Hyderabad: హెచ్ఎండీఏ కార్యాలయంలో విజిలెన్స్ దాడులు..

హెచ్ఎండీఏ కార్యాలయంలో విజిలెన్స్ దాడులు చేపట్టింది.. దాదాపు 50 మంది స్పెషల్ టీమ్ తో సోదాలు చేసింది. గత ప్రభుత్వంలో అనుమతిచ్చిన ఫైల్స్ కావాలని విజిలెన్స్ అధికారులు కోరారు. చేంజ్ ఆఫ్ ల్యాండ్ యూస్, మల్టీ స్టోరేజ్ బిల్డింగ్స్, స్టోరేజ్ బిల్డింగ్స్ పలు వెంచర్లకు అనుమతించిన ఫైల్స్ పరిశీలించారు. హెచ్ఎండీఏ డైరెక్టర్ల అవినీతే లక్ష్యంగా సోదాలు జరిగినట్లు సమాచారం. కాగా.. ఉదయం 7 గంటల నుండి మైత్రివనంలోని 4వ అంతస్తు హెచ్ఎండీఏ కార్యాలయంలో విజిలెన్స్ దాడులు చేపట్టింది. ఈ క్రమంలో.. అన్ని ఫైళ్లను అధికారులు సీజ్ చేశారు.

Read Also: Ghantasala Daughter: నాటు వైద్యం.. స్టేజిపైనే నాన్నగారికి గుండెపోటు.. ఆరోజు ఇప్పటికీ మర్చిపోలేను

కాగా.. సోదాలు చేపట్టిన విజిలెన్స్ నిఘా టీం అరెస్ట్ వారెంట్ తో వెళ్లింది. హెచ్ఎండీఏ ఇద్దరు డైరెక్టర్లు శ్రీనివాస్, విద్యాధర్ గతంలో అనుమతించిన ఫైల్స్ పై ఆరా తీశారు. ఇదిలా ఉంటే.. రేపు జీహెచ్ఎంసీ, ఎల్లుండి డిస్టిక్ టౌన్ ప్లానింగ్ డీటీపీసీ కార్యాలయాల్లో విజిలెన్స్ దాడులు జరిపే అవకాశం ఉన్నట్లు సమాచారం. కాగా.. సీఎం రేవంత్ రెడ్డి రాబోయే 15 రోజుల్లో విజిలెన్స్ సోదాలు జరుపుతుందని చెప్పారు. ఇష్టానుసారంగా వ్యవహరించిన అధికారులు ఇంటికి పోతారని హెచ్చరించారు. ఈ క్రమంలోనే.. విజిలెన్స్ సోదాలు చేపట్టింది.

మరోవైపు.. గ్రేటర్ హైదరాబాద్ పరిధిలో 3500 చెరువుల డేటా ఆన్‌లైన్‌లో ఉండాలని ముఖ్యమంత్రి ఆదేశాలు జారీ చేశారు. ఇప్పటికే చెరువుల పరిరక్షణకు సీసీ కెమెరాలు ఏర్పాటు చేయాలని ఆదేశించారు. ఈ క్రమంలో అవినీతి, అక్రమాలకు పాల్పడ్డ అధికారులపై చర్యలకు రంగం సిద్ధమైంది. అంతేకాకుండా.. అక్రమ లేఅవుట్, బిల్డింగ్ అనుమతులపై దర్యాప్తు చేస్తున్నారు.

Read Also: Chinese flag on Isro ad: డీఎంకే ఇస్రో ప్రకటనలో “చైనా జెండా”.. బీజేపీ తీవ్ర విమర్శలు..