Nissan Magnite CNG: నిస్సాన్ మాగ్నైట్‌కు ఇకపై సీఎన్జీ కిట్ కూడా.. కేవలం రూ.74,999 మాత్రమే..!

Nissan Magnite CNG: పర్యావరణానికి మేలు చేసే ఆలోచనలో భాగంగా వినియోగదారులకు మరింత ఆప్షన్లను అందించాలనే ఉద్దేశంతో నిస్సాన్ మోటార్ ఇండియా మాగ్నైట్‌ కోసం సీఎన్జీ రెట్రోఫిట్మెంట్ కిట్‌ను ప్రవేశపెట్టింది. దీనిని వినియోగదారులు రూ. 74,999కి పొందవచ్చు. ఈ సీఎన్జీ కిట్‌ను మోటోజెన్ అనే ప్రభుత్వ గుర్తింపు పొందిన సంస్థ అభివృద్ధి చేసింది. ఇది 3 సంవత్సరాలు లేదా 1 లక్ష కిలోమీటర్ల వారంటీతో వస్తుంది. సురక్షితంగా అమలు చేయడానికీ, స్థానిక నిబంధనల ప్రకారం ఫిట్మెంట్‌ను ప్రభుత్వ అధికారిక ఫిట్మెంట్ కేంద్రాల్లోనే మాత్రమే నిర్వహించనున్నారు.

Read Also: KTM E-Duke: బైక్ లవర్స్ గెట్ రెడీ.. కేటీఎం నుంచి తొలి ఎలక్ట్రిక్ బైక్‌ వచ్చేస్తోంది..

సీఎన్జీ కిట్ 1.0 లీటర్ నేచురల్ ఆస్పిరేటెడ్ పెట్రోల్ ఇంజిన్, మాన్యువల్ గేర్‌ బాక్స్ ఉన్న వేరియంట్‌కి మాత్రమే లభ్యమవుతుంది. మొదటి దశలో ఈ సౌకర్యం ఢిల్లీ-ఎన్సీఆర్, హర్యానా, ఉత్తరప్రదేశ్, మహారాష్ట్ర, గుజరాత్, కేరళ, కర్ణాటక రాష్ట్రాల్లో అందుబాటులో ఉంటుంది. తర్వాతి దశలో దేశవ్యాప్తంగా విస్తరించనుంది.

Read Also: Manda Krishna Madiga: నా పేరుతో పద్మశ్రీ వచ్చినా.. ఇది ఉద్యమకారులందరికీ దక్కిన గౌరవం!

కొత్త మాగ్నైట్ SUV 20కి పైగా ఫస్ట్-ఇన్-సెగ్మెంట్, బెస్ట్-ఇన్-సెగ్మెంట్ ఫీచర్లు, అలాగే 55కి పైగా భద్రతా ఫీచర్లతో వస్తోంది. ఇది 65కి పైగా దేశాలకు ఎక్స్‌పోర్ట్ అవుతోంది. రైట్-హ్యాండ్, లెఫ్ట్-హ్యాండ్ డ్రైవ్ అనే రెండు రకాల డ్రైవింగ్ కాన్ఫిగరేషన్లలో లభిస్తుంది. ఇకపోతే, ఈ కొత్త సీఎన్జీ ఆప్షన్స్ ద్వారా నిస్సాన్ మాగ్నైట్‌ సేవింగ్, పర్యావరణ అనుకూలంగా వినియోగదారుల మధ్య మరింత ఆకర్షణీయంగా మారనుంది. దీని ద్వారా ప్రస్తుత కాంపాక్ట్ SUV మార్కెట్లో తన స్థానాన్ని బలోపేతం చేయాలని నిస్సాన్ లక్ష్యంగా పెట్టుకుంది.