KKR vs DC: కోల్కతా అలవోక విజయం.. 7 వికెట్ల తేడాతో గెలుపు

ఐపీఎల్ 2024లో భాగంగా.. ఢిల్లీతో జరిగిన మ్యాచ్ లో కోల్కతా విజయం సాధించింది. 154 పరుగుల లక్ష్యాన్ని 16.3 ఓవర్లలోనే 3 వికెట్లు కోల్పోయి సాధించింది. కోల్కతా బ్యాటింగ్ లో ఫిల్ సాల్ట్ (68) రన్స్ చేయడంతో కేకేఆర్ అలవోకంగా విజయం సాధించింది. కోల్కతా బ్యాటింగ్ లో సునీల్ నరైన్ (15), రింకూ సింగ్ (11) పరుగులు చేశారు. ఆ తర్వాత బ్యాటింగ్ కు వచ్చిన శ్రేయాస్ అయ్యర్ (33*), వెంకటేష్ అయ్యర్ (26*) పరుగులతో రాణించడంతో గెలుపును నమోదు చేసింది. ఢిల్లీ బౌలర్లలో అక్షర్ పటేల్ 2 వికెట్లు, విలియమ్స్ ఒక వికెట్ తీశారు.

Read Also: Narendra Modi : మే 8న ఎములాడకు ప్రధాని మోడీ రాక?

అంతకుముందు బ్యాటింగ్ చేసిన ఢిల్లీ 153 పరుగులు చేసింది. నిర్ణీత 20 ఓవర్లలో 9 వికెట్లు కోల్పోయి ఓ మోస్తారు స్కోరును సాధించింది. ఢిల్లీ బ్యాటింగ్ లో స్పిన్నర్ కుల్దీప్ యాదవ్ అత్యధికంగా (35*) పరుగులు చేశాడు. ఆ తర్వాత కెప్టెన్ రిషబ్ పంత్ (27) పరుగులు సాధించాడు. మొదటగా ఓపెనర్లుగా బరిలోకి దిగిన పృధ్వీ షా (13), జేక్ ఫ్రేసర్ (12) పరుగులు చేసి నిరాశపరిచారు. ఆ తర్వాత అభిషేక్ పోరెల్ (18) పరుగులు చేశాడు. హోప్ (6), అక్షర్ పటేల్ (15), ట్రిస్టన్ స్టబ్స్ (4), కుమార్ కుషాగ్రా (1), రషీక్ సలాం (8) పరుగులు చేశారు. కేకేఆర్ బౌలింగ్ లో వరుణ్ చక్రవర్తి 3 వికెట్లతో చెలరేగాడు. కీలకమైన వికెట్లు తీసి పరుగులు చేయకుండా ఆపాడు. ఆ తర్వాత.. వైభవ్ అరోరా, హర్షిత్ రాణా చెరో రెండు వికెట్లు పడగొట్టారు. మిచెల్ స్టార్క్, సునీల్ నరైన్ కు తలో వికెట్ దక్కింది.

Read Also: Peru Bus Accident: దక్షిణ అమెరికా పెరూలో ఘోర ప్రమాదం.. బస్సు లోయలో పడి 23 మంది మృతి