Hansika: ట్విస్టులు, టర్నులు.. సినిమాలకి మించి హన్సిక లవ్ స్టోరీ

‘దేశముదురు’ సినిమాతో టాలీవుడ్ ప్రేక్షకులకు దగ్గరైన హన్సిక మోత్వాని, ఆ తర్వాత తెలుగులో చాలామంది స్టార్ హీరోలతో నటించి స్టార్ హీరోయిన్ అయిపోయింది. ఆ తర్వాత కాలంలో బాలీవుడ్ కి వెళ్ళిన ఆమె, పూర్తిగా తెలుగు సినీ పరిశ్రమకు దూరమైంది. అయితే, ఆమె ఇటీవల విడాకులు తీసుకున్నట్లు తెలియడంతో మరోసారి వార్తల్లోకి వచ్చింది. వాస్తవానికి హన్సిక ప్రేమ వివాహం చేసుకుంది. అయితే, ఆ ప్రేమ వివాహం కూడా అంత ఈజీగా ఏమీ జరగలేదు. ఆమె ఇదివరకే విడాకులు తీసుకున్న వ్యక్తిని వివాహం చేసుకుంది. ఆమె భర్త పేరు సోహైల్ కాగా, అతను గతంలో హన్సిక ప్రాణ స్నేహితురాలినే పెళ్లి చేసుకుని విడాకులు తీసుకున్నాడు. మరో ఆసక్తికరమైన విషయం ఏమిటంటే, వారి వివాహానికి హన్సిక హాజరై దగ్గరుండి ఆ వివాహాన్ని జరిపించింది.

Also Read:JAAT 2 : బాక్సాఫీస్ వద్ద మరో మాస్ జాతర.. బోయపాటి శ్రీనుతో ‘జాట్ 2’?

వాళ్లు విడాకులు తీసుకున్న తర్వాత, హన్సిక సదరు వ్యక్తిని ప్రేమించి వివాహం చేసుకుంది. 2022లో వీరి వివాహం జరిగింది. అయితే, పెళ్లి అయిన రెండేళ్లకే వీరి మధ్య వివాదాలు తలెత్తడంతో విడిపోయారు. అప్పటినుంచి విడివిడిగానే ఉంటున్నారు. తాజాగా వీరు విడాకులకు అప్లై చేసి, కోర్టు ద్వారా అధికారికంగా విడిపోయారు. వాస్తవానికి హన్సిక వివాహం చేసుకుంటున్నట్లు ప్రకటించినప్పుడు, ఆమె మీద సోషల్ మీడియాలో విపరీతమైన నెగిటివిటీ వచ్చింది. దాన్ని తట్టుకుని మరీ హన్సిక ముందుకు వెళ్ళింది, కానీ వారి వివాహ బంధం మాత్రం ఎక్కువ రోజులు నిలబడలేకపోయింది.