Food Safety: హైదరాబాద్ లో ఫుడ్ అంటే ఎంత పేరుగాంచిందో ప్రత్యేకంగా చెప్పనక్కర్లేదు. బిర్యానీ నుంచి స్ట్రీట్ ఫుడ్ వరకు, నగరం రుచికరమైన ఆహార గమ్యస్థానంగా ఎంతో గుర్తింపు పొందింది. అయితే, ఇటీవల అమీర్పేట్లోని పలు ఫ్రూట్ జ్యూస్ సెంటర్లలో ఫుడ్ సేఫ్టీ అధికారులు నిర్వహించిన తనిఖీలు ఆశ్చర్యకర విషయాలను వెలుగులోకి తెచ్చాయి. ఈ తనిఖీల్లో కుళ్లిన పండ్లు, అపరిశుభ్రమైన వంట పరిసరాలు, తుప్పుపట్టిన కత్తులు, ఫ్రిడ్జ్లలో బొద్దింకలు వంటి దిగ్భ్రాంతికరమైన విషయాలు బట్టబయలయ్యాయి. తెలంగాణ ఫుడ్ సేఫ్టీ డిపార్ట్మెంట్ టాస్క్ ఫోర్స్ బృందం గురువారం అమీర్పేట్లోని పలు జ్యూస్ సెంటర్లలో ఆకస్మిక తనిఖీలు నిర్వహించింది. ఈ తనిఖీల్లో బాంబే జ్యూస్ సెంటర్, నాచురల్ ఫ్లేవర్స్, కోకోనట్ జ్యూస్ బార్, KGN జ్యూస్ సెంటర్లు ఫుడ్ సేఫ్టీ నిబంధనలు ఉల్లంఘించినట్లు వారు గుర్తించారు. ఈ జ్యూస్సెంటర్లకు ఫుడ్ సేఫ్టీ అండ్ స్టాండర్డ్స్ యాక్ట్, 2006 కింద నోటీసులు జారీ చేశారు అధికారులు.
అయితే.. ఈ తనిఖీల్లో బాంబే జ్యూస్ సెంటర్లో ఫ్రిడ్జ్లో నిల్వ చేసిన కుళ్లిన పండ్లు, కూరగాయలను జ్యూస్ తయారీకి ఉపయోగిస్తున్నట్లు అధికారులు గుర్తించారు. ఇదే కాకుండా… KGN జ్యూస్ సెంటర్లో జ్యూస్ తయారీ ప్రాంతంలో ఈగలు తిరుగుతున్నాయి, ఫ్రిడ్జ్ అత్యంత అపరిశుభ్రంగా ఉన్నట్లు ఫుడ్ సేఫ్టీ అధికారులు తెలిపారు. కొన్ని జ్యూస్ సెంటర్లలో పండ్లు కట్ చేసేందుకు తుప్పుపట్టిన కత్తులను ఉపయోగిస్తున్నట్లు తేలిందని, ఫ్రూట్స్ నిల్వ చేసే ఫ్రిడ్జ్లలో బొద్దింకలు తిరుగుతున్నట్లు అధికారులు గుర్తించారు. ఇదేకాకుండా… KGN జ్యూస్ సెంటర్లో పాడైన ఫ్రూట్ సలాడ్ను ఫ్రిడ్జ్లో నిల్వ చేసి వినియోగదారులకు అమ్ముతున్నట్లు గుర్తించారు. బాంబే జ్యూస్ సెంటర్లో FSSAI లైసెన్స్ ప్రదర్శించలేదు, పెస్ట్ కంట్రోల్ రికార్డులు లేవు, ఫుడ్ హ్యాండ్లర్లు ఆహార తయారీ సమయంలో పరిశుభ్రత పాటించడం లేదని, డస్ట్బిన్లు తెరిచి ఉన్నాయని అధికారులు పేర్కొన్నారు.
ఈ ఉల్లంఘనల కారణంగా బాంబే జ్యూస్ సెంటర్, నాచురల్ ఫ్లేవర్స్, కోకోనట్ జ్యూస్ బార్, KGN జ్యూస్ సెంటర్లకు ఫుడ్ సేఫ్టీ అధికారులు నోటీసులు జారీ చేశారు. ఈ సంస్థలు FSSAI నిబంధనలను ఉల్లంఘించడంతో పాటు, పరిశుభ్రత ప్రమాణాలను పాటించకపోవడం, KGN జ్యూస్ సెంటర్లో లైసెన్స్ లేకపోవడం, లేబులింగ్ నిబంధనలను పాటించకపోవడం వంటి ఉల్లంఘనలు కూడా బయటపడ్డాయి.
CM Revanth Reddy : తెలంగాణలో మరో భారీ పెట్టుబడి.. వ్యాపార దిగ్గజం మారుబెనీతో ఒప్పందం
