Puducherry: పుదుచ్చేరికి రాష్ట్ర హోదా కల్పించాలని అసెంబ్లీలో ఏకగ్రీవ తీర్మానం

Puducherry: పుదుచ్చేరికి పూర్తి రాష్ట్ర హోదా కల్పించాలని కోరుతూ శుక్రవారం పుదుచ్చేరి అసెంబ్లీలో తీర్మానం ఏకగ్రీవంగా ఆమోదించబడింది. కేంద్రపాలిత ప్రాంతం (యూటీ)కి రాష్ట్ర హోదాపై అసెంబ్లీలో తీర్మానం చేయడం ఇది 14వసారి. మార్చి 9న ప్రారంభమైన అసెంబ్లీ సమావేశాల చివరి రోజున డీఎంకే ఎమ్మెల్యే సహా ఐదుగురు ఎమ్మెల్యేలు పుదుచ్చేరి రాష్ట్ర హోదాపై తీర్మానాన్ని ప్రవేశపెట్టారు. యూటీకి పూర్తి రాష్ట్ర హోదా వస్తేనే అభివృద్ధి జరుగుతుందన్నారు. అధికార ఆల్ ఇండియా ఎన్నార్ కాంగ్రెస్, బీజేపీ, కాంగ్రెస్, అన్నాడీఎంకే, స్వతంత్ర ఎమ్మెల్యేలు తీర్మానానికి మద్దతు పలికారు.రాష్ట్ర ఏర్పాటు తీర్మానాన్ని కేంద్ర ప్రభుత్వం ప్రవేశపెట్టిన తీర్మానంగానే తీసుకుంటామని ముఖ్యమంత్రి ఎన్.రంగస్వామి అసెంబ్లీలో తెలిపారు.

Read Also: Student Hanging: ఐఐటీ మద్రాస్‌లో పీహెచ్‌డీ విద్యార్థి ఆత్మహత్య

పుదుచ్చేరి ముఖ్యమంత్రి ఎన్‌.రంగస్వామి శుక్రవారం ఉదయం అసెంబ్లీలో ప్రవేశపెట్టిన ఈ తీర్మానానికి మద్దతుగా అన్ని పార్టీల సభ్యులు మద్దతు తెలిపారు. ఆ తర్వాత ఈ తీర్మానం ఏకగ్రీవంగా ఆమోదించినట్లు స్పీకర్‌ ప్రకటించారు. ప్రతిపక్ష నేత శివ, డీఎంకే ఎమ్మెల్యేలు నాజిమ్‌, హనిఫాల్‌ కెనడీ, సెంధిల్‌కుమార్‌, బీజేపీ సభ్యులు, ఎన్నార్‌ కాంగ్రెస్‌ సభ్యులు సీఎం రంగస్వామికి కృతజ్ఞతలు తెలిపారు. “మాకు పరిపాలించే హక్కు కావాలి, దానికి రాజ్యాధికారమే ఏకైక మార్గం. అసెంబ్లీలో పలుమార్లు లేవనెత్తినా కేంద్రం పరిశీలిస్తామని చెబుతుందన్నారు. ఇప్పుడు ప్రభుత్వ తీర్మానంగా కేంద్రం దృష్టికి తీసుకెళ్తాం’’ అని రంగస్వామి చెప్పారు.రాష్ట్ర ఏర్పాటు తీర్మానం కోసం ఎమ్మెల్యేలందరూ ఢిల్లీ వెళ్లి ప్రధాని నరేంద్ర మోదీ, కేంద్ర హోంమంత్రి అమిత్ షాలను కలుస్తారని ముఖ్యమంత్రి చెప్పారు. ఈ ఏడాది చివరి నాటికి పుదుచ్చేరికి రాష్ట్ర హోదా లభిస్తుందన్న విశ్వాసాన్ని ఆయన వ్యక్తం చేశారు.