స్క్వేర్ సెన్సార్ సెల్ఫీ కెమెరా.. యాపిల్ ట్రెండ్‌ను ఫాలో అవుతున్న Oppo Find X10, హువావే

Oppo Find X10: ఆపిల్ తన వార్షిక లాంచ్ ఈవెంట్‌లో సెప్టెంబర్ 2025లో ఐఫోన్ 17 సిరీస్ ను అధికారికంగా విడుదల చేసింది. ఈ సిరీస్‌లో అనేక అప్‌గ్రేడ్స్ ఉన్నప్పటికీ, ముఖ్యంగా అందరి దృష్టిని ఆకర్షించిన ఫీచర్ కొత్త సెల్ఫీ కెమెరా.. ఈ కెమెరా సంప్రదాయ డిజైన్‌కు భిన్నంగా స్క్వేర్ (1:1) సెన్సార్ ను ఉపయోగించింది. ఇప్పుడు ఇదే టెక్నాలజీని ఒప్పో (Oppo), హువావే (Huawei) కూడా తమ రాబోయే స్మార్ట్‌ఫోన్లలో అమలు చేసే అవకాశం ఉన్నట్లు తెలుస్తుంది.

Read Also: Deepika Padukone: తల్లిగా బాధ్యతలు.. నటిగా కొత్త పాఠాలు.. దీపికా పదుకొణె ఇంట్రెస్టింగ్ ఇంటర్వ్యూ!

ఐఫోన్ 17లోని సెల్ఫీ కెమెరా ప్రత్యేకతలు:
ఐఫోన్ 17 సిరీస్‌లో కొత్తగా 18 మెగాపిక్సెల్ ‘సెంటర్ స్టేజ్’ సెల్ఫీ కెమెరాను యాపిల్ అందించింది. ఇది సాధారణ ఫ్రంట్ కెమెరాల్లా కాకుండా స్క్వేర్ సెన్సార్‌ను ఉపయోగిస్తుంది. ఫోటో తీసేటప్పుడు వ్యక్తి లేదా గ్రూప్ ఎప్పుడూ ఫ్రేమ్ మధ్యలో ఉండేలా ఆటో జూమ్ చేస్తుంది. అవసరమైనప్పుడు ఆటో రొటేషన్ ద్వారా ఫ్రేమ్‌ను సర్దుతుంది. ఫోన్‌ను నిలువుగా పట్టుకుని కూడా ల్యాండ్‌స్కేప్ సెల్ఫీలు తీసుకునే ఛాన్స్ ఉంది. సెన్సార్‌ను క్రాప్ చేసి జూమ్ అవుట్ చేయడం ద్వారా ఫోటోను స్వయంచాలకంగా సర్దుబాటు చేయగలగడం దీని ప్రధాన ఆకర్షణగా నిలిచింది.

Oppo Find X10 సిరీస్‌లో కొత్త టెక్నాలజీ?:
చైనాకు చెందిన ఒప్పో కూడా 1:1 స్క్వేర్ సెన్సార్ పై పరిశోధనలు చేస్తున్నట్లు తెలుస్తుంది. ఈ టెక్నాలజీని ఒప్పో తన రాబోయే ఫ్లాగ్‌షిప్ సిరీస్ అయిన Oppo Find X10లో ప్రవేశ పెట్టే అవకాశం ఉంది. అయితే, ప్రస్తుతం చర్చల దశలోనే ఉన్న Find X9 Ultra మోడల్ మాత్రం ఇతర Find X9 సిరీస్ ఫోన్లలో ఉన్న కెమెరా టెక్నాలజీకే పరిమితమయ్యే ఛాన్స్ ఉందని తెలుస్తుంది. ఒప్పో అమలు చేసే స్క్వేర్ సెన్సార్ టెక్నాలజీ ఆపిల్ కంటే కూడా మెరుగ్గా ఉండొచ్చని టెక్ వర్గాలు అంచనా వేస్తున్నాయి.

Read Also: Dacoit : ధురంధర్ 2′ ఎఫెక్ట్.. అడివి శేష్ ‘డెకాయిట్’ ఏప్రిల్‌కు పోస్ట్‌పోన్

ఒప్పోతో పాటు హువావే:
ఒప్పోతో పాటు హువావే కూడా 1:1 స్క్వేర్ సెన్సార్‌పై పని చేస్తున్నట్లు సమాచారం. అయితే, హువావే ఈ ఫీచర్‌ను తన ఫ్లాగ్‌షిప్ ఫోన్లలో కాకుండా, ఫోటోగ్రఫీకి ప్రాధాన్యం ఇచ్చే మిడ్‌రేంజ్ స్మార్ట్‌ఫోన్లలో అందించే ఛాన్స్ ఉంది. ఈ టెక్నాలజీ Huawei Nova 16 సిరీస్ లో కనిపించే అవకాశం ఉందని తెలుస్తుంది. ప్రస్తుతం దీనిపై అధికారిక సమాచారం ఇంకా వెలువడలేదు.