PM Modi: నీటి అడుగున ప్రయాణించే మెట్రోను ప్రారంభించనున్న మోడీ

ప్రధాని మోడీ బుధవారం కోల్‌కతాలో పర్యటించనున్నారు. ఈ సందర్భంగా భారతదేశంలోనే మొట్టమొదటి నీటి అడుగున ప్రయాణించే మెట్రో రైలు సర్వీస్‌ను ప్రధాని ప్రారంభించనున్నారు.

కోల్‌కతా మెట్రో పొడిగింపులో భాగంగా హౌరా మైదాన్-ఎస్ప్లానేడ్ మెట్రో సెక్షన్‌ను పొడిగించారు. ఇది దేశంలోని మౌలిక సదుపాయాల అభివృద్ధిలో కీలకమైన మైలురాయిని సూచిస్తోంది. ఇది ఒక ప్రధాన నది కింద నుంచి ఈ మెట్రో వెళ్లనుంది. ఇది భారతదేశంలోనే మొదటి రవాణా సొరంగం కావడం విశేషం.

అండర్ వాటర్ మెట్రోతో పాటు జోకా-ఎస్ప్లానేడ్ లైన్‌లో భాగమైన కవి సుభాష్ – హేమంత ముఖోపాధ్యాయ మెట్రో సెక్షన్, తారాతల – మజెర్‌హట్ మెట్రో సెక్షన్‌ను కూడా ప్రధాని ప్రారంభించనున్నారు.
అండర్ రివర్ మెట్రో టన్నెల్ మెట్రోతో పాటు దేశవ్యాప్తంగా పలు ఇతర ముఖ్యమైన ప్రాజెక్టులను కూడా మోడీ జెండా ఊపి ప్రారంభించనున్నారు.

ఇదిలా ఉంటే ప్రధాని మోడీ మార్చి 1, 2 తేదీల్లో పశ్చిమబెంగాల్‌లో పర్యటించారు. ఈ సందర్భంగా మమత సర్కార్‌పై విమర్శలు గుప్పించారు. సందేశ్‌ఖాలీ నిందితుడ్ని మమతనే కాపాడుతున్నారంటూ వ్యాఖ్యానించారు. అలాగే ఇండియా కూటమి ఎందుకు ప్రశ్నించడం లేదని మోడీ నిలదీశారు.

 

#WATCH | India's first underwater metro rail service in Kolkata set to be inaugurated by PM Modi on 6th March pic.twitter.com/ib5938Vn8x

— ANI (@ANI) March 5, 2024