T20 World Cup 2026: ప్రపంచ కప్లో నవ్వుల పాలు కాకుండా బయటపడ్డ పాక్..
T20 World Cup 2026: ఈ ఏడాది జరుగుతున్న T20 ప్రపంచ కప్లో పాకిస్థాన్ నవ్వుల పాలు కాకుండా ఫస్ట్ మ్యాచ్లో విజయంతో బయటపడింది. నిజానికి పాకిస్థాన్ ఐసీసీ టోర్నమెంట్ స్టార్టింగ్ డే రోజున సూపర్గా రాణించడం అనేది చాలా అరుదు. గతాన్ని ఒక్కసారి పరిశీలిస్తే.. గత టీ20 ప్రపంచ కప్లో ఈ మాజీ ఛాంపియన్లను వారి స్టార్టింగ్ మ్యాచ్లో యుఎస్ఎ ఆశ్చర్యపరిచింది. అయితే ఈసారి ఫిబ్రవరి 7న (శనివారం) కొలంబోలో నెదర్లాండ్స్తో జరిగిన టీ20 ప్రపంచ కప్ 2026 లో పాకిస్థాన్ మంచి ఫీల్డింగ్ ప్రదర్శనతో నవ్వుల పాలు కాకుండా తప్పించుకుంది.
READ ALSO: Wine Bottle: తవ్వకాలల్లో బయటపడ్డ 150 ఏళ్ల నాటి వైన్ బాటిల్.. టేస్ట్ చూసిన నిపుణులు.. చివరకు
సింహళీస్ స్పోర్ట్స్ క్లబ్ (SSC) వేదికగా జరిగిన ఈ మ్యాచ్లో నాలుగో ఓవర్లోనే అసలైన డ్రామా స్టార్ట్ అయ్యింది. మొహమ్మద్ నవాజ్ బౌలింగ్లో డచ్ ఓపెనర్ మైఖేల్ లెవిట్ భారీ షాట్ ఆడాడు. బంతి లాంగ్-ఆఫ్ బౌండరీ అవతలికి వెళ్తుందని భావిస్తున్న తరుణంలో బాబర్ అజామ్ మెరుపు వేగంతో దూసుకువెళ్లాడు. బంతిని అందుకున్న తర్వాత తన మొమెంటం బౌండరీ వెలుపలికి తీసుకెళ్తుందని గ్రహించిన బాబర్.. ఎంతో సమయస్ఫూర్తితో బంతిని గాలిలోకి విసిరాడు. అక్కడే ఉన్న షాహీన్ అఫ్రిది ఆ బంతిని అందుకోవడంతో లెవిట్ ఇన్నింగ్స్ ముగిసింది.
వివాదాలకు తావులేకుండా..
గతంలో 2025 రైజింగ్ స్టార్స్ ఆసియా కప్లో భారత్-పాక్ మ్యాచ్ సందర్భంగా ఇలాంటి రిలే క్యాచ్ విషయంలో థర్డ్ అంపైర్ తప్పుడు నిర్ణయంతో వివాదం నెలకొంది. కానీ బాబర్ అజామ్ శనివారం ప్రదర్శించిన ‘టెక్స్ట్ బుక్ పెర్ఫెక్షన్’ ఎలాంటి వివాదాలకు తావులేకుండా నిబంధనల ప్రకారం క్లీన్గా సాగింది. అయితే ఇదే బాబర్ తర్వాత ఒక క్యాచ్ను జారవిడిచినప్పటికీ, జట్టు మొత్తం తొమ్మిది క్యాచ్లతో సత్తా చాటి.. ఈ మ్యాచ్ను విజయంతో ముగించింది.
తొలుత నిలకడగా ఆడుతున్నట్లు కనిపించిన నెదర్లాండ్స్.. పాక్ బౌలర్ల ధాటికి విలవిల్లాడింది. చివరి ఏడు వికెట్లను కేవలం 42 పరుగుల వ్యవధిలోనే కోల్పోయి స్వల్ప స్కోరుకే పరిమితమైంది. పాక్ బౌలర్లలో సల్మాన్ మీర్జా మూడు వికెట్లతో చెలరేగగా.. నవాజ్, అబ్రార్ అహ్మద్, సైమ్ అయూబ్ తలో రెండు వికెట్లు పడగొట్టారు. క్యాచింగ్ పట్టు తప్పే జట్టుగా ముద్ర పడ్డ పాకిస్థాన్, ఈ మ్యాచ్లో ఏకంగా తొమ్మిది క్యాచ్లు అందుకోవడం గమనార్హం. కెప్టెన్ సల్మాన్ అలీ అఘా సైతం బౌండరీ వద్ద చక్కని క్యాచ్ పట్టి ఆకట్టుకున్నాడు. మొత్తానికి విమర్శలు ఎదుర్కొంటున్న తరుణంలో పాకిస్థాన్ తన ఫీల్డింగ్ ప్రమాణాలను పెంచుకుని పరువు నిలుపుకుంది.
READ ALSO: Sunil Thapa: ప్రియాంక చోప్రా కోచ్ మృతి..