PM Narendra Modi: ప్రధాని మోడీకి అరుదైన గౌరవం.. ఘనా జాతీయ అత్యున్నత అవార్డు ప్రదానం

ప్రధానమంత్రి నరేంద్ర మోడీ రెండు రోజుల పర్యటనలో భాగంగా బుధవారం రాత్రి ఘనా చేరుకున్నారు. ఇది పశ్చిమ ఆఫ్రికా దేశానికి ఆయన తొలి ద్వైపాక్షిక పర్యటన. మూడు దశాబ్దాల తర్వాత భారత ప్రధాని ఘనాకు వెళ్లడం ఇదే తొలిసారి. అక్రలోని కోటోకా అంతర్జాతీయ విమానాశ్రయంలో మోడీకి ఘనా స్వాగతం పలికి 21 తుపాకీలతో గౌరవ వందనం సమర్పించారు. ఈ సందర్భంగా, ప్రధాని మోడీకి ఘనా రెండవ జాతీయ అత్యున్నత పౌర గౌరవం లభించింది. ఘనా అధ్యక్షుడు జాన్ మహామా ప్రధాని మోదీకి ‘ఆఫీసర్ ఆఫ్ ది ఆర్డర్ ఆఫ్ ది స్టార్ ఆఫ్ ఘనా’ అవార్డును ప్రదానం చేశారు.

Also Read:Robbery: ఆలయాల్లో వరుస చోరీల కేసు ఛేదించిన పోలీసులు

జాతీయ గౌరవం లభించడం పట్ల ప్రధానమంత్రి మోడీ మాట్లాడుతూ.. “ఘనా జాతీయ గౌరవం దక్కడం నాకు చాలా గర్వకారణం, గౌరవం. అధ్యక్షుడు మహామా, ఘనా ప్రభుత్వం, ఘనా ప్రజలకు నా హృదయపూర్వక కృతజ్ఞతలు తెలియజేస్తున్నాను. 1.4 బిలియన్ల భారతీయుల తరపున నేను ఈ గౌరవాన్ని వినయంగా స్వీకరిస్తున్నాను ఈ గౌరవాన్ని మన యువత ఆకాంక్షలకు, వారి ఉజ్వల భవిష్యత్తుకు, మన గొప్ప సాంస్కృతిక వైవిధ్యం, సంప్రదాయాలకు, భారతదేశం, ఘనా మధ్య చారిత్రక సంబంధాలకు అంకితం చేస్తున్నాను” అని అన్నారు.

Also Read:Off The Record: ఆ విషయంలో టీడీపీ దూకుడు.. జనసేనను ఇరుకున పెడుతోందా..?

అంతకుముందు, ఘనా గడ్డపై తనకు లభించిన ఆత్మీయ స్వాగతం పట్ల ప్రధాని మోడీ కృతజ్ఞతలు తెలిపారు. అధ్యక్షుడు స్వయంగా విమానాశ్రయానికి రావడం తనకు దక్కిన గొప్ప గౌరవమని అన్నారు. సంయుక్త ప్రకటన విడుదల చేస్తూ, భారతదేశం-ఘనా స్నేహానికి ప్రధాన అంశం మన ఉమ్మడి విలువలు, పోరాటం, సమ్మిళిత భవిష్యత్తు కోసం ఉమ్మడి కలలు అని, ఇది ఇతర దేశాలకు కూడా స్ఫూర్తినిచ్చిందని ప్రధాని మోడీ తెలిపారు.

Also Read:AP Crime: భార్యపై అనుమానం.. వృద్ధుడి దారుణ హత్య.. నరికిన కాలు తీసుకొని ఎమ్మెల్యే ఇంటికి..!

ఘనా పర్యటన తర్వాత మోడీ ట్రినిడాడ్, టొబాగో, అర్జెంటీనా, బ్రెజిల్, నమీబియాలను సందర్శిస్తారు. ఘనా అధ్యక్షుడితో చర్చల తర్వాత మోడీ మాట్లాడుతూ, రాబోయే ఐదు సంవత్సరాలలో భారతదేశం-ఘనా వాణిజ్యాన్ని రెట్టింపు చేయాలని మేము లక్ష్యంగా పెట్టుకున్నామని చెప్పారు. సాయుధ దళాల శిక్షణ, సముద్ర భద్రత, రక్షణ సామాగ్రి, సైబర్ భద్రత వంటి రంగాలలో భారత్ ఘనా మధ్య సహకారం పెరుగుతుంది.

Also Read:Pakistan YouTube Ban: పాక్‌ న్యూస్‌ ఛానెల్స్‌, ఇన్‌స్టా ఖాతాలు భారత్‌లో తిరిగి ప్రత్యక్షం

రక్షణ, భద్రతా రంగంలో, మేము “సంఘీభావం ద్వారా భద్రత” అనే నినాదంతో ముందుకు సాగుతాము. ఉగ్రవాదానికి వ్యతిరేకంగా పరస్పర సహకారాన్ని మరింత బలోపేతం చేయాలని మేము నిర్ణయించుకున్నాము. ఉగ్రవాదం మానవాళికి శత్రువు అనే వాస్తవంపై మేము ఏకగ్రీవంగా ఉన్నాము. ఉగ్రవాదంపై భారతదేశం చేస్తున్న పోరాటంలో ఘనా సహకారానికి మేము కృతజ్ఞతలు తెలియజేస్తున్నామని మోడీ వెల్లడించారు.

I thank the people and Government of Ghana for conferring ‘The Officer of the Order of the Star of Ghana’ upon me. This honour is dedicated to the bright future of our youth, their aspirations, our rich cultural diversity and the historical ties between India and Ghana.

This… pic.twitter.com/coqwU04RZi

— Narendra Modi (@narendramodi) July 2, 2025