ఇటీవలి కాలంలో పెళ్లి అంటేనే భయపడిపోతున్నారు. గొడవల కారణంగా విడాకులు తీసుకోవడం, అక్రమ సంబంధాలు, ప్రియుడు లేదా ప్రియురాలితో పారిపోవడం వల్ల పెళ్లి మూన్నాళ్ల ముచ్చటగానే మిగిలిపోతోంది. ఇదీకాకుండా నాగరిక సమాజంలో వరకట్న వేధింపులు నవ వధువుల మృతికి కారణమవుతున్నాయి. ఎన్నో ఆశలతో అత్తగారింట్లో అగుడు పెట్టిన కొత్త కోడళ్లను అదనపు కట్నం కోసం వేధిస్తూ ప్రాణాలు తీస్తున్నారు. తాజాగా మీరట్ లో ఇలాంటి ఘటనే చోటుచేసుకుంది. పెళ్లైన మూడు నెలలకే కట్నం కావాలంటూ వివాహితను భర్త, అత్తమామలు గొంతు నులిమి చంపేశారు.
Also Read:Am Ratnam : ఏఎం రత్నం కళ్లు తిరిగి పడిపోవడంపై దయాకర్ క్లారిటీ..
పెళ్లయిన మూడు నెలలకే, కారు, రూ.5 లక్షల కట్నం ఇవ్వలేదని భర్త, అత్తమామలు నవ వధువు గొంతు నులిమి చంపారు. దీని తరువాత, భర్త తన బంధువులతో కలిసి మృతదేహాన్ని దహనం చేయడానికి సూరజ్కుండ్ చేరుకున్నాడు. విషయం తెలుసుకున్న మృతురాలి తల్లిదండ్రులు పోలీసులకు సమాచారం ఇచ్చారు. వెంటనే పోలీసులు సూరజ్కుండ్లోని శ్మశాన వాటికకు చేరుకునే సమయానికి, శరీరం దాదాపు 80 శాతం కాలిపోయింది. సగం కాలిపోయిన మృతదేహాన్ని స్వాధీనం చేసుకోవడంతో పాటు, పోలీసులు భర్త, అత్త, మామలను అరెస్టు చేశారు.
Also Read:Rajat Patidar: సంబరాలు చేసుకుందాం, సిద్ధమా.. ఆర్సీబీ అభిమానులకు పాటీదార్ సందేశం!
గౌతమ్ నగర్ నివాసి అయిన గౌరవ్ ఆభరణాల వ్యాపారి వద్ద పనిచేస్తున్నాడు. మార్చి 3న, అతను హాపూర్లోని షాపూర్ జట్గావ్ నివాసి కోమల్ను వివాహం చేసుకున్నాడు. వివాహం తర్వాత భర్త గౌరవ్, మామ బిజేంద్ర, అత్త సర్వేష్ రూ.5 లక్షలు, కారు డిమాండ్ చేస్తూ కోమల్ను వేధించడం ప్రారంభించారని కోమల్ సోదరుడు రవి పోలీసులకు తెలిపారు. కట్నం డిమాండ్ పై దంపతుల మధ్య వివాదం జరిగింది. విచక్షణ కోల్పోయిన గౌరవ్ కోమల్ను ఆమె స్కార్ఫ్తో గొంతు నులిమి చంపాడు. గౌరవ్ తల్లిదండ్రులు కూడా ఈ హత్యకు సహకరించారు.
Also Read:Rajat Patidar: సంబరాలు చేసుకుందాం, సిద్ధమా.. ఆర్సీబీ అభిమానులకు పాటీదార్ సందేశం!
తరువాత గౌరవ్ కోమల్ సోదరుడు రవికి ఫోన్ చేసి, కోమల్ రక్తపు వాంతులు కారణంగా చనిపోయిందని చెప్పాడు. రవి గౌతమ్ నగర్ చేరుకున్నప్పుడు, గౌరవ్ బంధువులు సూరజ్కుండ్లో కోమల్ మృతదేహాన్ని దహనం చేయడానికి అప్పటికే సన్నాహాలు చేశారు. రవి తన సోదరి కోమల్ మృతదేహాన్ని చూసినప్పుడు, కోమల్ మెడపై గాయాలను గుర్తించాడు. హత్య జరిగిందని అనుమానం వ్యక్తం చేసిన రవి వెంటనే కంట్రోల్ రూమ్కు సమాచారం అందించాడు. రవి ఫిర్యాదు మేరకు పోలీసులు భర్త, అత్త, మామలపై వరకట్న హత్య కేసు నమోదు చేసి అరెస్టు చేశారు.
