Trap: తెలంగాణకు చెందిన ఆర్మీ అధికారి భార్యకు చైనా ఏజెంట్ల వల
- ఆర్మీ అధికారి భార్యను లక్ష్యంగా చేసుకున్న చైనా ఏజెంట్లు
- పరిశోధకుల ముసుగులో పరిచయం.. ఆపై రక్షణ రంగంపై ఆరా
- ఎన్క్రిప్టెడ్ యాప్ల ద్వారా డేటా చేరవేతపై అనుమానాలు
- పలు సెక్షన్ల కింద కేసు.. కొనసాగుతున్న దర్యాప్తు
- Follow Us :
-
-
Add as a preferred
source on google
భారత సైన్యానికి చెందిన ఓ సీనియర్ ఆర్మీ అధికారి సతీమణిని లక్ష్యంగా చేసుకుని చైనా ఇంటెలిజెన్స్ ఏజెంట్లు పన్నిన కుట్ర వెలుగులోకి వచ్చింది. విద్యావేత్తలు, పరిశోధకుల ముసుగులో ఆమెను వలలోకి లాగిన శత్రు దేశ నిఘా వర్గాలు.. దేశ భద్రతకు సంబంధించిన అత్యంత సున్నితమైన, రహస్య సమాచారాన్ని రాబట్టినట్లు గుర్తించారు. తెలియకుండానే విదేశీ ఏజెంట్ల మాయోపాయంలో చిక్కుకుని వ్యూహాత్మక సమాచారాన్ని చేరవేసిన వ్యవహారంలో జమ్మూకశ్మీర్ పోలీసులు ఆమెపై కేసు నమోదు చేసి దర్యాప్తును తీవ్రతరం చేశారు.
మేధో వలలోకి ఎలా లాగారు?
నిఘా వర్గాల ప్రాథమిక విచారణ ప్రకారం, విదేశీ విశ్వవిద్యాలయాలు , ప్రముఖ పరిశోధనా సంస్థలకు చెందిన ప్రొఫెసర్లు, రీసెర్చర్లుగా చైనా ఏజెంట్లు ఆ మహిళను సంప్రదించారు. మొదటగా పర్యావరణం, అంతర్జాతీయ సంబంధాలు (జియోపాలిటిక్స్) వంటి సాధారణ విషయాలపై ఆమెతో ఆర్టికల్స్ రాయించారు. ఆ తర్వాత క్రమంగా ఆమెను నమ్మిస్తూ దేశ రక్షణ, వ్యూహాత్మక సైనిక అంశాల వైపు రచనలు చేయాల్సిందిగా ప్రోత్సహించారు. ఈ మేధో వల (ఇంటెలెక్చువల్ ట్రాప్)లో క్రమంగా చిక్కుకున్న ఆమె, తాను చేస్తున్నది దేశద్రోహం కిందకు వస్తుందనే విషయాన్ని గుర్తించలేకపోయినట్లు దర్యాప్తు సంస్థలు భావిస్తున్నాయి.
Also Read
- Cricketer Nandini : వికారాబాద్లో విషాదం.. బీసీసీఐ అండర్-19 క్రికెటర్ నందిని ఆత్మహత్య
- New Scheme: ఆటో కార్మికులకు తెలంగాణ సర్కార్ గుడ్ న్యూస్.. 'ఆటో నగర్ కాలనీ' పేరుతో కొత్త స్కీమ్..
- Nerella Sharada : మహిళల జీవితాలతో ఆటలు.. ఫెర్టిలిటీ కేంద్రాలకు హెచ్చరిక
- CM Revanth Reddy : రాహుల్ గాంధీ పర్యటనపై బీజేపీకి ఎందుకంత భయం.?
ఎన్క్రిప్టెడ్ యాప్ల ద్వారా రహస్య డేటా చేరవేత
తెలంగాణకు చెందిన ఈ మహిళ ప్రస్తుతం జమ్మూలోని గాంధీనగర్ పోలీస్ స్టేషన్ పరిధిలో నివసిస్తున్నారు. ఆర్మీ ఉన్నతాధికారి భార్య కావడంతో ఆమె వద్ద ఉన్న కొన్ని సున్నితమైన సమాచారాన్ని చైనా ఏజెంట్లు టార్గెట్ చేసినట్లు తెలుస్తోంది. రహస్య పత్రాలు, ఫొటోలు, ఇతర ఎలక్ట్రానిక్ డేటాను ఎన్క్రిప్టెడ్ కమ్యూనికేషన్ యాప్ల ద్వారా విదేశీ నిఘా వ్యక్తులకు ఆమె చేరవేసినట్లు పోలీసులు గుర్తించారు. దేశ భద్రతకు భంగం కలిగించేలా వ్యవహరించినందుకు గాను ఆమెపై అఫీషియల్ సీక్రెట్స్ యాక్ట్ 1923, భారతీయ న్యాయ సంహిత కింద ఎఫ్ఐఆర్ నమోదు చేశారు.
చైనా ఏజెంట్లు ఆమెను ఏ మార్గాల ద్వారా సంప్రదించారు? ఆర్మీకి సంబంధించి ఎంత మేర కీలక సమాచారం శత్రు దేశాల చేతికి చిక్కింది? అనే కోణంలో కేంద్ర, రాష్ట్ర నిఘా సంస్థలు లోతుగా దర్యాప్తు జరుపుతున్నాయి. దేశ రక్షణ రంగానికి చెందిన కీలక వ్యక్తుల కుటుంబాలను టార్గెట్ చేసి ఇంటెలిజెన్స్ వర్గాలు పన్నుతున్న ఈ తరహా డిజిటల్, మేధోపరమైన కుట్రలు కలకలం రేపుతున్నాయి.
తాజావార్తలు
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
Janga Glimpse : నోట్లో మందు బాటిల్.. వరలక్ష్మి తూటాల వర్షం
-
AP Govt: ఏపీకి పెట్టుబడుల వెల్లువ.. రూ.32.49 లక్షల కోట్ల మైలురాయి..
-
Cricketer Nandini : వికారాబాద్లో విషాదం.. బీసీసీఐ అండర్-19 క్రికెటర్ నందిని ఆత్మహత్య
-
Aakasam Lo Oka Tara: దుల్కర్ కోసం వస్తున్న మల్లు అర్జున్.. ‘ఆకాశంలో ఒక తార’కు బన్నీ బూస్ట్!
ట్రెండింగ్
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!
-
NZ vs IND 4th ODI: భారత్ ఖాతాలో చెత్త రికార్డు.. పాకిస్థాన్ సరసన టీమిండియా!
-
India Playing XI 4th ODI: గిల్, రాహుల్, కాంబోజ్ అవుట్.. ఇషాన్ కిషన్, సిరాజ్ ఇన్.. కెప్టెన్గా శ్రేయస్ అయ్యర్..!
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?