Asifabad: టమాటా లారీ బోల్తా.. దోచుకున్నోడికి దోచుకున్నంత..!

దేశ వ్యాప్తంగా టమటా ధరలు ఎలా మండిపోతున్నాయో అందరికి తెలిసిన విషయమే. కిలో 100 -130 రూపాయల మధ్య టమాటా ధరలు ఉన్నాయి. దీంతో టమాటాలను కొనడానికే జనాలు వెనుకాడుతున్నారు. అయితే టమాట అధిక ధరల దృష్ట్యా దేశంలో టమాట చోరీలకు పాల్పడుతున్నారు. అయితే ఇప్పుడు తాజాగా అక్కడి స్థానికులకు టమాట పంట పండినంత విలువైపోయింది. దోచుకున్నోడికి దోచుకున్నంత అనే విధంగా అయిపోయింది. అసలు విషయానికొస్తే..

Mounasri Case: మైనర్ బాలిక మృతి కేసులో సంచలన నిజాలు.. ఆ ఇద్దరు అత్యాచారం చేసి..

కుమురంభీమ్‌ ఆసిఫాబాద్‌ జిల్లా వాంకిడి మండలంలోని సామెల గ్రామ సమీపంలో జాతీయ రహదారిపై ఆదివారం సాయంత్రం అదుపుతప్పి టమాటా లోడుతో వెళ్తున్న డీసీఎం బోల్తా పడింది. కర్ణాటకలోని చింతమనుగురు నుంచి మహారాష్ట్రలోని చంద్రాపూర్‌కు టమాటా లోడుతో వెళ్తున్న లారీ.. ఎదురుగా వస్తున్న వాహనాన్ని తప్పించబోయి బోల్తాపడింది. లారీలో చిక్కుకున్న డ్రైవర్‌ను స్థానికులు బయటకు తీశారు. స్వల్పగాయాలతో డ్రైవర్‌ ప్రమాదం నుంచి బయటపడ్డాడు. అయితే ఆ లారీలో రూ.11లక్షల విలువైన టమాటాలు ఉన్నాయని డ్రైవర్‌ తెలిపాడు. టమాటా లారీ బోల్తాపడిన విషయం తెలుసుకున్న స్థానికులు హుటాహుటిన ఘటనా స్థలానికి చేరుకున్నారు. అప్పటికే అక్కడికి పోలీసులు రావడంతో వారికి నిరాశే ఎదురైంది. టమాటాల కోసం ఎగబడిన స్థానికులను పోలీసులు చెదరగొట్టారు.