Parasakthi ‘పరాశక్తి’ ఓటీటీ డీల్ ఫైనల్.. శివకార్తికేయన్ కెరీర్లోనే హయ్యెస్ట్ డిజిటల్ రికార్డ్
తమిళ హీరో శివకార్తికేయన్ ప్రజంట్ తన మార్కెట్ను, క్రేజ్ను మరో స్థాయికి తీసుకెళ్తున్నాడు. ప్రస్తుతం ఆయన ప్రముఖ దర్శకురాలు సుధా కొంగర దర్శకత్వంలో తెరకెక్కిస్తున్న భారీ చిత్రం ‘పరాశక్తి’ లో నటిస్తున్నారు. ఇప్పటికే కోలీవుడ్లో హాట్ టాపిక్గా మారిన ఈ పీరియాడిక్ డ్రామాపై అంచనాలు ఆకాశాన్ని అంటుతున్నాయి. అటు కోలీవుడ్తో పాటు ఇటు టాలీవుడ్లో కూడా ఈ సినిమా గురించి ఇంట్రెస్ట్ బాగా పెరగడంతో, నాన్-థియేట్రికల్ రైట్స్ కోసం భారీ పోటీ ఏర్పడింది.
Also Read : Vishnu Priya : నిజంగా ఆయన అలాంటివాడని అనుకోలేదు.. వేణు స్వామి పై విష్ణు ప్రియ సంచలన వ్యాఖ్యలు
ఇక తాజాగా ఈ సినిమా డిజిటల్ హక్కులను సొంతం చేసుకోవడానికి ఓటీటీ దిగ్గజాలు తీవ్రంగా పోటీ పడ్డాయి. మొదట నెట్ఫ్లిక్స్ సంస్థ రూ. 45 కోట్లు ఆఫర్ చేసినప్పటికీ, చివరకు జీ5 (Zee5) సంస్థ అనూహ్యంగా రూ. 52 కోట్లకు డీల్ను ఫైనల్ చేసుకుంది. ఈ మొత్తం శివకార్తికేయన్ కెరీర్లోనే అత్యధిక డిజిటల్ డీల్ కావడం విశేషం. ఈ రికార్డ్ బ్రేకింగ్ డీల్తో, శివకార్తికేయన్ మార్కెట్ రేంజ్ ఎంత పెరిగిందో స్పష్టమవుతోంది. ఈ ఓటీటీ ఒప్పందం సినిమా మేకర్స్కు భారీ లాభాలను అందించడంతో పాటు, రిలీజ్కు ముందే సినిమా బడ్జెట్లో ఎక్కువ భాగాన్ని సురక్షితం చేసింది.
ఈ ప్రతిష్టాత్మక చిత్రాన్ని డాన్ పిక్చర్స్ బ్యానర్పై ఆకాశ్ బాస్కరన్ అత్యంత భారీ స్థాయిలో నిర్మిస్తున్నారు. శివకార్తికేయన్తో పాటు, ఈ సినిమాలో జయం రవి, అథర్వ మురళి, శ్రీలీల వంటి స్టార్స్ కూడా కీలక పాత్రలు పోషిస్తున్నారు. టెక్నికల్ టీమ్ విషయానికొస్తే.. జి.వి. ప్రకాష్ సంగీతం, రవికే చంద్రన్ అద్భుతమైన సినిమాటోగ్రఫీ ఈ పీరియాడిక్ డ్రామాకు ముఖ్య బలాలుగా నిలవనున్నాయి. అన్నిటికంటే ముఖ్యంగా, ఈ సినిమాను ఫ్యాన్స్ కోసం పండుగ సందర్భంగా 2026 పొంగల్ కానుకగా థియేటర్లలో గ్రాండ్గా విడుదల చేయనున్నారు. ఈ సినిమా రికార్డులు క్రియేట్ చేయడం ఖాయమని ట్రేడ్ వర్గాలు అంచనా వేస్తున్నాయి.