Russia: రష్యా అధ్యక్షుడు పుతిన్ హత్యకు ఉక్రెయిన్ కుట్ర!.. డ్రోన్‌ దాడి వీడియో ఇదిగో..

Russia Claims Ukraine Attempted Putin Assassination: ఉక్రెయిన్‌పై రష్యా తీవ్ర ఆరోపణలు చేసింది. తమ అధ్యక్షుడైన వ్లాదిమిర్‌ పుతిన్‌ హత్యకు ఉక్రెయిన్‌ యత్నించిందని రష్యా నేడు ఆరోపించింది. ఆరోపించిన దాడికి ఉపయోగించిన రెండు డ్రోన్‌లను కూల్చివేసినట్లు పేర్కొంది. జెలెన్‌స్కీ ఈ కుట్ర చేశారని.. ప్రతీకారం తీర్చుకునే హక్కు రష్యాకు ఉందని పేర్కొంది. మాస్కోలోని పుతిన్ అధికారిక నివాసంపై ఉక్రెయిన్‌కు చెందిన రెండు డ్రోన్లు దాడి చేసినట్లు పేర్కొంది. ఈ డ్రోన్లను తమ సైన్యం కూల్చివేసినట్లు వెల్లడించింది. దీన్ని ఉగ్ర చర్యగా అభివర్ణించింది. ఉక్రెయిన్‌ డ్రోన్ల దాడిలో పుతిన్‌కు ఎలాంటి హాని జరగలేదని, భవనాలు కూడా దెబ్బతినలేదని రష్యా తెలిపింది. డ్రోన్ దాడికి సంబంధించిన వీడియోను విడుదల చేసింది. మాస్కోలో డ్రోన్ల వినియోగంపై నిషేధం విధిస్తున్నట్లు ప్రకటించింది. ఉక్రెయిన్‌తో 14 నెలల యుద్ధంలో మరింత తీవ్రతరం కావడానికి మాస్కో ఆరోపించిన సంఘటనను ఉపయోగించవచ్చని ఉక్రెయిన్‌ సూచించింది.

Read Also: Flash Floods: రువాండాలో వరదల బీభత్సం.. 100 మందికి పైగా మృతి

“రెండు మానవ రహిత వాహనాలు క్రెమ్లిన్‌ను లక్ష్యంగా చేసుకున్నాయి. పరికరాలు పనిచేయకుండా పోయాయి” అని క్రెమ్లిన్ ఒక ప్రకటనలో తెలిపింది. డ్రోన్ దాడికి ప్రయత్నించిన సమయంలో రష్యా అధ్యక్షుడు ప్రాంగణంలో లేరని క్రెమ్లిన్ తెలిపింది. ‘రెండు మానవ రహిత డ్రోన్లు పుతిన్‌ నివాసంపై దాడికి ప్రయత్నించాయి. రాడార్ వ్యవస్థను ఉపయోగించి రష్యా సైన్యం వాటిని కూల్చివేసింది. దీన్ని ఉగ్ర కుట్రగా మేం భావిస్తున్నాం. విక్టరీ డే సందర్భంగా విదేశీ ప్రతినిధులతో మే 9న మేము నిర్వహించే పరేడ్‌ను లక్ష్యంగా చేసుకుని ఈ దాడికి ఉక్రెయిన్ కుట్ర చేసింది. రష్యా బలగాలు పూర్తి సామర్థ్యంతో ఉన్నాయి. శత్రువులు ఏ రూపంలో వచ్చినా దీటుగా బదులిస్తాయి.’ అని రష్యా ప్రకటనలో తెలిపింది. పుతిన్‌ను లక్ష్యంగా చేసుకుని డ్రోన్‌లు దూసుకుపోతున్నాయనే వార్తలు వెలువడిన తరుణంలో రష్యా రాజధానిపై అనధికార డ్రోన్ విమానాల రాకపోకలపై నిషేధం విధిస్తున్నట్లు మాస్కో మేయర్ ప్రకటించారు. ఈ సంఘటన జరిగినప్పటికీ మే 9న విక్టరీ డే పరేడ్ మాస్కోలో ముందుకు సాగుతుందని క్రెమ్లిన్ తెలిపింది. ఉక్రెయిన్ నుండి ముప్పు ఉన్నప్పటికీ మే 9న రెడ్ స్క్వేర్ మీదుగా మాస్కో వార్షిక విక్టరీ డే పరేడ్ సురక్షితంగా ముందుకు సాగడానికి రష్యా భద్రతా సేవలు పనిచేస్తున్నాయని క్రెమ్లిన్ అంతకుముందు తెలిపింది.

https://twitter.com/spectatorindex/status/1653736246370512896?ref_src=twsrc%5Etfw%7Ctwcamp%5Etweetembed%7Ctwterm%5E1653736246370512896%7Ctwgr%5E4b1618aa6957506475823c69abf44d70f5bcddea%7Ctwcon%5Es1_&ref_url=https%3A%2F%2Fwww.ndtv.com%2Fworld-news%2Frussia-alleges-ukraine-attempted-to-assassinate-vladimir-putin-4001694