Amit Shah: భారత్ తొలి సోలార్ మిషన్ ఆదిత్య-ఎల్ 1 ప్రారంభానికి కౌంట్డౌన్లు ప్రారంభమవుతున్న వేళ.. కేంద్ర హోం మంత్రి అమిత్ షా శుక్రవారం మాట్లాడుతూ.. మనం చంద్రుడిని చేరుకున్నామని, త్వరలో సూర్యుని దగ్గరికి చేరుకుంటామని చెప్పారు. చంద్రుడి దక్షిణ ధ్రువ ప్రాంతంలో చంద్రయాన్-3 మిషన్లో భాగంగా ల్యాండర్ విజయవంతంగా ల్యాండింగ్ చేసి భారత్ చరిత్ర సృష్టించింది. చంద్ర మిషన్ చంద్రయాన్-3 సక్సెస్ తర్వాత అదే ఉత్సాహంతో ఇస్రో తొలి సౌర మిషన్ ఆదిత్య-ఎల్1 ప్రయోగం కోసం సిద్ధమైంది.
‘మేం 75 ఏళ్లలో ఎన్నో విజయాలు సాధించాం. చంద్రుడిని చేరుకున్నాం, త్వరలోనే సూర్యుడి దగ్గరికి చేరుకుంటాం. అయితే ఇది సరిపోదు’ అని అమిత్ షా ‘మేరీ మాటీ మేరా దేశ్’ కార్యక్రమంలో అన్నారు. ఆయన ఇంకా శాస్త్రవేత్తలను కొనియాడుతూ చంద్రయాన్-3 చంద్రుని దక్షిణ ధ్రువానికి చేరుకుందని చెప్పారు. “చంద్రయాన్-3 చంద్రుని దక్షిణ ధృవానికి చేరుకుంది. అనేక రహస్యాలు ఇప్పుడు బట్టబయలు కానున్నాయని శాస్త్రవేత్తలు చెబుతున్నారు. ప్రతి వ్యక్తిని దేశ అభివృద్ధికి, దాని భవిష్యత్తుకు అనుసంధానించడం నాయకత్వం ఎదుర్కోవాల్సిన సవాలు” అని ఆయన చెప్పారు.
Also Read: Viral Video : ఓరి నాయనో.. ఏంది సామి ఈ విచిత్రం.. డైనోసార్ కజిన్లా ఉందే..
శ్రీహరికోటలోని లాంచ్ ప్యాడ్ నుంచి శనివారం ఉదయం 11.50 గంటలకు గంటలకు సౌర మిషన్ ప్రారంభం షెడ్యూల్ చేయబడింది. లాంచ్ రిహార్సల్, వాహన అంతర్గత తనిఖీలు అన్నీ పూర్తయ్యాయి. ఆదిత్య-ఎల్1 అనేది భారతదేశపు మొట్టమొదటి సోలార్ స్పేస్ అబ్జర్వేటరీ. ఇది పీఎస్ఎల్వీ-సీ57 రాకెట్ ద్వారా ప్రయోగించబడుతుంది. ఇది సూర్యుని వివరణాత్మక అధ్యయనాన్ని కలిగి ఉండటానికి ఏడు వేర్వేరు పేలోడ్లను కలిగి ఉంటుంది. వీటిలో నాలుగు సూర్యుడి నుంచి వచ్చే కాంతిని గమనిస్తాయి. మిగిలిన మూడు ప్లాస్మా, అయస్కాంత క్షేత్రాల ఇన్-సిటు పారామితులను కొలుస్తాయి.
Also Read: Minister Amarnath: మానవత్వం చాటుకున్న మంత్రి గుడివాడ అమర్నాథ్
ఆదిత్య-L1లో అతిపెద్ద, సాంకేతికంగా అత్యంత సవాలుగా ఉండే పేలోడ్ విజిబుల్ ఎమిషన్ లైన్ కరోనాగ్రాఫ్(VELC) ఉంటుంది. ఆదిత్య-ఎల్1 మిషన్లో ప్రయాణించే అతిపెద్ద పేలోడ్ ఇది . ఇస్రో సహకారంతో హోసాకోట్లోని ఇండియన్ ఇన్స్టిట్యూట్ ఆఫ్ ఆస్ట్రోఫిజిక్స్ CREST (సెంటర్ ఫర్ రీసెర్చ్ అండ్ ఎడ్యుకేషన్ ఇన్ సైన్స్ టెక్నాలజీ) క్యాంపస్లో ఈ పేలోడ్ నిర్మించబడింది. ఇది సోలార్ లింబ్కు దగ్గరగా ఉన్న ఏకకాల ఇమేజింగ్, స్పెక్ట్రోస్కోపీ, స్పెక్ట్రో-పోలరిమెట్రీ సామర్థ్యం గల అంతర్గతంగా నిగూఢమైన సోలార్ కరోనాగ్రాఫ్ . పేలోడ్ విజిబుల్ ఎమిషన్ లైన్ కరోనాగ్రాఫ్(VELC0 సౌర వాతావరణంలోని అతి చిన్న, బయటి పొర అయిన సౌర కరోనాను గమనిస్తుంది. ఇది కరోనల్ ఉష్ణోగ్రత, ప్లాస్మా వేగం, సాంద్రత మొదలైనవాటిని విశ్లేషిస్తుంది. ఇది కరోనల్ మాస్ ఎజెక్షన్స్ (CMEలు), సౌర గాలిని కూడా అధ్యయనం చేస్తుంది.
ఆదిత్య-ఎల్1 భూమికి సూర్యుని దిశలో 1.5 మిలియన్ కిమీ దూరంలో ఉన్న లాగ్రాంజియన్ పాయింట్ 1 (లేదా L1) చుట్టూ ఒక హాలో కక్ష్యలో ఉంచబడుతుంది. నాలుగు నెలల వ్యవధిలో ఈ దూరాన్ని పూర్తి చేయాలని భావిస్తున్నారు. ఆగస్టు 23న, చంద్రయాన్-3 ల్యాండర్ మాడ్యూల్ చంద్రుని దక్షిణ ధ్రువంపై విజయవంతంగా దిగడంతో భారత్ అంతరిక్ష పరిశోధనలో భారీ విజయం సాధించింది. చారిత్రాత్మక ఘనతను సాధించిన మొదటి దేశంగా నిలిచింది. చంద్రుని ఉపరితలంపై విజయవంతంగా దిగిన అమెరికా, చైనా, రష్యాల తర్వాత భారత్ నాలుగో దేశంగా అవతరించింది.
