవ్వనున్నారు?మరి విద్యార్థులతో పాటు తల్లిదండ్రులు పోలీసులు తీరుపై నిరసన తెలుపుతారా? అనే దానిపై సర్వత్రా ఉల్కంఠ నెలకొంది.
Air Cooler: వేసవిలో ఎయిర్ కూలర్ కొంటున్నారా?.. అయితే ఈ విషయాలు తెలుసుకోండి