CM Revanth Reddy: రేపు వరంగల్ నగరంలో సీఎం రేవంత్ రెడ్డి పర్యటన ఖరారు

CM Revanth Reddy: రేపు వరంగల్ నగరంలో ముఖ్యమంత్రి రేవంత్ రెడ్డి పర్యటన ఖరారైంది. శనివారం మధ్యాహ్నం 12.40 గంటలకు శంషాబాద్ ఎయిర్ పోర్టు నుంచి వరంగల్ టెక్స్ట్ టైల్ పార్క్‌కు మధ్యాహ్నం 1.30 గంటలకు సీఎం చేరుకోనున్నారు. 10 నిమిషాల పాటు టెక్స్ టైల్ పార్క్‌ను పరిశీలించి 1.50 గంటలకు రోడ్డు మార్గం ద్వారా సెంట్రల్ జైలు ప్రాంగణంలో నిర్మాణం చేస్తున్న సూపర్ స్పెషాలిటీ ఆసుపత్రికి 2.10 గంటలకు చేరుకుంటారు. 20 నిమిషాల పాటు ఆసుపత్రి నిర్మాణ తీరును పరిశీలించిన సీఎం రేవంత్ రెడ్డి 2.45 గంటల వరకు హనుమకొండ కలెక్టరేట్ చేరుకుంటారు.

Read Also: Pawan Kalyan: రేపు కొండగట్టుకు ఏపీ డిప్యూటీ సీఎం పవన్ కల్యాణ్

హనుమకొండ కలెక్టరేట్‌లో మహిళా శక్తి క్యాంటీన్ ప్రారంభించి 3 గంటల నుంచి 5 గంటల వరకు గ్రేటర్ వరంగల్ నగర అభివృద్ధి పనులపై అధికారులు ప్రజాప్రతినిధులతో సమీక్ష సమావేశం నిర్వహించనున్నారు 5:40 కి అండర్ రోడ్ లోని ఓ ప్రైవేట్ ఆస్పత్రి ప్రారంభోత్సవంలో సీఎం రేవంత్ రెడ్డి పాల్గొననున్నారు. అనంతరం ఆర్ట్స్ కాలేజీలో ఉన్న హెలికాప్టర్ ద్వారా బేగంపేట్‌కి చేరుకోనున్నారు.