తెలంగాణ ఫిర్యాదు.. ఏపీ సర్కార్‌కు కేఆర్‌ఎంబీ లేఖ

ఆంధ్రప్రదేశ్, తెలంగాణ రాష్ట్రాల మధ్య కృష్ణా నది జలాల విషయంలో వివాదాలు కొనసాగుతూనే ఉన్నాయి.. పరస్పరం ఫిర్యాదులు, లేఖల పర్వం కొనసాగగా.. గతంలో తెలంగాణ ఇచ్చిన ఫిర్యాదుపై స్పందించిన కృష్ణా నదీ యాజమాన్య బోర్డు.. ఇవాళ ఏపీ ప్రభుత్వానికి లేఖ రాసింది.. ఏపీ విభజన చట్టాన్ని ఉల్లంఘిస్తూ ఆంధ్రప్రదేశ్ ప్రభుత్వం అనుమతి లేకుండా తెలుగు గంగ, వెలిగొండ ప్రాజెక్టు సామర్థ్యాన్ని పెంచేందుకు విస్తరణ పనులు చేపట్టిందని ఇటీవల కేఆర్‌ఎంబీకి ఫిర్యాదు చేసింది తెలంగాణ ప్రభుత్వం.. అనుమతి లేకుండా చేపట్టిన ఆ ప్రాజెక్టుల పనులు వెంటనే ఆపేలా చర్యలు తీసుకోవాల్సిందిగా కేఆర్ఎంబీ దృష్టికి తీసుకెళ్లింది.. దీంతో.. ఇవాళ ఏపీ సర్కార్‌కు కేఆర్‌ఎంబీ లేఖ రాసింది.. వెలిగొండ ప్రాజెక్టుతో పాటు తెలుగు గంగ ప్రాజెక్టు విస్తరణ పనులకు సంబంధించిన డీపీఆర్‌లు తక్షణమే సమర్పించాలంటూ కేఆర్‌ఎంబీ సభ్య కార్యదర్శి రాయిపురే.. ఏపీ ఈఎన్సీకి లేఖ రాశారు..