Palamuru-Rangareddy Project : పాలమూరు-రంగారెడ్డి లిఫ్ట్‌ ఇరిగేషన్ స్కీమ్‌ డీపీఆర్‌కు కేంద్రంకు లేఖ
- Follow Us :
-
-
Add as a preferred
source on google
పాలమూరు-రంగారెడ్డి లిఫ్ట్‌ ఇరిగేషన్ స్కీమ్‌ (పీఆర్ఎల్ఐఎస్)కి సంబంధించి కేంద్రం పంపిన డిటైల్డ్‌ ప్రాజెక్ట్‌ రిపోర్ట్‌ (డీపీఆర్‌)ను కేంద్రం తిరస్కరించడంపై తీవ్ర అభ్యంతరం వ్యక్తం చేసిన తెలంగాణ ప్రభుత్వం, వెంటనే డీపీఆర్‌ను పరిశీలించి మంజూరు చేయాలని కేంద్ర జల సంఘం (సీడబ్ల్యూసీ)ని కోరింది. రాష్ట్ర ప్రభుత్వం పంపిన పీఆర్ఎల్ఐఎస్ డీపీఆర్‌ను పరిశీలించి వీలైనంత త్వరగా అనుమతి ఇచ్చేలా సీడబ్ల్యూసీని ఆదేశించాలని జలశక్తి మంత్రిత్వ శాఖ కార్యదర్శి పంకజ్ కుమార్‌కు ప్రత్యేక ప్రధాన కార్యదర్శి (ఇరిగేషన్) రజత్ కుమార్ లేఖ రాశారు. గతంలో సీడబ్ల్యూసీ లేవనెత్తిన సమస్యలన్నింటికీ ప్రాజెక్టు గురించి సవివరంగా వివరణ ఇచ్చామని, అందువల్ల డీపీఆర్‌ను పరిశీలించేందుకు కేంద్రానికి ఎలాంటి ఇబ్బంది ఉండదని ఆయన పేర్కొన్నారు.
Also Read : MLA Sudhakar babu: జగన్ పై రాజకీయకుట్ర జరుగుతోంది
కృష్ణా జల వివాదాల ట్రిబ్యునల్ (కెడబ్ల్యుడిటి-II) ఈ అంశంపై తీర్పు ఇచ్చేంత వరకు డిపిఆర్‌ను పరిశీలనకు తీసుకోలేమని సిడబ్ల్యుసి వాదనపై అభ్యంతరం వ్యక్తం చేస్తూ, జస్టిస్ బ్రిజేష్ కుమార్ తమకు అధికారం లేదని చెప్పారని రజత్ కుమార్ గుర్తు చేశారు. నీటిని కేటాయించాలని, అందుకే డీపీఆర్‌ను పరిశీలించి ట్రిబ్యునల్ తుది తీర్పుకు లోబడి అనుమతులు ఇవ్వాలని కోరారు. 2021 జూలై 15న కేంద్ర ప్రభుత్వం విడుదల చేసిన గెజిట్ ప్రకారం పాలమూరు-రంగారెడ్డిని అనుమతులు లేని ప్రాజెక్టుల జాబితాలో చేర్చారని, ఆరు నెలల్లోగా అనుమతులు పొందాలని చెప్పామని తెలిపారు. అనుమతుల కోసం DPR సమర్పించబడింది. అప్పటి నుంచి ఆరు నెలల్లోగా డీపీఆర్‌ను పరిశీలించి అనుమతులు మంజూరు చేయాల్సిన బాధ్యత కేంద్రంపై ఉందని గుర్తు చేశారు.
Also Read : Mega Job Fair: నిరుద్యోగులకు గుడ్‌న్యూస్‌.. మాజీ హోంమంత్రి దేవేందర్ గౌడ్ బర్త్‌డే రోజు మెగా జాబ్‌ మేళా
అయితే ట్రిబ్యునల్‌లో కేసు పెండింగ్‌లో ఉన్నందున డీపీఆర్‌ను పరిశీలించలేమని సీడబ్ల్యూసీ చెప్పడం అన్యాయమన్నారు. ఒకవైపు పీఆర్ఎల్ఐఎస్ డీపీఆర్‌ను క్లియర్ చేయని కేంద్రం మరోవైపు కర్ణాటకలోని ఎగువ భద్ర నీటిపారుదల ప్రాజెక్టుకు అన్ని అనుమతులు ఇవ్వడమే కాకుండా జాతీయ హోదా కల్పించి రూ.5,300 కోట్లు మంజూరు చేస్తున్నట్లు ప్రకటించింది. ‘‘తెలంగాణ, కర్ణాటక రాష్ట్రాలకు కేంద్రం వేర్వేరు నిబంధనలను ఎలా విధించింది? అని ఆయన లేఖలో ప్రశ్నించారు.
‘‘కరువు పీడిత, ఫ్లోరైడ్ పీడిత ప్రాంతాల్లోని 6 జిల్లాల్లోని 1200 గ్రామాలకు తాగునీరు, 12.30 లక్షల ఎకరాలకు సాగునీరు అందించాలని ప్రతిపాదించిన పాలమూరు-రంగారెడ్డికి ఎందుకు అన్యాయం జరుగుతోంది? ప్రాజెక్టుల అనుమతుల విషయంలో ఒక్కో రాష్ట్రానికి ఒక్కో రకంగా ఉందా? అని ఆయన అన్నారు. 2014 ఎన్నికల సమయంలో బీజేపీ ప్రభుత్వం అధికారంలోకి వచ్చిన తర్వాత ప్రాజెక్టును పూర్తి చేస్తామని ప్రధాని నరేంద్ర మోడీ హామీ ఇచ్చారని గుర్తు చేశారు. కేంద్రం వెంటనే డీపీఆర్‌ను పరిశీలించి అనుమతి ఇవ్వాలని కోరారు.