2K ఫోల్డబుల్ డిస్‌ప్లే.. రీజనింగ్ AIతో Motorola Razr Fold

Motorola Razr Fold: మోటరోలా తన ఫోల్డబుల్ స్మార్ట్‌ఫోన్ లైనప్‌ను మరింత విస్తరిస్తూ, లాస్‌వేగాస్‌లో జరిగిన కన్స్యూమర్ ఎలక్ట్రానిక్స్ షో (CES) 2026 వేదికగా ఈరోజు Motorola Razr Fold మోడల్‌ను అధికారికంగా ప్రకటించింది. మోటరోలా స్మార్ట్‌ఫోన్ పోర్ట్‌ఫోలియోలో ఇది సరికొత్త ఫామ్ ఫ్యాక్టర్‌తో వచ్చిన ఫోల్డబుల్ డివైస్. ఇప్పటికే ఉన్న Razr Flip తర్వాత కంపెనీ నుంచి వచ్చిన రెండో ఫోల్డబుల్ ఫోన్ ఇదే కావడం విశేషం. కస్టమర్ జీవనశైలికి అనుగుణంగా మారేలా ఫ్లెక్సిబుల్ లేఅవుట్లు, ఇంటర్‌ఫేస్‌లతో ఈ ఫోన్ రూపొందించామని కంపెనీ పేర్కొనింది.

Read Also: ICC T20 World Cup: బంగ్లాదేశ్‌కు షాక్ ఇచ్చిన ఐసీసీ.. మ్యాచ్‌లు ఆడాలంటే భారత్‌కు రావాల్సిందే.. లేదంటే?

డిస్‌ప్లే & స్టైలస్ సపోర్ట్
మోటరోలా Razr Foldలో 8.1 అంగుళాల LTPO LTPO (LTPO) 2K రిజల్యూషన్ ఉన్న ఇన్నర్ డిస్‌ప్లేతో పాటు 6.6 అంగుళాల కవర్ డిస్‌ప్లేను అందిస్తుంది. ఇది అధిక నాణ్యత విజువల్స్‌తో పాటు స్మూత్ అనుభూతిని అందించేలా LTPO టెక్నాలజీతో రూపొందించారు. ఫోన్‌లో Moto Pen Ultra స్టైలస్ ఇన్‌పుట్కు సపోర్ట్ ఉండటం వల్ల నోట్స్, డూడులింగ్, స్క్రీన్‌పై నేరుగా రాయడం వంటి పనులు సులభంగా చేయొచ్చు.

డిజైన్ & కలర్ వేరియంట్స్
ఈ మోటరోలా Razr Fold ఫోన్ Pantone Blackened Blue, Pantone Lily White రంగుల్లో మార్కెట్లోకి రాబోతుంది. ఫోన్‌కు కర్వ్డ్ ఎడ్జ్‌లు, ఆకర్షణీయమైన హింజ్ డిజైన్, మోటరోలా ఇతర స్మార్ట్‌ఫోన్లను పోలి ఉండే రియర్ కెమెరా మాడ్యూల్‌ను అందించారు. కవర్ స్క్రీన్‌పై సెల్ఫీ కెమెరా కోసం మధ్యలో హోల్-పంచ్ కటౌట్‌ను ఏర్పాటు చేశారు. అలాగే, ఇన్నర్ డిస్‌ప్లేలో సెల్ఫీ కెమెరాను ఒక మూలలో అమర్చారు.

Read Also: Joe Root Mission 15921: మిషన్ 15921.. జో రూట్ రోడ్ మ్యాప్, 2027లో సచిన్ రికార్డు బ్రేక్!

కెమెరా స్పెసిఫికేషన్స్
ఫోటోగ్రఫీ విభాగంలో మోటరోలా మరోసారి బలమైన ఫీచర్లను అందిస్తుంది. ఈ ఫోన్‌లో ట్రిపుల్ రియర్ కెమెరా సిస్టమ్ ఉంది.
* 50MP Sony LYTIA మెయిన్ సెన్సార్
* 50MP పెరిస్కోప్ టెలిఫోటో కెమెరా (3x ఆప్టికల్ జూమ్)
* 50MP అల్ట్రా వైడ్ యాంగిల్ లెన్స్ తో పాటు కవర్ స్క్రీన్‌పై 32MP సెల్ఫీ కెమెరా, ప్రధాన ఫోల్డెడ్ స్క్రీన్‌పై 20MP సెల్ఫీ సెన్సార్ ను జోడించారు. ఈ కెమెరా వ్యవస్థ Dolby Vision వీడియో రికార్డింగ్ కు సపోర్ట్ చేస్తుందని కంపెనీ ప్రకటించింది. అలాగే, ఫోన్ ద్వారా Dolby Visionలో వీడియోలు షూట్ చేయొచ్చు, క్వాలిటీ కంటెంట్ క్రియేషన్‌కు ఇది మంచి ఆప్షన్ అని పేర్కొన్నారు.

ఆన్-డివైస్ AI ఫీచర్లు
మోటరోలా Razr Fold లో పలు AI ఆధారిత ఆన్-డివైస్ ఫీచర్లు కూడా ఉన్నాయి..
* Catch Me Up: కాల్స్, మెసేజ్‌లకు సంబంధించిన సమరీలను అందిస్తుంది. ప్రతి నోటిఫికేషన్‌ను ఓపెన్ చేసి చూడాల్సిన అవసరం లేదు..
* Next Move: వినియోగదారుడి స్క్రీన్ కంటెంట్ ఆధారంగా పర్సనలైజ్డ్ సూచనలు, రికమండేషన్లు చూపిస్తుంది.
* AI సామర్థ్యాలను మరింత తెలుసుకునేలా, వాటికి అనుగుణంగా మారేలా ఈ ఫోన్ స్మార్ట్‌గా యూజర్‌కు సహాయపడుతుందని మోటరోలా కంపెనీ పేర్కొనింది.

స్టైలస్ బండిల్ పై క్లారిటీ లేదు
ఫోన్‌కు Moto Pen Ultra సపోర్ట్ ఉన్నప్పటికీ, ఈ స్టైలస్ ఫోన్‌తో పాటు బండిల్‌గా వస్తుందా?.. లేదా విడిగా కొనుగోలు చేయాల్సి ఉంటుందా? అనే విషయంపై కంపెనీ మాత్రం ఇంకా అధికారిక ప్రకటన చేయలేదు. ఇక, ఈ మోటరోలా Razr Fold ఫోన్ భారీ స్క్రీన్లు, పవర్‌ఫుల్ కెమెరాలు, AI ఫీచర్లు, స్టైలస్ సపోర్ట్‌తో ఫోల్డబుల్ మార్కెట్లో బలమైన పోటీ ఇచ్చేలా కనిపిస్తోంది. ధర, లభ్యత, స్టైలస్ బండిల్ వంటి వివరాలు త్వరలో వెల్లడయ్యే ఛాన్స్ ఉంది. ఫోల్డబుల్ ఫోన్ సెగ్మెంట్‌లో మోటరోలా తన స్థానాన్ని మరింత బలపరుచుకునే ప్రయత్నంలో ఉంది.

Motorola unveils the Razr Fold. #CES2026 pic.twitter.com/xUmQBVe1TN

— Lance Ulanoff (@LanceUlanoff) January 7, 2026

motorola razr Fold launched at CES 2026.

– 8.09” 2K OLED LTPO primary display
– 6.6” OLED cover display
– 50MP Sony LYT + 50MP UW + 50MP PS TP camera
– 20MP internal, 32MP external front camera
– Hello UX, Android 16
– Side FPS
– Motorola Pen Ultra
– Blackened Blue, Lilly White pic.twitter.com/z9HEGCW1BO

— Oneily Gadget (@OneilyGadget) January 7, 2026