Off The Record : నిలకడలేని రాజకీయం ఆ ఫార్టీ ఇయర్స్ ఇండస్ట్రీని పక్కన పడేసిందా..?
- Follow Us :
-
-
Add as a preferred
source on google
నిలకడలేని రాజకీయం ఆ ఫార్టీ ఇయర్స్ ఇండస్ట్రీని పక్కన పడేసిందా? ఆయన అనుభవం, గతాన్ని పరిగణనలోకి తీసుకుంటే… పరిగెత్తుకుంటూ రావాల్సిన అవకాశాలు ఎందుకు రావడం లేదు? ఒక్క ఛాన్స్ ప్లీజ్ అని ఆయన వేడుకుంటున్నా… ఆ…. చూద్దాం లే…. అన్నట్టుగా ఎందుకు మారుతోంది? ఎవరా లీడర్? సుదీర్ఘ రాజకీయ అనుభవం పెట్టుకుని… అధికార భాగస్వామ్య పార్టీలో ఉండి కూడా అర్రులు చాచాల్సి రావడానికి కారణాలేంటి? కొత్తపల్లి సుబ్బారాయుడు….. ఒకప్పుడు ఉమ్మడి రాష్ట్ర రాజకీయాల్లో కీలక నేత. ఉమ్మడి పశ్చిమ గోదావరి జిల్లా రాజకీయాలను శాసించిన నాయకుడు. ఫార్టీ ఇయర్స్ ఇండస్ట్రీ. ఐదు సార్లు ఎమ్మెల్యేగా గెలిచి, రెండు విడతలు మంత్రిగా పనిచేసిన అనుభవం ఆయన సొంతం. 1999-2004 మధ్య విద్యుత్ శాఖ మంత్రిగా చంద్రబాబు కేబినెట్లో కీలకంగా వ్యవహరించారు కొత్తపల్లి. ఒకసారి ఎంపీగా కూడా చేశారు. వీటన్నిటికీ మించి కాపు సామాజిక వర్గానికి చెందిన కీలక నేత. ఇన్ని క్వాలిఫికేషన్లు ఉండికూడా… ఇప్పుడాయన ఒక్క ఛాన్స్ ప్లీజ్ అంటూ అవకాశాల కోసం కళ్ళు కాయలు కాసేలా ఎదురు చూస్తున్నారట. ఏం…. ఎందుకలా అంటే… అంతా స్వయంకృతం అన్నది ఎక్కువ మంది చెప్పే సమాధానం. కొత్తపల్లి సుబ్బారాయుడు రాజకీయ చరిత్ర చూస్తే… 1989 నుంచి వరుసగా నాలుగుసార్లు నరసాపురం అసెంబ్లీ సీటు నుంచి టీడీపీ తరపున గెలిచారు. సక్సెస్ఫుల్ పొలిటీషియన్గా హవా నడుస్తున్న టైంలో… ఆయన తీసుకున్న ఒక్క నిర్ణయం రాజకీయ జీవితాన్ని తలకిందులు చేసిందని అంటారు రాజకీయ పరిశీలకులు. టిడిపిలో తిరుగులేని నేతగా, గోదావరి జిల్లాల్లో పట్టున్న పొలిటీషియన్గా కొనసాగుతున్న సమయంలో తనకు రాజకీయ అవకాశాలిచ్చిన పార్టీని వదిలి తాను అభిమానించే హీరో పెట్టిన ప్రజారాజ్యం పార్టీలో చేరారు కొత్తపల్లి. ఇక అక్కడి నుంచి మొత్తం రివర్స్ గేరేనని అంటున్నారు. 2009 నుంచి సుబ్బారాయుడు వరుసగా తీసుకున్న నిర్ణయాలు ఆయన పొలిటికల్ కెరీర్ని ఘోరంగా దెబ్బతీశాయన్నది విస్తృతాభిప్రాయం. ఎమ్మెల్యేగా, మంత్రిగా, ఎంపీగా అవకాశం ఇచ్చిన తెలుగుదేశం పార్టీని వదిలి ప్రజారాజ్యం పార్టీలో చేరిన కొత్తపల్లి సుబ్బారాయుడు అదే పార్టీ తరపున 2009లో నరసాపురం అభ్యర్థిగా పోటీ చేసి ఓడిపోయారు.
ఆ తర్వాత పీఆర్పీ కాంగ్రెస్లో విలీనం కావడం, తిరిగి 2012లో ఉప ఎన్నిక జరగడంతో… అప్పుడు కాంగ్రెస్ ఎమ్మెల్యేగా ఎన్నికయ్యారు మాజీ మంత్రి. అక్కడ వరకు ఫర్లేదని అనుకున్నా… ఆ తర్వాత 2014 ఎన్నికల్లో వైసీపీ నుంచి పోటీ చేసి మరోసారి ఓటమి పాలయ్యారాయన. మూడోసారి పార్టీ మారినా ఉపయోగం లేదని భావించిన కొత్తపల్లి… తిరిగి టిడిపిలోకి ఎంటరై కాపు కార్పొరేషన్ చైర్మన్ ఛైర్మన్ అయ్యారు. పోనీ… అప్పుడైనా కుదురుగా ఉన్నారా… అంటే అదీ లేదు. 2019 ఎన్నికల నాటికి తిరిగి వైసీపీలోకి వెళ్ళిపోయారు. అలా… ఐదోసారి పార్టీ మారినా ఆయనకి కలిసి రాలేదు. రెండోసారి కూడా వైసీపీలో లోకల్ ఎమ్మెల్యేలతో విభేదాల కారణంగా బయటికొచ్చారు. 2024 ఎన్నికలకు ముందు వరకు న్యూట్రల్గా ఉన్న కొత్తపల్లి సుబ్బారాయుడు.. ఆ ఎన్నికల్లో టీడీపీ సీటు ఇస్తే పోటీ చేద్దామని ఎదురు చూశారట. అవకాశం లేకపోవడంతో చివరి నిమిషంలో జనసేన కండువా కప్పుకున్నారు. అలా… టిడిపిని వదిలి ప్రజారాజ్యంలో అడుగుపెట్టిన నాటి నుంచి కొత్తపల్లి సుబ్బారాయుడుకు పొలిటికల్గా అస్సలు కలిసి రాలేదని అంటారు. ఈ క్రమంలో…. ప్రస్తుతానికి జనసేనలోనే కొనసాగుతున్న కొత్తపల్లి సుబ్బారాయుడు…. కాపు కార్పొరేషన్ చైర్మన్గానే ఉన్నా…. ఆశించిన స్థాయిలో గుర్తింపు రాకపోవడంతో ఆయన అనుచర వర్గం అసంతృప్తిగా ఉందట. దీంతో కనీసం ఇప్పుడన్నా…. సుబ్బారాయుడు సెకండ్ ఇన్నింగ్స్ మొదలవుతుందా? లేక ఇతివార్తాహ అంటారా అన్న చర్చ జరుగుతోంది. కూటమి ప్రభుత్వంలో జనసేన కీల భాగస్వామిగా ఉండటం, సుబ్బారాయుడి అనుభవాన్ని పరిగణనలోకి తీసుకుని ఆయనకు గుర్తింపు ఇస్తారా? లేక ఆయన మారని పార్టీ అంటూ లేదని… నిలకడలేని నాయకుడిని ఇచ్చి మాత్రం ఉపయోగం ఏంటనుకుని పక్కకు పెట్టేస్తారా అన్న ఆందోళన ఉందట ఆయన శిబిరంలో. మరో విడత నామినేటెడ్ పోస్టుల హడావిడి మొదలవుతున్న క్రమంలో… జనసేన అధిష్టానం ఎలాంటి నిర్ణయం తీసుకుంటుందోనని ఆసక్తిగా చూస్తున్నారు కొత్తపల్లి అనుచరులు. ఆయన అనుభవం పనికొస్తుందా? లేక నిలకడలేని తత్వం మరోసారి దెబ్బేస్తుందా అన్నది చూడాలి మరి.
Also Read
- Drug Racket: DRI మెరుపు దాడులు.. రూ.700 కోట్ల విలువైన డ్రగ్స్ పట్టివేత..
- Monalisa: కుంభమేళా వైరల్ గర్ల్ మోనాలిసా ఇప్పుడు ఎక్కడుంది? పెళ్లి తర్వాత జీవితం ఎలా మారింది?
- AP Panchayat Elections: పంచాయతీ ఎన్నికల సందడి.. తుది దశ నోటిఫికేషన్ విడుదల.. పూర్తి వివరాలు..!
- Marriages: "పెళ్లి వద్దు.. సింగిల్ లైఫే బెటర్".. యువత పెళ్లికి ఎందుకు దూరంగా ఉంటోంది? 4 ప్రధాన కారణాలివే..
- Tags
- kothapalli-subbarayudu
- ntv
- OTR
తాజావార్తలు
-
GTA 5 to GTA 6: GTA 5 నుంచి GTA 6 వరకు.. 13 ఏళ్లలో భారత్లో వచ్చిన మార్పులపై పీఎం మోడీ పోస్ట్!
-
Swasika: ఆమె నటిస్తే మూవీ హిట్టే.. ‘ఏవోటీ’తో హ్యాట్రిక్ సాధిస్తుందా?
-
Drug Racket: DRI మెరుపు దాడులు.. రూ.700 కోట్ల విలువైన డ్రగ్స్ పట్టివేత..
-
Monalisa: కుంభమేళా వైరల్ గర్ల్ మోనాలిసా ఇప్పుడు ఎక్కడుంది? పెళ్లి తర్వాత జీవితం ఎలా మారింది?
-
NZ vs IND 1st Test: నికోల్స్ సెంచరీ, ఫిలిప్స్ విధ్వంసం.. 70కే 5 వికెట్స్ కోల్పోయినా కివీస్దే పైచేయి!
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!