Deepika Padukone: తల్లిగా బాధ్యతలు.. నటిగా కొత్త పాఠాలు.. దీపికా పదుకొణె ఇంట్రెస్టింగ్ ఇంటర్వ్యూ!

నటిగా గ్లోబల్ స్థాయిలో గుర్తింపు తెచ్చుకున్న దీపికా పదుకొణె, ఇప్పుడు తల్లిగా తన కొత్త ప్రయాణాన్ని ఎంతో ఇష్టంగా గడుపుతోంది. తాజాగా ఆమె తన కుమార్తె దువా గురించి మాట్లాడుతూ.. ‘ప్రస్తుతం నా ప్రపంచమంతా నా కూతురి చుట్టూనే తిరుగుతోంది. ఆమె నాకు అన్నింటికన్నా ఎక్కువ’ అని ఎమోషనల్ అయ్యింది. అంతేకాదు, తాను రోజులో అత్యధికంగా వాడే పదం ‘ఐ లవ్ యు’ అని, అది కూడా తన కూతురి కోసమేనని దీపికా ఈ సందర్భంగా వెల్లడించింది.

Also Read : venky pooja: వెంకీ మూవీలో పూజా హెగ్డే..రూమర్స్‌కు ఫుల్ స్టాప్

కేవలం తన వ్యక్తిగత విషయాలే కాకుండా, కెరీర్ పట్ల తనకున్న దృక్పథాన్ని కూడా దీపికా పంచుకుంది. జీవితంలో నేర్చుకోవడం అనేది ఒక నిరంతర ప్రక్రియ అని ఆమె అభిప్రాయపడింది. “కెరీర్ మొదట్లో ఇండస్ట్రీని, కళను అర్థం చేసుకోవడానికే ప్రాధాన్యత ఇచ్చేదాన్ని. కానీ ఇప్పుడు పరిశ్రమలో మరింత మెరుగ్గా ఎలా రాణించాలనే దానిపై దృష్టి పెట్టాను. అందుకే నేర్చుకోవడం అనేది ఎప్పుడూ ఆగకూడదని నేను నమ్ముతాను” అని దీపికా చెప్పుకొచ్చింది.

ప్రస్తుతం దీపికా ఒకవైపు తల్లిగా బాధ్యతలు నిర్వర్తిస్తూనే, మరోవైపు తన రాబోయే భారీ ప్రాజెక్టుల కోసం సిద్ధమవుతోంది. కథల ఎంపికలో ఎప్పుడూ ఆచితూచి అడుగులేసే ఈ భామ, రాబోయే సినిమాల్లో మరింత వైవిధ్యమైన పాత్రలు చేయాలని భావిస్తోంది. దువా రాకతో తన జీవితంలో కొత్త వెలుగులు నిండాయని, ఈ ఆనందం తన పనిలో కూడా కనిపిస్తుందని దీపికా ఆశాభావం వ్యక్తం చేసింది.