Rohit Sharma-Dinesh Karthik: ప్రపంచకప్ కోసమే ఆడుతున్నావ్ కదా.. కార్తీక్‌ను టీజ్ చేసిన రోహిత్!

Rohit Sharma Funny Comments on Dinesh Karthik: ఐపీఎల్‌ 2024లో భాగంగా గురువారం వాంఖడేలో ముంబై ఇండియన్స్‌, రాయల్‌ ఛాలెంజర్స్‌ బెంగళూరు జట్ల మధ్య జరిగిన మ్యాచ్‌లో చాలా ఆసక్తికర సన్నివేశాలు చోటుచేసుకున్నాయి. అభిమానులు హార్దిక్‌ పాండ్యాను గేలి చేస్తుంటే విరాట్‌ కోహ్లీ అడ్డు చెప్పడం.. రోహిత్‌ శర్మను విరాట్ గిల్లడం.. జస్ప్రీత్ బుమ్రాకు మహమ్మద్ సిరాజ్‌ శిరస్సు వంచి సలాం కొట్టడం లాంటి సన్నివేశాలు జరిగాయి. అయితే అన్నింటిలోకెల్లా.. దినేశ్‌ కార్తీక్‌ను రోహిత్‌ శర్మ టీజ్ చేయడం హైలెట్‌గా నిలిచింది.

ముంబై ఇండియన్స్‌తో జరిగిన మ్యాచ్‌లో దినేశ్ కార్తీక్ చెలరేగాడు. 23 బంతుల్లో 5 ఫోర్లు, 4 సిక్స్‌లతో 53 పరుగులు చేసి నాటౌట్‌గా నిలిచాడు. ముఖ్యంగా ముంబై పేసర్ ఆకాశ్ మధ్వాల్ వేసిన 16వ ఓవర్‌లో.. నాలుగు బౌండరీలతో అలరించాడు. ఈ నాలుగు బౌండరీలు కూడా థర్డ్ మ్యాన్ వైపు వెళ్లడం విశేషం. ఇక జస్ప్రీత్ బుమ్రా వేసిన 19వ ఓవర్‌లో వరుసగా 2 వికెట్లు కోల్పోగా.. చివరి బంతిని డీకే సిక్సర్‌గా మలిచాడు. వెంటనే కార్తీక్ దగ్గరకు వచ్చిన రోహిత్ శర్మ.. సరదాగా టీజ్ చేశాడు. ‘ప్రపంచకప్ సెలక్షన్ కోసం ఆడుతున్నావా?.. శభాష్ కార్తీక్. ప్రపంచకప్ ఉందని మెదడులో ఆలోచ‌న‌లు ఉంచుకో. త్వరలో ప్రపంచకప్ ఉంది, ప్రపంచకప్ ఉంది. ప్రపంచకప్ ఆడుతావ్’ అని నవ్వుతూ అన్నాడు.

Also Read: MI vs RCB: ఐపీఎల్‌లో జస్ప్రీత్‌ బుమ్రా అరుదైన రికార్డు.. ఇప్పటివరకు ఎవరికీ సాధ్యం కాలే!

రోహిత్ శర్మ సరదా మాటలకు దినేశ్‌ కార్తీక్‌తో పాటు ఇషాన్ కిషన్ కూస నవ్వులు పూయించారు. రోహిత్ అన్న మాటలు స్టంప్ మైక్‌లో రికార్డ్ అయ్యాయి. ఇందుకు సంబందించిన వీడియో సోషల్ మీడియాలో వైరల్‌గా మారింది. ఐపీఎల్ 2024 త‌ర్వాత టీ20 ప్రపంచకప్ జ‌ర‌గ‌నున్న విష‌యం తెలిసిందే. భార‌త జ‌ట్టులో స్థానం కోసం కార్తీక్ ఎదురుచూస్తున్నాడు. ఇలానే ఆడితే జట్టులో చోటు ఖాయంగా కనిపిస్తోంది. టీ20 టీ20 ప్రపంచకప్ 2022 ముందు కూడా డీకే ఐపీఎల్‌లో చెలరేగి భారత జట్టులో చోటు సంపాదించాడు. అయితే ఐపీఎల్‌లో ఆడినంతగా.. మెగా టోర్నీలో ఆడలేదు.

Rohit Sharma teasing DK with ” World Cup Khelna hai saabash”😂
Lekin Serious Ishan Kishan le gaya #RCBvMI #RCBvsMI | #MIvRCB | #surya #BharatRatnaForNarayanaMurthy #ChampionsLeague #RohitSharma𓃵 #Kohli HARDIK HARDIK #JaspritBumrah #MIvRCB #RCBvMI Nitin Menon WANKHEDE
Rohit… pic.twitter.com/wl4CgzZ6XR

— Pushkarkuntal (@Pushkarkuntal1) April 11, 2024