బంగ్లాదేశ్ పాకిస్థాన్‌పై అద్భుతమైన సిరీస్ విజయం తర్వాత, ఆల్ రౌండర్ మెహదీ హసన్ మిరాజ్ పేరు సర్వత్రా చర్చనీయాంశంగా మారింది. ఈ 26 ఏళ్ల ఆటగాడు తన ఆటతీరుతో స్టార్ స్టేటస్ సాధించాడు. దిగ్గజ ఆటగాడు షకీబ్-అల్-హసన్ కెరీర్ చివరి దశలో ఉన్న తరుణంలో.. మెహ్దీ ఆల్ రౌండర్‌గా బంగ్లాదేశ్ అభిమానులకు పెద్ద ఆశగా నిలిచాడు. ఈ సిరీస్‌లో ముస్ఫికర్ రహీమ్, లిటన్ దాస్, హసన్ మహమూద్, నహిద్ రానా కూడా మంచి ప్రదర్శన చేసినప్పటికీ, ఈ సిరీస్‌లో మెహదీ హసన్ హసన్ బ్యాటింగ్ తోపాటు బౌలింగ్ లోనూ అద్భుత ప్రదర్శన కనబరిచాడు. చరిత్రాత్మక ‘క్లీన్ స్వీప్’లో ప్లేయర్ ఆఫ్ ది సిరీస్‌ను అందుకున్నాడు.
READ MORE: CM Revanth Reddy: తక్షణ సాయం అందించాలి.. కేంద్ర మంత్రిని కోరిన ముఖ్యమంత్రి
మెహదీ హసన్ జీవిత పయనం..
పేదరికంలో పెరిగిన మెహదీకి.. క్రికెట్ కలను నెరవేర్చుకునే ప్రయాణం అంత సులువుగా లేదు. హసన్ 25 అక్టోబర్ 1997న జన్మించాడు. తన తండ్రి ‘రెంట్ ఎ కార్’ సంస్థలో డ్రైవర్. మొత్తం కుటుంబం ఖుల్నాలో రెండు గదుల చిన్న ఇంట్లో నివసించేది. తండ్రికి కొన్నిసార్లు పని ఉంటుంది.. కొన్నిసార్లు ఉండదు. అటువంటి పరిస్థితిలో కూడా తన కుమారుడి క్రికెట్ కలను నెరవేర్చేందుకు కృషి చేశాడు. 8 సంవత్సరాల వయస్సులో క్రికెట్ ఆడటం ప్రారంభించిన మెహదీ, కాశీపూర్ క్రికెట్ అకాడమీలో చేరిన తర్వాత చిన్న వయస్సులోనే పేరు ప్రఖ్యాతులు సంపాదించడం ప్రారంభించాడు. కుడిచేతి వాటం బ్యాట్స్‌మన్, ఆఫ్-బ్రేక్ బౌలర్ మెహ్దీ యొక్క అద్భుతమైన ప్రదర్శన వృథా కాలేదు.
READ MORE:Lavanya : ఆమెతో అఫైర్ పెట్టుకుని రాజ్ తరుణ్ క్రిమినల్ లా తయారయ్యాడు!
మెహదీ హసన్ 2015-16 అండర్-19 ప్రపంచ కప్‌కు బంగ్లాదేశ్ కెప్టెన్‌గా నియమితుడయ్యాడు. టోర్నమెంట్‌లో.. జట్టు సెమీ-ఫైనల్‌కు చేరుకుంది. మెహదీ హసన్ ప్లేయర్ ఆఫ్ ది టోర్నమెంట్‌గా నిలిచాడు. బ్యాటింగ్, బౌలింగ్ (242 పరుగులు మరియు 12 వికెట్లు) రెండింటిలోనూ అద్భుతాలు సృష్టించాడు. అనంతరం అతను సీనియర్ జట్టులో చోటు దక్కించుకున్నాడు.
READ MORE: Hyderabad Rain: హైదరాబాద్‌లో పలు చోట్ల భారీ వర్షం
టెస్టుల్లో 10 వికెట్లు తీసిన 5వ అతి పిన్న వయస్కుడైన బౌలర్..
ఈ ఏడాది ఇంగ్లండ్‌తో జరిగే టెస్టు సిరీస్‌కు సీనియర్ బంగ్లాదేశ్ జట్టులోకి ఎంపికయ్యాడు. ఈ అవకాశాన్ని సద్వినియోగం చేసుకునేందుకు ప్రయత్నించాడు. 2016 అక్టోబర్‌లో చిట్టగాంగ్‌లో జరిగిన తన అరంగేట్రం టెస్టులో 5 వికెట్లతో సహా 7 వికెట్లు తీసి జట్టులో స్థానం దక్కించుకున్నాడు. దీని తర్వాత.. ప్రతి మ్యాచ్ మెహదీ పేరిట కొత్త విజయాలను జోడిస్తూనే ఉంది. మిర్పూర్‌లో జరిగిన సిరీస్‌లో తన రెండో టెస్టులో, అతను 159 పరుగులు తీయడంతో పాటు 12 వికెట్లు పడగొట్టాడు. ప్రపంచంలో 10 లేదా అంతకంటే ఎక్కువ వికెట్లు తీసిన 5వ అతి పిన్న వయస్కుడైన బౌలర్‌గా (19 సంవత్సరాలు, మూడు రోజులు) నిలిచాడు. ఈ మ్యాచ్ విన్నింగ్ ప్రదర్శనను అభినందిస్తూ.. అప్పటి ప్రధాని షేక్ హసీనా మిరాజ్‌కు ఖుల్నాలో ఇల్లు నిర్మించుకోవడానికి ఉచితంగా భూమిని ఇస్తున్నట్లు ప్రకటించారు.
READ MORE: Vijayawada Floods: ఓవైపు వరదలు.. మరోవైపు దొంగలు.. బెజవాడ వాసులకు కొత్త టెన్షన్‌..!
తన 8 ఏళ్ల సుదీర్ఘ అంతర్జాతీయ కెరీర్‌లో, మెహ్దీ ఇప్పటివరకు 45 టెస్టులు, 97 వన్డేలు మరియు 25 టీ20లు ఆడాడు. 1625 పరుగులు చేయడంతో పాటు, టెస్టుల్లో 174 వికెట్లు, వన్డేల్లో 1331 పరుగులు, 106 వికెట్లు తీశాడు. మార్చి 2019లో బంగ్లాదేశ్ జట్టు న్యూజిలాండ్ పర్యటన సందర్భంగా క్రైస్ట్‌చర్చ్‌లోని అల్ నూర్ మసీదుపై బ్రెంటన్ టారెంట్ అనే వ్యక్తి కాల్పులు జరిపినప్పుడు మెహ్దీతో సహా బంగ్లాదేశ్ జట్టులోని చాలా మంది ఆటగాళ్లు తృటిలో తప్పించుకున్నారు. మీరాజ్, ఇతర ఆటగాళ్ళు ఆ సమయంలో నమాజ్ చేయడానికి ఈ మసీదుకు వెళ్లారు. బంగ్లాదేశ్ క్రికెటర్లు ఈ దాడిని తమ జీవితంలో అత్యంత భయానక అనుభవంగా అభివర్ణించారు. ఈ దాడిలో తన ప్రాణాలను కాపాడుకున్న కొద్ది రోజులకే, మెహదీ రబియా అక్తర్‌ను వివాహం చేసుకుని కొత్త జీవితాన్ని ప్రారంభించాడు.
