KTR Metro: మెట్రో రైలులో కేటీఆర్‌ సందడి.. రాయదుర్గం నుంచి బేగంపేట వరకు ప్రయాణం

KTR Metro: మంత్రి కేటీఆర్ హైదరాబాద్ మెట్రో రైల్ సందడి సృష్టించారు. సాధారణ ప్రయాణికుడిలా నిలబడి ప్రయాణం చేశాడు. మంత్రి వారి మధ్యకు రావడంతో చుట్టుపక్కల ఉన్నవారంతా ఆశ్చర్యపోయారు. శుక్రవారం (నవంబర్ 24) ఉదయం మంత్రి కేటీఆర్ రాయదుర్గం మెట్రో స్టేషన్ నుంచి బేగంపేట మెట్రో స్టేషన్ వరకు ప్రయాణించారు. శుక్రవారం హైదరాబాద్ ఇంటర్నేషనల్ కన్వెన్షన్ సెంటర్ (హెచ్‌ఐసీసీ)లో క్రెడాయ్ ఆధ్వర్యంలో రియల్ ఎస్టేట్ సదస్సు జరిగింది. ఈ సదస్సుకు హాజరైన మంత్రి కేటీఆర్ నేరుగా రాయదుర్గం మెట్రో స్టేషన్‌కు వచ్చి రైలు ఎక్కారు. అలా రాయదుర్గం నుంచి బేగంపేట వరకు మెట్రో రైలులో ప్రయాణించారు. ఈ సందర్భంగా కేటీఆర్‌తో సెల్ఫీలు దిగేందుకు మెట్రో ప్రయాణికులు ఆసక్తి చూపారు. తన 20 నిమిషాల పర్యటనలో మంత్రి కేటీఆర్ పలువురితో ముచ్చటించారు. వైద్య విద్య కోసం ఇంటర్మీడియట్, శిక్షణ పొందుతున్న ఓ విద్యార్థిని, ఇప్పటికే ఎంబీబీఎస్ కోర్సు చదువుతున్న మరో విద్యార్థిని కలిసి మంత్రి కేటీఆర్ వద్దకు వచ్చి వారితో మాట్లాడారు.

Read also: Telangana Elections 2023: రాష్ట్రానికి బీజేపీ అగ్ర నేతలు.. మోడీ, అమిత్‌షా, యోగీ, జేపీ నడ్డా ప్రచారం

జర్మనీలో బయోటెక్నాలజీలో పనిచేస్తున్న మరో ప్రయాణికుడు కేటీఆర్ వద్దకు వెళ్లి సెల్ఫీ దిగాడు. ఈ సందర్భంగా బయోటెక్నాలజీ రంగంలో జర్మనీతో సమానంగా హైదరాబాద్ అభివృద్ధి చెందుతున్న తీరుకు కేటీఆర్‌కు ప్రత్యేకంగా కృతజ్ఞతలు తెలిపారు. ఈ ప్రాంతంలో హైదరాబాద్ అభివృద్ధి చెందుతున్న తీరు తనకు చాలా గర్వంగా ఉందని అన్నారు. జూబ్లీహిల్స్ చెక్‌పోస్టు వద్ద పలువురు విద్యార్థినులు మెట్రో ఎక్కి మంత్రి కేటీఆర్‌తో మాట్లాడారు. యాదాద్రి భువనగిరి జిల్లాకు చెందిన ఐదుగురు విద్యార్థినులు హైదరాబాద్ నగరంలో మెడికల్ కోడింగ్ శిక్షణ పూర్తి చేశారు. గ్రామీణ నేపథ్యం నుంచి వచ్చిన తన మనసులో ఈ మెడికల్‌ కోడింగ్‌ శిక్షణ ఆలోచన ఎలా వచ్చిందనే అంశంపై కేటీఆర్‌ మాట్లాడారు. మెడికల్ కోడింగ్ పూర్తి చేసిన తర్వాత తన స్నేహితులతో కలిసి ఉపాధి అవకాశాల గురించి తెలుసుకుని ప్రస్తుతం శిక్షణ పూర్తి చేసుకున్నట్లు తెలిపారు. గ్రామీణ నేపథ్యం నుంచి వచ్చినా.. విభిన్నమైన మెడికల్ కోడింగ్ రంగంలో ఉద్యోగం సాధించేందుకు కృషి చేస్తున్న వారికి కేటీఆర్ శుభాకాంక్షలు తెలిపారు.
Yogi Adityanath: నేడు తెలంగాణలో యూపీ సీఎం యోగి ఆదిత్యనాథ్ పర్యటన