Yuvraj Singh: సిక్సర్ల రాజు యువీ రీఎంట్రీ.. బ్యాటింగ్ కోచ్గా బాధ్యతలు!
- Follow Us :
-
-
Add as a preferred
source on google
Yuvraj Singh: భారత క్రికెట్ మాజీ విధ్వంసకర ఆల్రౌండర్ యువరాజ్ సింగ్ కొత్త అవతారంలో కనిపించనున్నారు. తన దూకుడు బ్యాటింగ్తో ప్రత్యర్థి బౌలర్లకు చుక్కలు చూపించిన యువీ.. ఇప్పుడు కోచ్గా తన సత్తా చాటేందుకు సిద్ధమయ్యారు. ఐపీఎల్ 2027 సీజన్ కోసం ఢిల్లీ క్యాపిటల్స్ జట్టు అతడిని బ్యాటింగ్ కోచ్గా నియమించారు.. సోషల్ మీడియాలో ప్రత్యేక పోస్ట్తో యువరాజ్కు స్వాగతం పలికింది.. 2007 టీ20 ప్రపంచకప్, 2011 వన్డే ప్రపంచకప్లలో భారత జట్టు విజయాల్లో యువరాజ్ సింగ్ కీలక పాత్ర పోషించారు. ముఖ్యంగా 2007 టీ20 ప్రపంచకప్లో ఒకే ఓవర్లో ఆరు సిక్సర్లు బాది క్రికెట్ ప్రపంచాన్ని ఆశ్చర్యపరిచారు. మైదానంలో తనదైన దూకుడుతో గుర్తింపు పొందిన యువీ.. ఇప్పుడు కోచింగ్ రంగంలోకి అడుగుపెడుతుండటం క్రికెట్ అభిమానుల్లో ఆసక్తిని పెంచుతోంది.
ఢిల్లీ క్యాపిటల్స్తో యువరాజ్కు పాత అనుబంధం
యువరాజ్ సింగ్కు ఢిల్లీ క్యాపిటల్స్ ఫ్రాంచైజీతో గతంలోనూ అనుబంధం ఉంది. 2015లో అప్పటి ఢిల్లీ డేర్డెవిల్స్ జట్టు యువరాజ్ను రూ.16 కోట్ల భారీ ధరకు కొనుగోలు చేసింది. ఆ సమయంలో ఐపీఎల్ చరిత్రలో అత్యంత ఖరీదైన ఆటగాడిగా యువరాజ్ నిలిచారు. ఇప్పుడు ఆటగాడిగా కాకుండా కోచ్గా అదే ఫ్రాంచైజీతో మరోసారి కలిసి పనిచేయనున్నారు.
Also Read
- IPL 2027-SRH: నకిలీ బౌలింగ్తో ఇన్నాళ్లు కొనసాగాడు.. తుది జట్టులోకి ఎలా వస్తాడో అర్థం కావడం లేదు!
- IPL 2027: ఆల్ క్యాష్ ట్రేడ్.. సగం ధరకే రెండుసార్లు పర్పుల్ క్యాప్ విజేతను వదులుకున్న ఎస్ఆర్హెచ్!
- IPL 2027: సన్రైజర్స్తో సీఎస్కే భారీ ట్రేడ్ డీల్.. లివింగ్స్టోన్తో పాటు మరో ఆల్రౌండర్ జట్టులోకి..?
- SRHకి నటరాజన్ రీఎంట్రీ.. రూ.10.75 కోట్ల నుంచి రూ.5 కోట్లకు తగ్గి మరీ..!
సౌరవ్ గంగూలీతో కలిసి పనిచేసే అవకాశం
యువరాజ్ సింగ్ కొత్త బాధ్యతల్లో భాగంగా సౌరవ్ గంగూలీతో కలిసి పనిచేయనుండటం మరో ప్రత్యేకత. భారత జట్టులో గతంలో సహచరులుగా ఉన్న ఈ ఇద్దరు దిగ్గజాలు.. ఇప్పుడు కోచింగ్ సిబ్బందిలో భాగస్వాములయ్యే అవకాశం ఉంది. ఢిల్లీ క్యాపిటల్స్కు తమ అనుభవాన్ని అందిస్తూ, జట్టులోని ఆటగాళ్లకు మార్గనిర్దేశం చేయనున్నారు.
యువ బ్యాటర్లకు మార్గదర్శిగా యువరాజ్
ఫ్రాంచైజీ స్థాయిలో యువరాజ్కు ఇది తొలి కోచింగ్ అనుభవం అయినప్పటికీ, ఇప్పటికే పలువురు యువ భారత బ్యాటర్లకు మార్గదర్శకత్వం వహిస్తున్నారు. అభిషేక్ శర్మ, శుభ్మన్ గిల్ వంటి ప్రతిభావంతులైన ఆటగాళ్లకు తన అనుభవాన్ని పంచుకుంటూ వారి ఆటతీరును మెరుగుపర్చడంలో సహకరిస్తున్నారు. ముఖ్యంగా అభిషేక్ శర్మతో యువరాజ్కు ఉన్న అనుబంధం క్రికెట్ వర్గాల్లో ప్రత్యేకంగా చర్చకు వస్తోంది.
తొలి ఐపీఎల్ టైటిల్పై ఢిల్లీ క్యాపిటల్స్ గురి
ఢిల్లీ క్యాపిటల్స్ ఇప్పటివరకు ఐపీఎల్ టైటిల్ను గెలుచుకోలేదు. 2020లో ఫైనల్కు చేరి రన్నరప్గా నిలిచిన జట్టు.. రాబోయే సీజన్లో ట్రోఫీని అందుకోవాలని లక్ష్యంగా పెట్టుకుంది. సౌరవ్ గంగూలీతో పాటు యువరాజ్ సింగ్ వంటి అనుభవజ్ఞులు కోచింగ్ సిబ్బందిలో చేరితే జట్టు బ్యాటింగ్ విభాగానికి మరింత బలం చేకూరుతుందని అభిమానులు ఆశిస్తున్నారు.
A champion. A leader. 𝐀 𝐓𝐢𝐠𝐞𝐫. 🐅🔥
The legend who inspired generations is ready to shape Dilli’s legacy. Welcome home, Yuvi paa! 💙❤️ https://t.co/i7A77rv2tJ
— Delhi Capitals (@DelhiCapitals) October 13, 2026
తాజావార్తలు
-
Koti Deepotsavam 2026 Day-6 Live: ఆరో రోజు వేడుకలు.. నేటి ప్రత్యేక ఆధ్యాత్మిక కార్యక్రమాలు..
-
Bhogi Release: శర్వానంద్ ‘భోగి’ ఊచకోత అప్పుడే..
-
Operation Sindoor: పాకిస్తాన్తో యుద్ధంలో భారత్కు కష్టకాలం.. సిందూర్పై కాంగ్రెస్ మంత్రి వివాదాస్పద వ్యాఖ్యలు..
-
Vipperla TDP Clash : పోలీస్ స్టేషన్ వద్ద పెట్రోల్తో మహిళ హల్చల్.. విప్పర్లలో టీడీపీ వర్గపోరు!
-
Arjun Sarja: నా కూతురి జోలికొస్తే ఊరుకోను.. యాక్షన్ కింగ్ అర్జున్ ఫైర్!
-
CJP: మళ్లీ యాక్టివ్ అవుతున్న కాక్రోచ్ జనతా పార్టీ.. గోవా నుంచి ప్రచారం..
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!