Vishnu Vinyasam: బాక్సాఫీస్ వద్ద శ్రీవిష్ణు హవా.. రెండు రోజు కలేక్షన్ ఎంత అంటే..?
కింగ్ ఆఫ్ ఎంటర్టైన్మెంట్ శ్రీవిష్ణు నటించిన లేటెస్ట్ మూవీ ‘విష్ణు విన్యాసం’ బాక్సాఫీస్ వద్ద ప్రకంపనలు సృష్టిస్తోంది. పాజిటివ్ టాక్తో మొదలైన ఈ సినిమా, రెండో రోజు ఏకంగా 54 శాతం నమోదు చేసి ట్రేడ్ వర్గాలను సైతం ఆశ్చర్యపరిచింది. యదునాథ్ మారుతీ రావు దర్శకత్వంలో రూపొందిన ఈ ఫ్యామిలీ ఎంటర్టైనర్కు ప్రేక్షకులు బ్రహ్మరథం పడుతున్నారు. మొదటి రోజుతో పోలిస్తే రెండో రోజు ఆడియన్స్ థియేటర్లకు పోటెత్తడంతో కలెక్షన్ల వర్షం కురుస్తోంది.
Also Read : With Love : ఓటీటీ డేట్ ఫిక్స్ చేసుకున్న “విత్ లవ్”..
వసూళ్ల వివరాల్లోకి వెళ్తే.. ఈ చిత్రం రెండు రోజుల్లోనే ప్రపంచవ్యాప్తంగా రూ. 9.10 కోట్ల గ్రాస్ కలెక్షన్లను రాబట్టి సాలిడ్ ఓపెనింగ్స్ సాధించింది. టికెట్ బుకింగ్స్ విషయానికొస్తే, మొదటి రోజు 31.2 వేల టికెట్లు అమ్ముడవగా, రెండో రోజు ఆ సంఖ్య ఏకంగా 48.1 వేలకు చేరుకుంది. ముఖ్యంగా ఫ్యామిలీ ఆడియన్స్, యువత ఈ సినిమాకు ఫిదా అవుతున్నారు. వీకెండ్ కావడంతో మూడో రోజు బుకింగ్స్ ఇంకా అద్భుతంగా ఉన్నాయని, ఆదివారం నాడు ఈ వసూళ్లు మరిన్ని రికార్డులను తిరగరాయడం ఖాయమని ట్రేడ్ విశ్లేషకులు అంచనా వేస్తున్నారు.
శ్రీ సుబ్రహ్మణ్యేశ్వర సినిమాస్ బ్యానర్పై నిర్మించిన ఈ సినిమాలో నయన సారిక హీరోయిన్గా నటించింది. కేవలం తెలుగు రాష్ట్రాల్లోనే కాకుండా ఓవర్సీస్లో కూడా ‘విష్ణు విన్యాసం’ అదరగొడుతోంది. పాజిటివ్ మౌత్ టాక్ తోడవ్వడంతో ఈ సినిమా శ్రీవిష్ణు కెరీర్లో మరో బిగ్గెస్ట్ బ్లాక్ బస్టర్ వైపు దూసుకుపోతోంది. విభిన్నమైన కామెడీ ఎంటర్టైన్మెంట్తో శ్రీవిష్ణు మరోసారి బాక్సాఫీస్ విన్నర్గా నిలిచారు.