Prabhas: బాలీవుడ్ దెయ్యం ప్రభాస్ అభిమానులకు మంచి ధైర్యాన్ని ఇచ్చింది. అదేంటి అనుకుంటున్నారా? అదేం లేదండి ఈ మధ్యకాలంలో బాలీవుడ్ లో రిలీజ్ అయిన స్త్రీ 2 సినిమా మంచి టాక్ తెచ్చుకుంది. రాజ్ కుమార్ రావు హీరోగా శ్రద్ధా కపూర్ హీరోయిన్గా తెరకెక్కిన ఈ సినిమా మంచి హిట్ టాక్ తెచ్చుకోవడమే కాకుండా కలెక్షన్ల వర్షం కూడా కురిపిస్తోంది. ఏకంగా పెద్ద పెద్ద సినిమా హీరోల రికార్డులు సైతం బద్దలు కొట్టి ముందుకు దూసుకు పోతుంది. ఇదే విషయం ఇప్పుడు ప్రభాస్ అభిమానులకు ధైర్యం ఇచ్చిందని అంటున్నారు.
Read Also: Samantha: ఆ ప్రశ్నకు షాకయిన సమంత.. దెబ్బకు ముఖకవళికలు మారిపోయాయ్!
ఎందుకంటే ప్రభాస్ మారుతీతో కలిసి చేస్తున్న హారర్ కామెడీ సినిమా ఎలా ఉంటుందో అని అందరూ టెన్షన్ పడ్డారు. కానీ ఈ సినిమా చూసిన తర్వాత ప్రభాస్ సినిమా ఏ మాత్రం కొంచెం బాగున్నా సరే కచ్చితంగా హిట్ టాక్ తెచ్చుకుంటుందని నమ్మకం వచ్చిందని అంటున్నారు. ప్రభాస్ హీరోగా మారుతీ దర్శకత్వంలో ఒక హారర్ కామెడీ సినిమా చేస్తున్నారు. ఈ సినిమాని పీపుల్ మీడియా ఫ్యాక్టరీ బ్యానర్ మీద విశ్వప్రసాద్ అత్యంత భారీ బడ్జెట్ తో నిర్మిస్తున్నారు. ఈ సినిమాని వచ్చే ఏడాది సంక్రాంతికి రిలీజ్ చేయాలని భావిస్తున్నట్లు ప్రచారం జరుగుతోంది. కానీ ఇంకా అధికారిక ప్రకటన లేదు. ఇక ఈ సినిమాలో చాలామంది హీరోయిన్లు నటిస్తున్నట్లు కూడా ప్రచారం జరుగుతోంది. అది కూడా కేవలం ప్రచారానికి మాత్రమే పరిమితమైంది. చూడాలి మరి ఏం జరగనుంది అనేది.
