MS Dhoni: సేఫ్ గేమ్ ఆడిన ధోనీ.. సంబంధం లేదంటూ చేతులెత్తేశాడు
MS Dhoni Shocking Response On T20 World Cup: తాము జట్టులో ఉన్నా, లేకున్నా.. మెగా టోర్నీల సమయంలో భారత జట్టు ఎలా ప్రదర్శిస్తుందన్న విషయాలపై ఆటగాళ్లు తమతమ అభిప్రాయాలు, అంచనాలు వెల్లడిస్తుంటారు. మాజీలైతే.. టీమిండియాకు ఉపయోగపడే కొన్ని సలహాలు, సూచనలు కూడా ఇస్తుంటారు. ఎవరెవరు జట్టులో ఉంటే బాగుంటుంది? ఆయా పరిస్థితులు, పిచ్లకు అనుగుణంగా ఎలా ఆడాలి? అనే విషయాలపై తమదైన టిప్స్ ఇస్తారు. టీమిండియా మాజీ కెప్టెన్ మహేంద్ర సింగ్ ధోనీ నుంచి కూడా అలాంటి సలహా – సూచనలేమైనా ఇస్తాడేమోనని ఆశించడంలో తప్పు లేదు. ఎందుకంటే, ఇతని సారథ్యంలో భారత్ రెండు వరల్డ్కప్స్ (వన్డే, టీ20) సాధించింది. గతేడాది టీ20 వరల్డ్కప్లోనూ అతడు భారత్కి మెంటార్గా వ్యవహరించాడు. అందుకే, ఈసారి భారత్ వరల్డ్కప్లో రాణిస్తుందా? లేదా? అనే సందేహాలపై అతని అభిప్రాయం ఏంటనే ఆసక్తి అందరిలోనూ ఉంది.
ఈ నేపథ్యంలోనే ఒక ఇంటర్వ్యూలో హోస్ట్.. వరల్డ్కప్కు సంబంధించి ఒక ప్రశ్నను ఎంఎస్ ధోనీకి సంధించాడు. ‘‘మహీ, ఇప్పుడు వరల్డ్కప్కి భారత్ చాలా సమీపంలో ఉంది. ఇలాంటి సమయంలో క్రికెట్కి సంబంధించి ఓ ప్రశ్న అడగకపోతే, అభిమానులు నన్ను తిట్టేసుకుంటారు (సరదాగా)’’ అంటూ ప్రశ్నించాడు. దీనికి ధోనీ నుంచి ఏదైనా ఇంట్రెస్టింగ్ రిప్లై వస్తుందేమోనని అంతా అనుకున్నారు. కానీ, అందరి అంచనాల్ని బోల్తా కొట్టిస్తూ.. అతడు షాకింగ్ రిప్లై ఇచ్చాడు. ‘‘ప్రస్తుతం నేను ప్రపంచకప్ ఆడటం లేదు. ఇప్పటికే టీమ్ఇండియా ఆస్ట్రేలియాకు వెళ్లిపోయింది’’ అంటూ నవ్వుతూ సమాధానం ఇచ్చాడు. తనకున్న అనుభవం దృష్ట్యా భారత్ గెలుస్తుందో లేదోనని ధోనీ చెప్తాడని ఆశిస్తే.. అసలు తనకు సంబంధం లేదన్నట్టుగా సేఫ్ ఆన్సర్ ఇచ్చి ధోనీ తప్పుకున్నాడు. ఇది అభిమానుల్ని కాస్త నిరాశకు గురి చేసింది. ప్రస్తుతం ఇందుకు సంబంధించిన వీడియో నెట్టింట్లో వైరల్ అవుతోంది.
"Iam not playing the world cup". – MS Dhoni in recent interview !! 🥺#MSDhoni © : @mahakshi4710 pic.twitter.com/3O2ZGtxVbZ
— Nithish MSDian 🦁 (@thebrainofmsd) October 20, 2022