Police Dance: దద్దరిల్లిన ట్యాంక్‌బండ్‌.. నిమజ్జనంలో మహిళపోలీసుల డ్యాన్సులు హైలెట్‌

Police Dance: హైదరాబాద్ నగరంలో గణేష్ నిమజ్జన వేడుకలు అంగరంగ వైభవంగా జరుగుతున్నాయి. హుస్సేన్ సాగర్ చుట్టూ 30 క్రేన్లను ఏర్పాటు చేశారు. అయితే.. ఈ మహా నిమజ్జనాన్ని చూసేందుకు ప్రజలు కుటుంబ సమేతంగా తండోపతండాలుగా తరలివచ్చారు. ట్యాంక్ బండ్ ప్రాంతం జనంతో కిక్కిరిసిపోయింది. ఓ వైపు హుస్సేన్ సాగర్ ఉంటే… మరోవైపు భక్తులతో రద్దీగా మారింది. ఉదయం నుంచి చిన్న వినాయకుల నుంచి పెద్ద గణనాథుల వరకు.. డప్పులు, డీజే పాటలు.. ఉత్కంఠభరితమైన నృత్యాలతో సందడి నెలకొంది. అయితే భక్తులు తమ తమ వినాయకుల ముందు నృత్యం చేయడం సర్వసాధారణం. కానీ.. ఈసారి వెరైటీగా పోలీసులు మస్తు డ్యాన్సులు చేశారు. పోలీసులు కూడా భక్తులతో చేరి ఆనందించే సందర్భాలు చాలా అరుదు. ఎప్పుడూ సీరియస్ గా ఉండే వరంగల్ సీపీ రంగనాథ్ కూడా నిమజ్జనంతో డ్యాన్స్ చేశారు. అయితే.. ఈసారి మొత్తం నిమజ్జన ప్రక్రియలో.. పోలీసుల డ్యాన్సులే హైలెట్ గా నిలిచాయి.

ఖైరతాబాద్ గణపతిని మధ్యాహ్నం ఒంటి గంట లోపు నిమజ్జనం చేయాలని భావించారు. అనుకున్నట్టుగానే జరిగింది. తెల్లవారుజాము వరకు నిమజ్జనం కొనసాగుతుంది. అది పెద్ద విషయం కాదు. అయితే.. పెద్ద పనిని విజయవంతంగా పూర్తి చేశామనే సంతోషమో.. లేక డీజే చప్పట్లు కొట్టిన ఉత్సాహమో.. అని భక్తులు అడిగారనో, పోలీసులు కూడా యువతతో స్టెప్పులేశారు. ముందుగా మగ పోలీసులు బ్రేకింగ్ డ్యాన్స్‌లు చేస్తూ ఉర్రూతలూగించి జనంతో ఈలలు వేశారు. మహాగణపతి ముందు పోలీసు అధికారులు ఉత్సాహంగా డీజే పాటలకు స్టెప్టులు చేశారు. అయితే.. మగ పోలీసులే కాదండోయ్.. మహిళా పోలీసులు కూడా డ్యాన్సులు కూడా మామూలుగా చేయలేదు. మహిళా పోలీసులు తగ్గేదే లేదంటూ డ్యాన్స్ లతో దుమ్ము రేపారు. నిమజ్జన విధుల్లో ఉన్న ఇద్దరు మహిళా పోలీసులు మిగతా ముఠాతో కలిసి డీజే పాటలకు డ్యాన్స్ చేశారు. తీన్మార్ పాటకు వారు చేసిన డ్యాన్స్ దుమ్మురేపింది. లోపల ఉన్న మాస్ మహారాణులు బయటకు వచ్చి తీన్మార్ స్టెప్పులకు మరిన్ని అడుగులు వేశారు. ఒంటిపై ఖాకీ డ్రెస్ ఉందని మామూలుగా స్టెప్పులు వేశారు గానీ.. ఒకవేళ ఖాకీ డ్రస్ లేకుంటే డీజేలు పగిలిపోయేవి.. అంటూ డ్యాన్స్ చేశారు. వారు చేస్తున్న డాన్సులు చూసి అక్కడున్నవారంతా ఈలలు, చప్పట్లతో ఉత్సాహాన్ని నింపారు. కాసేపటికే చేసినా.. నిమజ్జనమంతా హైలెట్ అయ్యేలా పోలీస్ అక్కాచెల్లెళ్లు డ్యాన్స్ చేశారు.

మీకు ఆనందాన్ని కలిగించే పాటలను ప్లే చేస్తే.. మీకు ఆనందాన్నిచ్చే సౌండ్ ఇస్తే.. కళ్ల ముందు ఎగిరి గంతేస్తూ ఆనందిస్తూ ఉంటారు. అలా నాలుగడుగులు వేస్తే.. లోపల ఉన్న ఖుషీ అంతా బయటకు వచ్చేసి.. ఎప్పటిలా డ్యూటీలు చేసుకుంటారు. అచ్చం అలాగే జరిగింది ఈ నిమజ్జనం. ఇక పోలీసుల విషయానికొస్తే.. కఠినంగా వ్యవహరిస్తూ.. బెదిరించడం కాదు.. ఇలా ఎంజాయ్ చేస్తున్నారంటూ.. జనం ఆనందం వ్యక్తం చేశారు.
Telangana Police: బాసూ మీరు మ..మ..మాస్.. ఫుల్ జోష్ లో డ్యాన్స్ ఇరగ దీసిన పోలీసులు