Wine Bottles Robbery: రెచ్చిపోయిన మందుబాబులు.. అందరూ చూస్తుండగానే మద్యం బాటిల్లను ఎత్తుకెళ్లిన ప్రజలు..!

మద్యాన్ని అధిక ధరలకు అమ్ముతున్నారని మద్యం షాపుల పై ఆగ్రహం వ్యక్తం చేశారు ప్రజలు. తెలంగాణ లోని భద్రాద్రి కొత్తగూడెం జిల్లా టేకులపల్లిలో 4 బ్రాందీ షాపులను లూటీ చేశారు ప్రజలు. షాపుల యజమానులపై దాడి చేసి మరీ బాటిల్లను ఎత్తుకెళ్లారు. ఈ దోపిడీలో ఏకంగా రూ. 50 లక్షల విలువచేసే మద్యం బాటిల్లను ఎత్తుకెళ్లినట్లు సదరు షాపు యాజమాన్యులు అంటున్నారు. కొందరు మందు బాబులు మద్యం షాపులోకి వెళ్లి అధిక రేట్లకు అమ్ముతున్నారని షాపు యజమానులను నిలదీయసాగారు. ఈ సందర్బంగా షాప్ యజమానులకు, మందుబాబులకు మధ్య కాస్త వాగ్వివాదం చోటుచేసుకుంది.

Also read: Amalapuram: బీజేపీ గూటికి వైసీపీ ఎంపీ భర్త..!

ఆ చిన్న వాగ్వివాదం కాస్త చిలికి చిలికి గాలి వానలా మారి షాపులను లూటీ చేసే స్థితికి చేరుకుంది. ఆ సమయంలో అందినకాడికి మద్యం బాటిళ్లను దోచుకొని వెళ్ళారు మందుబాబులు, వారి కుటుంబసభ్యులు. ఇక ఇదే మంచి సమయం అనుకుని అటుగా వెళ్ళే కొందరు మహిళలు కూడా ఆ షాపులో ఉన్న మద్యం బాటిల్స్ ‎ను ఎత్తుకెళ్లారు. ఈ ఘటనపై మద్యం షాపు యజమానులు పోలీసులకు ఫిర్యాదు చేయడంలో కాస్త జాప్యం జరిగింది.

Also read:Yarlagadda VenkatRao: యర్లగడ్డ సమక్షంలో టీడీపీలో చేరిన మాజీ న్యాయవాది కేవీ రమణ..

ఇలా చేయడం వల్ల షాప్ యజమానుల పై పలు అనుమాలు వ్యక్తమవుతున్నాయి. ఈ వైన్ షాపు బీఆర్‎ఎస్ ‎కు చెందిన ఒక నేత ఆధీనంలో నడుస్తున్నట్లు తెలుస్తోంది. అయితే వీళ్లు ఇతర మద్యం వ్యాపారులతో కలిసి అంతా కలిసి సిండికేట్ ‎గా మారి వారి ఇష్టా రాజ్యంగా వ్యవహరిస్తున్నారన్న ఆరోపణలు గట్టిగా వినిపిస్తున్నాయి. విషయం తెలుసుకున్న పోలీసులు సంఘటనా స్థలానికి చేరుకొని పరిస్థితిని అదుపులోకి తెచ్చారు. కాకపోతే అప్పటికే చాలా మంది మద్యం బాటిళ్లను బాక్సులు బాక్స్ లుగా ఎత్తుకెళ్లారు.