Safest Banks List: RBI ప్రకారం.. దేశంలో సురక్షితమైన బ్యాంకులు ఇవేనట

Safest Banks List: ప్రజలు కష్టపడి సంపాదించిన డబ్బును బ్యాంకులో డిపాజిట్ చేస్తారు. ఈ డబ్బు ఆపద కాలంలో ఉపయోగపడుతుంది. అందుకే ప్రతి ఒక్కరు సంపాదించిన సొమ్ములో కాస్త పొదుపు చేసుకుంటారు. అనుకోని సందర్భాల్లో కొన్నిసార్లు బ్యాంకు కూడా దివాలా తీస్తుంది. అలాంటప్పుడు డబ్బు కూడబెట్టుకున్న వ్యక్తి తల పట్టుకోవడం తప్ప ఇంకేమీ చేయలేడు. కాబట్టి మీ డబ్బును ఏదైనా బ్యాంకులో డిపాజిట్ చేసే ముందు అది సురక్షితమా కాదా అన్నది చెక్ చేసుకోవడం మంచిది. ఇటీవల అమెరికాలోని సిలికాన్ వ్యాలీ బ్యాంక్ దివాలా తీసింది. దీంతో బ్యాంకుల్లో తమ డబ్బు భద్రంగా ఉందా లేదా అనే భయం కూడా ఖాతాదారుల్లో నెలకొంది. అటువంటి పరిస్థితిలో RBI బ్యాంక్ ఖాతాదారుల కోసం సురక్షితమైన బ్యాంకులను సూచించింది.

రిజర్వ్ బ్యాంక్ ఈ ఏడాది ప్రారంభంలో (D-SIB) 2022 పేరుతో జాబితాను విడుదల చేసింది. ఇందులో దేశంలోని అత్యంత సురక్షితమైన బ్యాంకుల పేర్లను చేర్చారు. రిజర్వ్ బ్యాంక్ ఆఫ్ ఇండియా ఈ ఏడాది జనవరి 2న జాబితాను విడుదల చేసింది. ఆ రోజు RBI ఒక జాబితాను విడుదల చేసి, మీ డబ్బు ఏ బ్యాంకులో భద్రంగా ఉంటుంది. ఏ బ్యాంకులో భద్రంగా లేదు అని చెప్పింది. ఒక దేశంలో ఒక పెద్ద బ్యాంకు కూడా విఫలమైతే, దాని నష్టం మొత్తం భారత ఆర్థిక వ్యవస్థపై పడుతుంది.

Read Also: Anup Rubens : భలేగా సాగుతున్న అనూప్ రూబెన్స్!

రిజర్వ్ బ్యాంక్ ఆఫ్ ఇండియా జారీ చేసిన సురక్షితమైన బ్యాంకుల జాబితాలో ఒక ప్రభుత్వ, రెండు ప్రైవేట్ బ్యాంకులను సూచించాయి. ఇందులో ప్రభుత్వ రంగ స్టేట్ బ్యాంక్ ఆఫ్ ఇండియా, రెండు ప్రైవేట్ రంగ బ్యాంకులు హెచ్‌డిఎఫ్‌సి బ్యాంక్, ఐసిఐసిఐ బ్యాంక్ పేర్లు ఉన్నాయి. మీ ఖాతా SBIలో లేకపోయినా HDFC బ్యాంక్ లేదా ICICI బ్యాంక్‌లో ఉంటే ఎలాంటి సమస్య ఉండదు. రిజర్వ్ బ్యాంక్ ఈ జాబితాలోకి వచ్చిన బ్యాంకులపై RBI నిఘా ఉంచుతుంది. రిజర్వ్ బ్యాంక్ ఈ బ్యాంకుల రోజువారీ పనితీరును పరిశీలిస్తుంది. అంతే కాకుండా ఏదైనా పెద్ద రుణం లేదా ఖాతాలను ఎప్పటికప్పుడు పర్యవేక్షిస్తుంది. ఇదొక్కటే కాదు, ఏదైనా పెద్ద ప్రాజెక్ట్‌పై బ్యాంకు రుణాల గురించి తెలిస్తే వాటిని కూడా లెక్కలోకి తీసుకుంటుంది. ఇది బ్యాంకు మొత్తం వ్యాపారంపై ఏమైనా ప్రతికూల ప్రభావం చూపుతుందా అనేది పరిశీలిస్తుంది.

Read Also: Mancherial : బిడ్డను ప్రేమించాడని మేనల్లుడికి బీరులో విషమిచ్చి చంపిన మామ

రిజర్వ్ బ్యాంక్ ఇటువంటి బ్యాంకుల జాబితాను 2015 నుండి విడుదల చేస్తోంది. దేశ ఆర్థిక వ్యవస్థకు ఇటువంటి బ్యాంకులు అవసరమని రిజర్వ్ బ్యాంక్ అభిప్రాయపడింది. తొలుత అన్ని బ్యాంకులకు ఆర్‌బీఐ రేటింగ్‌లు ఇస్తోంది. ఈ రేటింగ్ తర్వాత మాత్రమే ఈ ముఖ్యమైన బ్యాంకుల జాబితా సిద్ధమవుతుంది. అయితే ఇప్పటి వరకు ఈ జాబితాలో కేవలం 3 బ్యాంకుల పేర్లు మాత్రమే ఉన్నాయి.