Drugs : గంజాయి మత్తుకు కారం ట్రీట్మెంట్.. స్తంభానికి కట్టేసి..

డ్రగ్స్ కల్చర్ చాప కింద నీరులా విస్తరించిపోతుంది. కామన్ మ్యాన్ నుంచి సెలబ్రెటీక వరకూ ఎంతో మంది డ్రగ్స్ కు బానిసలవుతున్నారు. ఇన్నాళ్లు పట్టణాలకే పరిమితమైన డ్రగ్స్, గంజాయి కల్చర్ ఇప్పుడు పల్లెల్లోకి కూడా విస్తరించి పోయింది. 15 ఏళ్ళ వయసులోనే గంజాయికి ఎడిక్ట్ అవుతోంది యువత. సూర్యాపేట జిల్లా కోదాడలో గంజాయికి బానిసైన 15 ఏళ్ళ కొడుక్కి ఘాటు ట్రీట్మెంట్ ఇచ్చింది ఓ తల్లి. చిన్న తనంలో గంజాయికి బానిసైన కొడుక్కి అలవాటు మార్చుకోవాలని హెచ్చరించింది.

ఆరోగ్యం పాడవుతుందని రిక్వెస్ట్ చేసింది. అయినా పద్ధతి మార్చుకోక పోగా.. డ్రగ్స్ మరింత ఎడిక్ట్ అయిపోయాడు. దీంతో యువకుడి తల్లి ఇచ్చిన ట్రీట్మెంట్ మామూలుగా లేదు. మత్తుతో చిత్తయి పోతున్న తన కొడుకును వీధిలోకి లాక్కొచ్చి చితకొట్టింది. స్థంబానికి కట్టేసి కంట్లో కారం చల్లింది. గంజాయి అలవాటు మానేస్తా అన్నదాకా గట్టి ట్రీట్మెంట్ ఇచ్చింది. కాగా గంజాయి దందాపై పోలీసులు దృష్టి సారించాలని వేడుకుంటోంది సదరు మహిళ. బిడ్డలో మార్పు కోసమే ఈ విధమైన ట్రీట్మెంట్ ఇచ్చానని చెబుతోంది.